ṬONGPHÔNG 14:4 - LEKHARABU INTHENG (BSI)

⁴ Anmani kha nuhmei kaneimak leh nuhmei leh ala’ntônmak intheng senga aka-om mihei kae; Anmani’n kemōngte ase sena akahnung anjui. Anmani mihring ralak-hei kâra katlensōtsa hei kha kae. Khana ahma inkeipen kara, Pathen leh kemōngte hneng pek sōt sik hei kha kae.

ṬONGPHÔNG 14:4 ပူးပေါင်းရင်းမြစ်များ

HLAHEI 45:14

Pōnje kanei vâng inret a reng hnengting anṭhōi, aṭhōn nuhngâk he’n akahnung anjui, khana anmani kha’m ahnenga anṭhōi manhlut hei.

HLAHEI 74:2

Hmalaia inphut nang sik a nakadei jo hei, hmalaia inphut nata sik a nakadeisōt hei, naphung manchang sik a, ansōk changna inphut najōng ṭhōisōt hei, namihei kha mandonsōt hei roh. Vōi khat a nalei omna Zion kha mandonsōt roh.

HLAHEI HLA 1:3

Nachunga marim katui kha ka-om; narahming kathei pha kamandonsōt. Nuhmei tûte inkhat in nang kalungsetna che kha ating tor mak hei.

HLAHEI HLA 6:8

Rengpa’n rengnu 60, nuhmei manbo 80 um neisa hei rasoh, nuhngâk tei torlo nei rasoh!

JEREMIAH 2:3

Israel, nang kei rōk ta che kae; nang kakarōi inthengtak che kae. Nang chunga khōdeng theina kape hei hneng ke’n inrengna leh inhmangna kapek hei. Rōngpu ke’n kahri jo kae.”

AMOS 6:1

Ziona kahōitak a ka-om khana Samaria a ka-ôrtak a ka-om nangnihei sik a heituk a ṭit ka-ompek chei mo, jât kalen Israelhei hlamkakei kalenhei, mipui in inthōpuina kangek sik a anta heisor jo hei, nangni!

MATTHEW 19:12

Ajârchu mihe’n lu anhông makna ajâr katamtak ka-om: ṭhahrep in khanga ajo’nte ka-om hei, alak he’n khanga mihring tasyem ka-om hei, khana alak he’n marvân Rengram sik a lu kahongmak um ka-om hei. Hiva ṭong hichu akalotor mi khan inlo rasoh.”

MATTHEW 25:1

“Khava pha a marvân rengram kha hiva kapō kachang sik. Pha khat a nuhngâk 10 he’n anthaihmei anchoia hmōipa intōpui sik a leikasesōt hei.

MATTHEW 8:19

Dân oja inkhat ahnenga kahonga. “Oja, nasena hmun rakip a jui sik chea intlukdek a akahong eng kae,” ati.

JOHN 10:27

Kakemōng he’n karasa anmanhret, ke’n anmani kamanhret hei, khana anmani’n anijui.

JOHN 12:26

Tu achang inum kei inzen hnōm mi khan kakahnung ajui nger sik kae, khava jâra kasōkpa kha kei omna hmun a khan aka-om sik kae. Kapa’n kei inzen mi kha akaja sik kae.

JOHN 13:37

Peter in ader, “Rōngpu tûn heisa mo kajuitor mak sik che? Nang sik akathi sik a intluk eng!”

JOHN 8:12

Jesu’n Phariseehei hneng ṭong ahri nôk: “Kei vânhnōi vâr eng kae. Tu achang inum kei kahnung kajui khan hringna vâr kha anei sik, khana khō inthim thōia lônmak ning.”

ṬŌNTLOHEI 20:28

Khava jâra nanbing et leh Rathla Intheng in nankut chunga anganse jo chei rup-hei hi kaṭhatak a ching jo hei ruh. Asapa thisen jâra atâ amanchang jo, Pathen Bekrup sik akemōng kakhem chang ruh.

