ṬONGPHÔNG 14:13 - LEKHARABU INTHENG (BSI)

¹³ Khava sōa marvâna inphut rasa inkhat katheia ahri, “Hi mazet roh: Rōngpu ṭōn tlona shunga tuna inphut akathi mihei kha mikahōihei kae!” Khana Rathla khan amasôn, “Ôk, Kadik! Ajârchu anmani’n anṭōntlo kara anta’nloa, anṭōn inhnakna a inphut châm a’nhnga sik hei kae.”

ṬONGPHÔNG 14:13 ပူးပေါင်းရင်းမြစ်များ

HLAHEI 19:11

Khavahei khan nasōk kei singna anpek eng; khahei kha kajui hei jâra tloman kachen.

HLAHEI 85:13

Dikna khan Rōngpu hmating kase sik, ama sena sik hlam kha asyempek sik.

ISAIAH 35:10

Anmani Jerusalema inpâktak a katlung sik hei, Inpâk pum a hla ansak a ka-ông sik hei. Anmani ahei tik a kahōi sik jo hei, ahei tik chenna malung inrengna leh Khōdeng theina inphut masōsōt akachang jo hei kae.

DANIEL 12:13

“Daniel nang chu, achaina katlunga taksenthei chang roh. Nang chu kathi sik che, tâk pha inchai ning khan nang tloman inhlâng sik a kathō sik che.”

MATTHEW 3:17

Khana marvâna inphut rasâ inkhat in, “Ama hi kasapa marittak kae, achunga kamalung katlai,” ajōng ti.

LUKE 16:25

“Tâk-kha Abraham in ati, ‘Eh sapa, mandon roh, nang hringkhōa neinâk kaṭha rakip le’npek jo che, Lazarus in akaṭhamak rakip aleichen jo. Tâk-kha tûnchu ama kahōia hin ka-om jo, nang in khōdeng nathei joa kae.

LUKE 16:9

Jesu’n ahrisa, “Khava jâra kahri pek chei kae: raleichung neivâng ṭhōn insyem ruh, sêr kha atlang pha kumsôt inna nang anleiratō sik che.

ROMANHEI 14:8

Eini nihring inchu, Rōngpu sik a akahring me kae, khana nithi’num Rōngpu sik a akathi sik me kae. Khava jâra eini nithi’num, nihring inum, Rōngpu ta me kae.

CORINTHIANHEI INKHATNA 15:18

Hivahin Christa akataksena akathihei kha’m inhmang jo hei tina kae.

CORINTHIANHEI INKHATNA 15:20

Tâk-kha akadiktak khachu Christa kha thina inphut kathōi jo, hivahi akathia akaje hei kha’m kathōisōt sik heitina manchênna kha kae.

CORINTHIANHEI INKHATNA 15:58

Khava jâra kasōpui marit hei, inhlinglo jena kahnet a ngir ruh. Rōngpu razenna nanṭōn tlo kha môk a inhmang mak ning ti namanhret jo jâra, Rōngpu jâra nanṭōn tlona kha insaler ṭhak ruh.

CORINTHIANHEI INHNINA 5:8

Keini pui katluk a inngam ung khana hiva taksa inn hi dahlona Rōngpu leh omsap sik kha kantamadu jôk kae.

PHILIPPIANHEI 2:17

Nangni’n Pathen hneng taksenna vâng nantatōksōt inthoina kapōa kahringna thisen hi akalōng sik a inhui. Kha achang inchu, kei inpâk eng khana nangni seng hneng ka’npâkna hi kasem pek chei kae.

THESSALONIANHEI INKHATNA 4:14

Jesu kha kathi khana kathōi nôk ti hi eini’n nitaksen, khava jâra ama kataksen akathihei kha Jesu leh inṭhōia Pathen in aṭhōi sik hei ti hi nitaksena kae.

THESSALONIANHEI INKHATNA 4:16

Pathen pengkun jōng inhring sik, marvân ngeva kalen ṭongpekna, aka-ông rasa inthei sik, khan marvâna inphut Rōngpu kha ajōng kaṭum sik kae. Christa kataksen aleikathi hei kha hma inkeia kahringa kathōi sik hei;

THESSALONIANHEI INKHATNA 5:10

Ama ajōng pha, eini nileithi’num, nileihring inum, ama leh akahringsap sik a ama’n athipek jo me kae.

