Hiva jân a hmangtalâra hin ke’n mihring kapō inkhat kaleihmu. Ama kha sumtuk in akake khuma kahnenga ajōng hnai eng, khana ama khan ahei tik a akahring ṭhak hneng kasea inpek inhlut a kae.
Tâk-kha Pathen maritna jâra mi rakip sik a athi theina sik a pha bongkhat ngevahei kanek a thōi katla det a aleisyem Jesu khachu nihmu. Ama’n khava thina intak kha aleide jâra kajana leh lûrna khana lenlukhu a’nkhu kha eini’n tûnchu nihmu joa kae.
Enruh, ama sumtuk-hei chunga kajōng! Mi rakip leh ama kasei vânga akasun he’num anhmu sik. Raleichunga mi rakip in ama ṭajai ansui sik. Khang’khan kachang sik!
khana anti: “Akahratpen Rōngpu Pathen, aka-om leh aleika-omsa! Keini’n nang kanmanpâk che, ajârchu naratha hratna kha na’nloa nang in vai narôn manphut joa kae!
Ke’n ka-ena, shakor kabang inkhat leika-om. Akachōngpa khan sâi inkhat achoi, khana lenlukhu inkhat anpek a kae. Ama re kator inkhat kapōa torna kanei sik a shakor achōnga kasesōt jo.