ṬONGPHÔNG 14:7 - LEKHARABU INTHENG (BSI)

⁷ Ama rasa inhnaktak a ka-ônga, “Pathen ṭit ruh, alenna choi manshâng ruh! Ajârchu ama’n mihringhei ṭong atanna sik pha kha kahong jo. Khava jâra marvân, ralei, tuipui leh tuiri kapût kasyempa kamuk ruh!” atia kae.

ṬONGPHÔNG 14:7 ပူးပေါင်းရင်းမြစ်များ

A’NPHUTNA 22:12

Ama’n ati, “Naipangpa kha tônthei mak tin, heite tlothei mak tin. Tûnchu nang in Pathen nakaja, aṭong najui ti kamanhret jo; ajârchu nasapa inkhat rōk nanei kapha’m ahnenga maner mak che.”

NEHEMIAH 9:6

Khava sōa Israel mipui he’n hiva derna hi anleider: “Rōngpu nang, nang rōk Rōngpu che; marvâna ârsihei leh nang in marvânhei khana bōirōk a ârsihei nasyem hei. Nang in ralei leh tuipui khana ashunga aka-om rakip nasyem hei; nang in ankhenga hringna kha napek hei. Marvân ratha kanei he’n inkun heia nang ankamuk che.

HLAHEI 115:15

Marvân leh ralei kasyem Rōngpu’n, vâng pek chei rasoh.

HLAHEI 124:8

Ralei leh marvân kasyempa, Rōngpu a inphut inthōpui kha akajōng kae.

HLAHEI 33:6

Rōngpu’n marvânhei hi aṭongpek vâng asyem hei, kani, thla, khana ârsihei hi aṭongpek vâng asyem hei.

HLAHEI 36:1

Mikaṭhamak-hei lungri shunga setna kha kaṭong; anmani’n Pathen kha anhōt, khana kajamak hei.

HLAHEI 89:7

Mi intheng hei intûpna khan nang ankaja che; khana nang kajana ankhenga inding hei.

HLAHEI 95:5

Ama’n asyemsōt tuipui chunga vai arôn; ama khet tasyem tlâng kachâr chunga kha’num vai arôn.

SŌKSŌT 20:11

Ni 6 shunga Rōngpu Ke’n raleichung, bōirōk, tuipui, khana anshunga ka-om rakip kaleisyem hei, tâk ni 7 ning khan chu châm le’nhngat eng. Khava jâra Rōngpu ke’n Châmhngat kani kha mahâmṭhat kapek khana a’nthenga kasyem jo kae.

ISAIAH 40:3

Kare rasa inkhat aka-ông in, Rōngpu hlamlen inkhat ramhânga mantluk ruh! Ni-Pathen sik a nêrdiram a hlam kha mantheng ruh!

ISAIAH 40:6

Kare rasa inkhat ka-ônga, “Ṭongphông inkhat hrimanthang ruh!” ati. Ke’n kader, “Hei ṭongphông mo kahri manthang sik?” “Mihring inti rakip hi hardông kapō kae; ram kâra reipâr hei kanek a omsôt mak hei.

ISAIAH 40:9

Jerusalem, tlâng inshânga ketou roh, khana ṭong kaṭha kha hrimanthang roh! Zion, rasa inshângtak a ông roh; ṭong kaṭha kha phôngsōt roh! Hrisōt roh, ṭitmak roh. Judah khōpuihei kha manthei hei roh, an-pathen kha kajōng jo tia.

ISAIAH 42:12

Ram kahlatak a ka-om hei khan Rōngpu hneng manpâkna leh lûrna kha pek hei rasoh!

ISAIAH 44:23

Marvân nangni, inpâk a ông ruh! Ralei hmun inthûk hei, ông ruh! Tlânghei leh ratu ramhânga thingkung rakip, inpâk a ông ruh! Rōngpu’n ami Israelhei ahuk manhring heia alenna kha amalâr jo.

ISAIAH 58:1

Rōngpu’n ati, “Nator chenna ông roh; kami Israelhei kha ansetna chungchânga manthei hei roh.

JEREMIAH 10:10

Tâk-kha Rōngpu nang chu akadiktak Pathen che kae, akahring Pathen che kae, kumleikōa reng che kae. Nang nahnuk anat pha, raleichung hi innok; jât he’n nahnuknat kha detor mak hei. (

EZEKIEL 7:2

“Akathithei mihring, hivahi Chunghnung Rōngpu ke’n Israel ram hnenga kahri kae: hivahi ram pumpui sik a achaina kha kae!

EZEKIEL 7:6

Hivahi heirakip chunga kae. Hivahi achaina kha kae. Nang inchai jo che.

DANIEL 8:19

khana ati, “Ke’n Pathen hnuk natna tahei rôn sōt kha kamanhmu che kae. Hmangtalâr hin a’nchaina sik pha ahrina kae.

HOSEA 8:1

Rōngpu’n ati, “Pengkun manhring ruh! Inrepuihei kha hmurai kapōa karam shunga jōng kaṭumsuk hei! Kami he’n anmani leh kan-intepna kha ansukkhōia kei mantheina kadōia inphin jo hei.

MALACHI 2:2

Nanṭōn tlo vânga khan nantakaja sik eng kae. Kaṭong hri nanrangei mak inchu, hâksêrna kapek sik chei kae. Nangni hmangchâk sik a nanta rahlâng neinâk chunga khan kahâksêr sik kae. Kadiktak a chu, khahei chunga kahâksêr jo hei kae. Ajârchu kaṭong pek chei chunga khan kakhôktak a lomak cheia kae.