TIMOTHY INKHATNA 5:24

Mi ṭhahrep set-tlo chu, inlârseng bât a, ṭong tanna hma ankeibât a kae; tâk mi ṭhahrep setna chu, hnungtō leh inhmusōt a kae.

TIMOTHY INKHATNA 5:25

Kha leh in-anghrep a ṭōntlo kaṭhahei kha inhmubât a kae, khana a’nlârloimak inum inthup theimak a kae.

ṬONGPHÔNG 1:11

Rasa khan ati, “Nang in nahmu kha mazet roh, khana namazet lekharabu kha bekrup 7 hei hneng ti chu: Ephesus, Smyrna, Pergamum, Thyatira, Sardis, Philadelphia, khana Laodicea hei hneng manrôn hei roh.”

ṬONGPHÔNG 10:4

Anmani anṭongsō lim a, ke’n lekha shunga mazet manhlut sik a intluk jo eng. Tâk-kha marvâna inphut rasa inkhat in, “Khō inri 7 tahri kha thup ina da roh; mazet mak roh!” ati ke’n kathei.

ṬONGPHÔNG 11:15

Khava sōa ngeva 7 tlukna khan apengkun kha atuma, marvân chunga rasa inhnaktak kasōk a ajōng hri, “Vânhnōi raleichunga vairônna ratha kha tûnchu ni-Rōngpu leh ama Messiah ta kachang jo, ama’n are-rea vai arôn sik jo kae!”

ṬONGPHÔNG 11:19

Marvân chunga Pathen bek-inn kha inhlânga, Ṭongtep Bôm kha inhmua kae. Khava pha khō inri, khōjang jōng kapōk, khō inphe, lingnu innok, khana kahre inhnaktak katla a kae.

ṬONGPHÔNG 16:17

Khava sōa ngeva 7 tlukna khan athlengkam kha bōirōk chunga abun mathlâk jo. Khava pha Bek-inn shunga len in-ongna inphut rasa inhnaktak inkhat in ahri, “Hi intlo jo!” ati.

ṬONGPHÔNG 19:9

Khava pha ngeva khan kahnenga ahri, “Hi mazet roh: Kemōngte hmōiṭhōina reveia a’nbek mihei kha mikahōihei kae.” Khana ngeva khan ahri nôk, “Hivahi akadik Pathen ṭonghei kha kae.”

ṬONGPHÔNG 2:1

“Ephesus bekrup ngeva hneng mazet roh: “Hivahi akut changtinga ârsi 7 kachoi khana sana thaihmei kung 7 kâra akalôn lele ama ṭong kae.

ṬONGPHÔNG 2:7

“Khava jâra nang in kōr nanei inchu, Rathla’n bekrup-hei hnenga ahri kha, rangei roh! “Torna akanei jo hei hnenga khan Pathen rahōn shunga akahmông hringna thingkung kara kha ansâkna sik a ratha kapek sik hei kae.

ṬONGPHÔNG 20:6

Hiva akathi hma inkeia hringsōtna kachen hei kha mikahōihei leh mahâm kaṭha hêr hei kha kae. Vōihni tlukna thina khan anchunga ratha heite neimak jo; anmani Christa leh Pathen thempu kachang sik jo hei, khan chu kum 1,000 ama leh inṭhōia vai antarônsap sik kae.

ṬONGPHÔNG 21:5

Khava sōa len in-ongna chunga a’n-ongpa khan ahri, “Tûnchu heirakip ke’n athera kasyem jo!” Ama’n ahri nôk, “Hivahi mazet roh, ajârchu hiva ṭonghei hi akadik leh taksenthei hei kae!”

ṬONGPHÔNG 22:17

Rathla leh Hmōinu khan, “Hong roh!” anti. Hiva akathei rakip inum, “Hong roh!” antati nger sik kae. Tu achang inum tui kahre rakip hong ruh; tu achang inum a’ndu rakip in hringna tui kha kutchoi inkhat kapōa rahlâng ruh.

ṬONGPHÔNG 6:11

Pōn bang inkhat et anpek heia, anmani kapōa ansōk changpui hei leh Christian sōpuihei antathat sik hei kha anja alatluk mak kârseng pha bongkhat antalahngâk sik a ṭong anmanthei hei.