ṬONGPHÔNG 15:3 - LEKHARABU INTHENG (BSI)

³ anmani’n kemōngte leh Pathen sōkpa, Moses hla kha, ansak a ka-om hei: “Akahratpen Rōngpu Pathen, naṭōn tlohei hi heituk-hrep a a’nlak a akalenhei mo! Jât rakip Rengpa, nahlamhei hi heituk-hrep a akadik a a’ntlun hei mo!

ṬONGPHÔNG 15:3 ပူးပေါင်းရင်းမြစ်များ

A’NPHUTNA 17:1

Abram kum 99 atluk pha Rōngpu ahnenga inlâra, “Kei Akahratpen Pathen eng kae. Kaṭong jui roh khana akadik tlo ṭhak roh.

THUHMINGHEI INKHATNA 6:49

Aaron leh asōn leh pârhei kha’n marim katui tōkna annei khana maichâm chunga romanvâm inthoina anleitōk hei. Anmani kha Hmun Inthengpena kamukna rakip leh Pathen in Israelhei setna arangei mandamna sik inthoina ṭōnhlam karônhei kha kae. Anmani’n hihei rakip hi Pathen sōk Moses mantheina dungjuia anleitloa kae.

THUHMINGHEI INHNINA 24:6

khava jâra ama’n anhlam kakei Jehoiada abek a ader jo, “Heisa mo Rōngpu sōkpa Moses’n Rōngpu omna Pōn-inn razenna sik a ramsêrṭhei pekna sik mipui aleingek hei kha, tûnhin Levi he’n Judah leh Jerusalema ṭheina antanei hi nahmu pek mak hei.” (

NEHEMIAH 9:14

Nachâm hngatna kani kha inthengtak a anserna sik namanthei hei, nasōkpa Moses hnenga nadânhei kha napek heia kae.

JOB LEKHARABU 36:24

Aṭōn tlona hei jâra ahei tik a manpâk a ka-om ṭhak a kae; nang inum namanpâk nger sik kae.

JOB LEKHARABU 5:9

Ama’n ṭōn kalen atlo hei kha eini’n manhret tor mak me, khana ama ṭōn inlak-hei kha bângtik om mak.

HLAHEI 100:5

Rōngpu kha akaṭha kae. alungsetna hi kumleikōa kae khana ama taksen theina hi ahei tik a ka-om.

HLAHEI 105:5

Asōkpa Abraham sōn leh pâr nangni; akadeisōtpa Jacob sōn leh pâr nangni: Pathen ṭōn-inlak leitlo hei kha leh aṭong leitanna hei kha mandon ruh.

HLAHEI 111:2

Rōngpu ṭōntlo kha heituk a inlak jo hei mo! Khava indu rakip hei khan khavakha manhretna sik antlo.

HLAHEI 111:7

Atlona rakip heia khan taksenthei leh akadik kachang; aṭongpek rakip kha inhngatna thei kae.

HLAHEI 139:14

Kachoi ka-ân che ajârchu ṭit sik khachu nang che kae; naṭōntlo heirakip kha ahlopdet hei kae khana inlak hêr hei. Natlo rakip hei kha kamalung pumpui in kamanhret hei.

HLAHEI 145:17

Rōngpu chu aṭōn tlona rakip a kadik, a’nhlingna rakip a maritna kasip.

HLAHEI 145:6

Mihe’n naṭōntlo rathanei kha anhri sik; khana ke’n nalenna kha kaphôngsōt sik.

HLAHEI 18:30

Hiva Pathen hichu aṭōn tlohei hi heituk a pui akatluk jo hei mo! Aṭonghei hi heituk a nganse thei akachang hei mo! Ama hrungpekna kajong hei sik a ama chu pho inkhat kapō kae.

HLAHEI 78:12

Egypt ram Zoan phaichama anpu anpa he’n anlei en mathliplai khan, Pathen in ṭōn-inlak aleitlosōt.

HLAHEI 92:5

Naṭōn tlohei kha heituk a akalenhei mo, Rōngpu! Namandonna hei kha heituk a a’nthuk hei mo!

HLAHEI 99:4

Ratha kanei Reng, akadik kha namadu; Israelhei chunga ṭongdik naphunsōt; nang in akadik akaṭha kha nahong rôn sōt.

ISAIAH 33:22

Khava anrakōng heia pōnzâr makhei kha ahnemna om mak; rakōng intôr theimak ning! Ni-inrepuihei nei rakip nisur sik jo, khangtuk hrep a katam sik, ke kangōi kapha’num chen anei tor sik. Rōngpu kha nireng kachang sik jo; ama’n nichunga vai arôn sik khana ahrung sik me.

ISAIAH 45:21

Ṭongtan hmun a nanṭong tanna sik heirôn manhlut ruh; a’nhrung sik hei kha inkhat leh inkhat inbek intōk hei rasoh. Heimo akasōk sik kha tenlai khan tu’n mo aleihridek jo? Khava kahri kha amihei kahuksōt Pathen Rōngpu kei kha changmak eng mo? Pathen ralak om mak a kae.

DANIEL 6:20

Ama’n khava hmun atlung pha, malung inrimtak a a-ôn, “Akahring ṭhak Pathen sōk Daniel! Khang hrep a kajatak a narazen na-Pathen in shabakkai heia inphut ahuksōt tornâk che mo?”