CORINTHIANHEI INKHATNA 16:15

Nangni’n Stephanas leh a-innshung mihei nanmanhret hei; anmani Achaia khōa Christian hma kakeihei kae, khana Pathen mihei ṭōn tlona sik a anbinga a’npesōt hei kae. Kasōpuihei, khang khava

CORINTHIANHEI INKHATNA 6:20

ajârchu nangni nanman ateia arachôk jo chei kae. Khava jâra nantaksa hei kha Pathen manlûrna sik hmang ruh.

CORINTHIANHEI INKHATNA 7:28

Inn nanei kha setna natlo changmak. Inn lakanei mak nuhmei in puise anei kha setna atlo changmak. Tâk-kha inn kanei he’n ani tina antade sik bōina inphut kaṭhensōt hnōm cheia kae.

CORINTHIANHEI INHNINA 11:2

Thangset kanei Pathen achang kapōa, ke’m nan-chunga kathangsetna kana; ajârchu pase inkhat rōk leh lu kahông sik nuhngâk inthengtak inkhat kapōa, Christa leh lu kahông sik a ke’n nangni ṭong ka’nteppui chei kae.

EPHESIANHEI 1:14

Pathen in amihei hneng ale’ntepna eini tachen sik manchênna kha Rathla hi kae, khana amihei hneng pui katluk ning leh hnōm apek sik me manchênna kha hi kae. Ama lûrna kha choi ka-ân rih!

EPHESIANHEI 5:27

ahmai kunga bekrup kha ahme ṭhatna rakip leh, a’nthengseng, innimna kase, intônna bi kase leh a’nvōi mak, pui katlukmak ti omlo kha tōksōt theina sik ama’n atloa kae.

TIMOTHY INKHATNA 4:3

Khava mihei khan luhông innei hi dikmak khana thlai ṭhahrep um sâk sik dikmak tia anmanthei hei. Tâk-kha akadik hong inhret hei leh akataksen he’n, manpâkna derna anneisōa antasâk sik a Pathen in khava sâk thei hei kha asyem hei kae.

HEBREWHEI 12:23

Marvâna rahming inzet inhlut hei, Pathen sa-upahei inpâk a intûpna khan nangni kahong jo chei; khana mi rakip ṭongkatan Pathen hneng leh pui katluk a asyem mikadik-hei rathlahei hneng kahong jo chei.

JAMES 1:18

Akutsyem rakip kâra eini’n hma inkeipen kha nichang theina sik, ṭongdik vâng khan alungdotak a ajōngṭhōi jo me.

PETER INKHATNA 2:9

Tâk-kha nangni chu kadeisōt phung, Rengpa thempu, a’ntheng jât, Pathen khet mi, Pathen ṭōntlo inlak kahrile sik a a’nthima inphut a vâr inlak a abeksōt jo chei kha kae.

ṬONGPHÔNG 17:14

Anmani’n Kemōngte kadōia re antlo sik; tâk Kemōngte leh abeksōt hei, akadei hei leh akataksena akajui he’n antor sik hei, ajârchu ama hi renghei Reng leh rōngpuhei Rōngpu kha kae.”

ṬONGPHÔNG 21:22

Khōpui shunga khan bek-inn hmumak eng ajârchu khava bek-inn kha kemōngte leh Akahratpen Rōngpu Pathen kha kachang jo hei.

ṬONGPHÔNG 21:23

Khōpuia khan kani leh thla rangei mak, ajârchu Pathen lûrna khan khavakha asat manvâr jo khana kemōngte kha thaihmei vâr kachang jo.

ṬONGPHÔNG 3:4

Achang ravâng Sardis a ka-om nangni ṭhahrep inchu pōn kha inthenga akada ka-om chei. Nangni pōn kachek invon pum a kei leh akalengsap sik me kae, ajârchu nangni khava sik a rahōi kasōk chei.

ṬONGPHÔNG 5:9

Anmani’n hlather inkhat anleisak: “Lekha inze kalo sik a leh mêrchîkna intat kha akasuk khōia inhlâng sik a nang rahōi kasōk che. Ajârchu nang anleithat che, khana nang inthoina thina vâng khan phung rakip, ṭong rakip, jât rakip, mihring rakip kâra inphut, mihei kha nang in Pathen sik a narachôk jo heia kae.