ṬONGPHÔNG 15:1 - LEKHARABU INTHENG (BSI)

¹ Khava sōa a’nlaktak leh akalentak chîkna marvân chunga ngeva 7 leh hrise 7 ke’n kahmu. Hiva hrisehei hi achaina jo hei kae, ajârchu hihei hi leh inṭhōia, a’nchaina sik Pathen hnuk natna kha akajōng sik kae.

ṬONGPHÔNG 15:1 ပူးပေါင်းရင်းမြစ်များ

DANIEL 6:27

Ama’n ahuksōt khana asansōt; Ama’n marvân leh raleichunga ṭōn inralak leh det-hla ka-om atlo. Ama’n shabakkai he’n antatha sik Daniel kha ahuksōt.”

LEVI-DÂN 26:21

“Nangni’n nanidōi ṭhak enga nanijui hnōm mak inchu, nankarâkna kha aja 7 kamankhesa sik kae.

ṬONGPHÔNG 10:3

khana shabakkai inhrung kapōa rasa inhnaktak a ka-ông. Khana ama a-ôngsō pha, khō inri 7 rasa’n anmasôna kae.

ṬONGPHÔNG 11:14

Inrengna 2 tlukna kha kathleng jo, tâk inrengna 3 tlukna kha inranga kajōng sik jo!

ṬONGPHÔNG 14:10

Pathen hnuk natna ju, hnuknat inhnaktak a asun mansip kōkleia ju kha, anbinga an-in sik! Khava katlo rakip kemōngte leh angeva intheng hei hmaikunga hmei leh kât kângna shunga khōdeng katheia ka-om sik hei.

ṬONGPHÔNG 14:19

Khava jâra ama’n akôite kha akeisōt a vomhruia theibōr hei kha a-ât mathlâk a, Pathen hnuk natna vomhrui epna shunga ahlon mathlâk jo hei.

ṬONGPHÔNG 16:1

Khava sōa bek-inn shunga inphut rasa inhnaktak inkhat in ngeva 7 hei hneng ahei hri: “Vase inna Pathen hnuk natna thlengkam 7 kha raleichunga vabun mathla roh ati kathei!”

ṬONGPHÔNG 17:1

Khava sōa thlengkam 7 kanei ngeva 7 hei kâra inkhat kahnenga kajōnga ahri, “Hong roh, tuidung katamtak hei hnenga a’nsak khōpui kalen, rahming inthang notinu kha, heikhong hrep a karâkna a’npek sik mo ti ke’n manhmu che rong.

ṬONGPHÔNG 19:15

Abeia inphut chemjâm kangeijap inkhat heikasōk, khan vâng ama’n jât-hei ator sik hei. Ama’n anchunga thir khōnghre inkhat vâng vai arôn sik hei, khana Pathen Akahratpen hnuk natna vomhrui thei-epna vâng vomhrui kha a-ep mathlâk sik kae.

ṬONGPHÔNG 21:9

Ngeva 7 tlukna khan a’nchaina hrise thlengkam 7 kasip phet achoia kahnenga kahonga ati, “Hong roh, ke’n Kemōngte nuhmei sik hmōinu kha manhmu che rong.”

ṬONGPHÔNG 8:13

Khava sōa ke’n ka-ena, bōirōk chunga marhmu inkhat kajōnga rasa inhnaktak a a-ôn, “Ô-ah! tuna ngeva 3 in antalatum manhring nger sik pha shunga raleichunga alaka-om mi seng chunga heituk a de a’ntak sik mo nu!” ati kha ke’n katheia kae.

ṬONGPHÔNG 8:2

Khana Pathen hmaikunga kangir ngeva 7 kahmu hei, anhnenga pengkun 7 anpek heia kae.

ṬONGPHÔNG 8:6

Khana ngeva 7 pengkun 7 kaneihei kha’n anpengkun tum manhringna sik a intluk jo hei.

ṬONGPHÔNG 9:20

Khana hiva hrise tathatmak hei seng kha’num, anṭōnse tlona inphut anmalung thleng dekmak hei. Anmani’n rathla ravaihei leh sana vâng, dangka vâng, sum-êng vâng, hlung vâng leh thing vânga limhei, rasa katheitor mak leh hmit kahmu tor mak, lôn um akalôntor mak hei kha, kamukna bângmak hei.