ṬONGPHÔNG 13:8 - LEKHARABU INTHENG (BSI)

⁸ Raleichung ansyem mak hma ale’nthat jo Kemōngte hringna lekha shunga rahming a’nzet hei tei loa raleichung mi rakip in ama antakamuk sik kae.

ṬONGPHÔNG 13:8 ပူးပေါင်းရင်းမြစ်များ

A’NPHUTNA 22:7

Isaac in, “Apa!” tia abek. “Hôi, sapa heimo?” tia ama’n ama sôn. Isaac in ader, “Thing leh koila nanei chu kahmu, tâk ro-inthoina tlona sik kemōngte-e khon mo ka-om?”

HLAHEI 69:28

Hringna lekharabu shunga inphut anrahming losōt a om rasoh; namihei rahming mazetna shunga khan inveisa mak hei rasoh.

SŌKSŌT 32:32

Lungset hei ina ansetna rangei mandam hei roh, tâk narangei mandam mak sik he’nchu namipuihei rahming namazet manhlutna lekharabua inphut kei rahming kha losōt jo roh.”

ISAIAH 4:3

Jerusalema dahlona laka-om seng, Pathen in akahring sik a akadeisōt senghei kha a’ntheng a’nti sik hei kae.

DANIEL 12:1

Pōn innem kasi ngeva khan ahri, “Khava pha nami kahngâk ngeva kalen Michael, he’nlâr sik. Khava sōa jât he’n anhei ombia inphut akaṭhamak tak omchen, inrengna pha kha kahong sik. Khavakha ahong pha, Pathen lekha shunga a’nzet najât mi rakip huk sik hei kae.

MATTHEW 25:34

Khava pha Rengpa khan achang tinga hei hneng, ‘Hong ruh, kapa mahâmṭhat pek hei! Vânhnōi insyembia inphut nangni sik a mantluksa rengram kha hongchen jo ruh.

LUKE 10:20

Tâk-kha rathla kaṭhamak he’n nanṭong anjui jâra inpâk mak ruh, khava kanek a marvân chunga nanrahming a’nzet inhlut jâra inpâk jôk ruh.”

JOHN 1:29

Abân kania John in Jesu ahnenga akahong kha ahmua ati, “Vânhnōi setna karôn Pathen Kemōngte kha hin ka-om.

EPHESIANHEI 1:4

Eini ahmai kunga ṭhenakase a’ntheng nichangna sik, vânhnōi ralei ansyem mak hma inphut Pathen in atâ kachang sik a, Christa leh inchunna shunga aleikadei jo me kae. Ama lungset jâra

PHILIPPIANHEI 4:3

Khana taksenthei kaṭōn tlopui hei, nangni um hiva nuhmeihei hi nanta’nthōpui sik heia kamadu chei; ajârchu anmani hin, akahring Pathen lekharabu a’nzet jo Clement leh kaṭōn tlopui heirakip leh, Pathen ṭong intheng semsōtna khan kei leh kahrat a ṭōn kanta leitlosap kae.

TITUS 1:2

khavakha kumleikōa hringna sik a inhōrna chunga khan akangir kae. Hiva hringna ṭong hi, malei kaseimak Pathen in pha ale’nphut mak hma, aleitep peksa me kae,

ṬONGPHÔNG 12:15

Khava pha mari khan nuhmei kahnunga khan tuidung kapō tuikalen vâng mantlen hlonna sik abeia aheiphusōt jo.

ṬONGPHÔNG 13:12

Hma-inkei ranhring ratha neina seng kha ama’n ahmai kunga ahmang joa kae. Ranhring hma-inkei a’ntônna takbi akadam jo kha, raleichunga ka-om mi rakip in ankamukna sik ama’n rumhrat tak a atloa kae.

ṬONGPHÔNG 17:8

Ranhring nahmu kha vōi khat leikahring, tâk tûnchu hringmak jo, ama kha suk manhmang theina sik adongna kase dôpkhura inphut ahei kasōkvet jo kae. Ralei ale’nphut mak hma hringna lekharabu shunga rahming ale’nzet inhlutmak raleichunga akahring he’n, ranhring kha anhmu pha inlak hêra anmandon et sik. Khavakha pha khat a leikahring; tûnchu hringmak jo, tâk avea laho’nlâr nôk sik.

ṬONGPHÔNG 21:27

Tâk-kha khōpui shunga khan a’nnim heite hlutthei mak ning, khan chu malei kasei leh inzakna ṭōnkatlo hlutthei mak ning. Kemōngte hringna lekharabu shunga arahming a’nzet hei rōk kha khōpui shunga akahlut sik hei kae.

ṬONGPHÔNG 3:10

Ajârchu nande hratna sik a kaṭong pek chei kha nanjui, raleichung mi rakip enmansinna sik a, vânhnōi pumpui chunga malung inrimna ajōng katlung sik a inphut kahuksōt sik chei.

ṬONGPHÔNG 3:20

Rangei roh! Kei kot kunga kangir enga kot karaki; karasa katheia kot inhlâng mi inkhat a-om inchu, kei a-inna kahlut sik enga kha ama leh kasâksap sik, ama’n kei leh asâksap sik a kae.

ṬONGPHÔNG 3:5

Torna kaneihei kha hiva kapōa pōn kachek an-invon sik, khana hringna lekharabu shunga inphut anrahming losōtpek mak hei ning. Khana kapa hmaikunga leh angevahei hmaikunga anmani keita hei kae tia inlârtak a kaphông sik.

ṬONGPHÔNG 5:12

rasa inhnaktak a hla ansak: “Kemōngte ale’nthat kha ratha hratna, neina, singna, khana ratha neina, kajana, lûrna, choi ka-ânna achen sik a rahōi kasōk a kae!”

ṬONGPHÔNG 5:13

Khana ke’n marvân chunga leh raleichunga khana ralei thōia leh, tui-ôngpui thōia ranhring seng, vânhnōi ranhring rakip hlasak kha kalei thei: “Len in-ongna chunga a’n-ongpa leh kemōngte kha, choi ka-ânna, kajana, lûrna leh ratha hratna are-rea atâ chang rasoh!”

ṬONGPHÔNG 6:1

Khava sōa kemōngte khan achîkna a’ntat 7 kâra hma-inkei kha asuk khōia amahlang kahmu, khana ranhring 4 hei kâra inkhat in “Hong roh!” tia khō inri kapō rasa kha kathei.