DANIEL 9:11

Israel rakip in nadân anlei sukkhōi jo, khana naṭong hri juihnōm mak jo hei. Nang kadōia kaset jo ung, khana nasōk Moses dânrabu a a’nzet hâksêrna hei kha kanchunga katlung joa kae.

HOSEA 14:9

Mikasing he’n hinna inzet hei hi manhret rasoh, anmalunga inda hei rasoh. Rōngpu hlam chu akadikhei kae, mikadik he’n khahei kha anjuia kahring hei, mikaset he’n andon mak jâra inpai heia katlu ri hei.

MICAH 7:20

Tenlaia kanpu kanpahei hneng naṭong leitepna kapōa, Abraham leh Jacob sōn leh pârhei, namihei hneng nalungsetna injônjet leh taksenthei nachangna kha namalârpek sik jo hei.

ZEPHANIAH 3:5

Tâk-kha Rōngpu kha khōpuia laka-om ṭhak, akadik rōk kha atlo; akadik mak kha tlojen mak. Jîngkâr katai sôilo jen a amihei hnenga akadik kha ahei rôn pek hei. Tâk-kha mikadik mak he’n akadik mak kha antloṭhak khana inzak um manhret mak hei.

ZECHARIAH 9:9

Inpâk ruh, hōi ruh, Zion mihei. Jerusalem mihei inpâk a ông ruh! Enruh, nanrengpa kha nanhnenga kajōng jo! Ama khan chung sōkna leh torna aneia kahong tâk-kha insinsak tak a shakōrtung aheichōng– shakōrtung tere inkhat aheichōng.

JOHN 1:17

Pathen in Mosea inphut Dân kha ajongpek me, tâk Jesu Christa a inphut lungset maritna leh akadik kha ajongpek me.

DÂNRABU INHNINA 31:30

Khava sōa Moses’n hla seng kha aleiteisōt khana Israel mi rakip in anleirangei.

DÂNRABU INHNINA 32:3

Rōngpu rahming kachoi ka-ân sik, ami he’n alûrna anhri manthang sik.

DÂNRABU INHNINA 34:5

Khava jâra Rōngpu sōkpa, Moses kha Rōngpu hrina dungjuia Moab ram a kathi jo.

TIMOTHY INKHATNA 1:17

Kumsôt Rengpa, inhmangtik kaneimak leh hmit a hmutheilo, Pathen inkhat rōk, hnenga are-rea lûrna leh kajana chenṭhak rasoh! Amen.

HEBREWHEI 3:5

Pathen innshunga Moses kha sōk inkhat a taksenthei leikachang, khana hnunga Pathen tahri sik kha ama’n ahrisōt a kae.

JOSHUA 22:5

Moses ṭong pek chei kha jui ngerna sik a intluk ruh: Rōngpu nan-Pathen lungset ruh, alungdo tlo ruh, aṭongpek-hei jui ruh, ahnenga taksenthei chang ruh, khana nanmalung nanrathla akhenga razen ruh.”

ṬONGPHÔNG 1:8

Aka-om, aleika-om, alakahong sik Akahratpen Rōngpu Pathen khan, “Kei aphutna leh achaina eng kae,” ati.

ṬONGPHÔNG 11:17

khana anti: “Akahratpen Rōngpu Pathen, aka-om leh aleika-omsa! Keini’n nang kanmanpâk che, ajârchu naratha hratna kha na’nloa nang in vai narôn manphut joa kae!

ṬONGPHÔNG 14:3

Mipui 144,000 hei kha len in-ongna leh ranhring 4 hei khana upahei hma a kangir hei; khana upahei kha’n antasak thei hlather inkhat anleisak. Anmani rōk kha huksōt sahei kae.

ṬONGPHÔNG 14:8

Ngeva 2 tlukna khan hma-inkei kha ahei juia ahri, “Amanu katlu jo! Babylon kalen kha katlu jo! Amanu’n mi rakip aju apek heia aman in hei, ama juhning, hurna ju kha kae!”

ṬONGPHÔNG 17:14

Anmani’n Kemōngte kadōia re antlo sik; tâk Kemōngte leh abeksōt hei, akadei hei leh akataksena akajui he’n antor sik hei, ajârchu ama hi renghei Reng leh rōngpuhei Rōngpu kha kae.”

ṬONGPHÔNG 19:16

Apōn chunga leh arakō chunga: “renghei Reng leh rōngpuhei Rōngpu,” inti rahming inzet a kae.

ṬONGPHÔNG 19:2

Ama ṭongtan chu akadik leh a’ntlun kae! Ajârchu noti kalennu ajôngna vânga raleichung kasukset kha ama’n karâkna apek jo. Amanu’n Pathen sōk-hei aleithat hei khava jâra Pathen in karâkna apek kae,” anti.

ṬONGPHÔNG 4:8

Khava ranhring 4 hei kha inkhat et in mathla 6 sâm annei, ashung avâng hmit he’n akatōmbit heia kae. Sûn leh jân bânglo jena hla ansak: “A’ntheng, a’ntheng, a’ntheng, Rōngpu Pathen Akahratpen kha kae, aleika-om, aka-om, alaka-om sik kha kae.”