MATTHEW 25:13

Jesu’n achaina ahri, “Khava jâra insing thei ruh, ajârchu nangni’n akani leh apha kha manhret mak chei.”

LUKE 17:18

Heisa mo hiva khōhmepa rōk hin ahong inlea Pathen manpâkna ahongnei?”

ṬŌNTLOHEI 14:15

“Heisik a mo hivahi nantatlo? Keini’m nangni kapōa mihring inkhat-hrep ung kae! Keini hi marvân, ralei, tui-ôngpui leh ashunga ka-om rakip kasyempa, akahring ṭhak Pathen sik a, hnemna kase neinâk heia inphut nan-inhesōtna sik a, Ṭong kaṭha kaphôngsōt sik a hiva hmun a akahong ung kae.

JOSHUA 7:19

Joshua’n ahnenga ati, “Kasapa, Israel Pathen, Rōngpu hmaikunga inthenga hrisōt roh, khana naṭhena kha phôngsōt roh. Heimo natlo amanthei roh. Kahnenga thup mak roh.”

PETER INKHATNA 4:7

Heirakip a’nchaina sik pha kahnai jo. Nangni’m nander torna sik nanbinga insurthei una insing thei ruh.

ṬONGPHÔNG 11:13

Khava laitak khan lingnu inhnaktak innok jo; khōpui kha sôma inkhat asuk manhmang jo, khana mihring 7,000 kathiheia kae. Alak mihei seng kha kaṭihêr jo hei khana marvân Pathen lenna kha anmanpâk joa kae.

ṬONGPHÔNG 11:18

Jât-hlop hei anhnuk kanasō jo, ajârchu nahnuk natna sik pha kha jōng katlung jo, akathihei ṭong tanna sik pha jōng katlung jo. Nang kaṭit mihei akasin akalen ankhenga, nasōk-hei, sânkathemhei, khana nami rakip tloman pekna sik pha kha jōng katlung jo. Raleichung kasukset hei kha suksetna sik pha jo kae!”

ṬONGPHÔNG 15:4

Rōngpu, tu’n mo nang aṭitmak sik che? Nalenna kaphông sik tu mo akada sik? Nang rōk a’ntheng che kae. Jât rakip na-ânga kahong sik hei khana anhong kamuk sik che, ajârchu mi rakip in naṭōn kadik anhmua kae.”

ṬONGPHÔNG 16:9

Khana mihei kha kani lum inhnak in akâng jo hei pha, hiva hrisehei chunga ratha kaneipa Pathen rahming kha anmani’n anhâksêr jo. Tâk-kha anmani’n Rōngpu lûrna leh lenna manpâkna sik a anmalung thleng dekmak hei.

ṬONGPHÔNG 18:10

Amanu demanrim kha anmani’n anṭit jâra, kahlatak a kangir heia anhri. “Heituk-hrep a ṭit ka-om jo mo! Heituk a kaja aka-om mo! Hiva Babylon khōpui hi akalenpen leh akalûrpen kae! Pung khat rōk shunga karâkna hing’hin nahmu joa kae!”

ṬONGPHÔNG 18:17

Khana pung inkhat rōk shunga amanu nei khaseng kha inhmangsō jo!” Rakōng kapu rakip leh akatôrhei khana achunga akachōng seng, khana tui-ôngpui chunga anhringna sik kajongle hei seng kahlatak a kangir hei,

ṬONGPHÔNG 18:19

Khana anlu chunga vaiphin ankathek a, kaṭap heia ṭajai ansuia anti, “Hiva khōpui kalen sik hin heituk-hrep a malung natna ka-om, heituk-hrep a ṭit ka-om jo mo nu! Hiva khōpuia inphut tui-ôngpui chunga rakōng katôr rakip in amanu nei jâra antahao kae! Khana pung khat rōk shunga anei rakip inhmang joa kae!”

ṬONGPHÔNG 19:5

Khava sōa len in-ongna inphut rasa inkhat in ajōng hri, “Pathen kajana kanei asōk rakip leh ami rakip, kasin-kalen in, ni-Pathen manpâk ruh!”

ṬONGPHÔNG 4:11

“Kan-Rōngpu leh kan-Pathen! Lûrna leh kajana, khana ratha hratna kachen sik a narahōi kae. Ajârchu nang in heirakip nasyem, khana nalungdoa hringna leh hringkhō napek heia kae,” anti.

ṬONGPHÔNG 4:9

Ranhring 4 hei kha’n kumleikōa akahring ṭhak len in-ongna chunga a’n-ongpa hneng choi ka-ânna, kajana, manpâkna hla ansak a kae. Khanga ansak pha,

ṬONGPHÔNG 8:10

Khava sōa ngeva 3 tlukna khan apengkun atum jo. Hmeiser inkhat kapō ârsi kalentak, hmei akakâng inkhat marvâna inphut jōngkatla, khana khavakha tuidung sem thuma sem khat leh tuihnâr sem thuma sem khat chunga katla a kae.

SAMUEL INKHATNA 6:5

Nanram shunga inrengna heikarôn sōt hiva khōihli leh chaichîm lim kapō hi nantasyem nger sik kae, khana Israelhei Pathen hneng kajana nantapek sik kae. Kha achang inchu, nangni leh nan-pathen khana nanram chunga karâkna kha kahaikhet sik.