ṬONGPHÔNG 13:2 - LEKHARABU INTHENG (BSI)

² Khava kahmu ranhring kha rûtnu ka-ang, ake kha kavom kepha ka-ang, khana ahmur shabakkai ka-ang. Ama hnenga khan rihren in aratha neina leh alen in-ongna, khana aṭong neina katamtak apek.

ṬONGPHÔNG 13:2 ပူးပေါင်းရင်းမြစ်များ

RENGHEI INHNINA 2:24

Elisha’n akahnungting ahmai amahea kasang kanga a-en hei, Rōngpu rahminga pase naihei kha ahâksêr jo hei. Khava sōa kavom apui 2 ratukōk a inphut heikasōk heia pasenai 42 hei kha anhar anhak a ankeihler jo hei.

HLAHEI 22:21

Hiva shabakkai heia inphut asansōt roh; hiva ram sehratchehei hmaikunga inthōpui kase jo eng kae.

ṬONGCHÎK-HEI 17:12

Mikamo ṭōn kanimak katlohei intōpui sik kanek a ate antalōk kavompui intōpui sik kaṭha jôk.

ṬONGCHÎK-HEI 28:15

Vaikarôn kaṭhamak hnenga chu sarahei kha inthōpui kaneimak kachang hei; ama chu shabakkai a-emak leh kavom inhrung kapōa ṭit ka-om tak kae.

ISAIAH 5:29

Anremihei ông rasa kha shabakkai he’n ramsha anthat pha tûte inkhatbek inum akasut tor makna hmun a antatlensōt a a’nhrung kha ka-ang.

JEREMIAH 13:23

Mihe’n anvun lâr antathleng tor sik mo achangmak leh rûtnu’n aje kaṭe amanhmang tor sik mo? Anmani’n anthleng tor inchu, setna rōk akatlo nangni he’num akadik tlona inthemchûk thei sik chei.

JEREMIAH 5:6

Khava jâra ratua inphut shabakkai he’n anthat sik hei; nêrdiram a kahne he’n ahar-ahak a ankeihler sik hei, rûtnu’n ankhōpuihei anhlō sik hei. Khava mihei khan ansōksōt inchu anmani ankeihler sik hei ajârchu ansetna katam hêr jo khana ave-avea Pathena inphut inhesōt heia kae.

HOSEA 11:10

“Kami kadōihei hneng ke’n shabakkai kapōa ka’nhrung pha, kami he’n kakahnung anjui sik eng. Anmani tlaitlâk tinga inphut kahnenga inranga kahong sik hei.

AMOS 3:12

Rōngpu’n ahri, “Kemōng kakhem inkhat in shabakkai sâkbang, kemōng ake 2 rōk achangmak leh akōr inkhat rōk ahmu sōt kapōa, tuna jekhum ret kaṭhatak chunga akajea ka-om, Samaria mihei kâra ajingte kahring sik hei.”

AMOS 5:19

Khavakha mi inkhat in shabakkai a inphut atlânsōt leh kavom a’ntōpui kapō kachang sik! Achangmak leh mi inkhat inna ahong inle pha akut kha mari tamachuk hrep sik a banga avasit kapō kha kae!

HABAKKUK 1:8

Anshakorhei kha rûtnu kanek a tlân kayâng hei, kahne von kaṭâm hei kanek a kakhôk chet hei. Anshakor remi he’n ram kahlatak a inphut kahong hei; anshakor he’n raleia anke ankatat a kae. Marhmu’n vate asur tinga kapōa jōng inthlur hei.

TIMOTHY INHNINA 4:17

Tâk-kha Rōngpu’n kei a-ompui enga khana ratha ngarna apek enga Jât-hlop hei seng tarangei sik a ke’n pui katluk a ṭong kha kaleihri manthang tor a kae; khan chu thina sik ṭong mathlâkna inphut hukmanhring leikachang jo eng.

PETER INKHATNA 5:8

Inrin ṭhak ruh, insing thei ruh! Nanta’nrepui Diabol kha shabakkai inhrung kapōa kalôna, tu mo inkhat madehlon sik a a-enlea kae.

ṬONGPHÔNG 12:13

Rihren khan ama raleichunga jōnghlon mathlâk achang jo kha amanhret pha, sapa kaneinu kha ahnong joa kae.

ṬONGPHÔNG 12:15

Khava pha mari khan nuhmei kahnunga khan tuidung kapō tuikalen vâng mantlen hlonna sik abeia aheiphusōt jo.

ṬONGPHÔNG 12:9

Khana rihren kalentak kha anhei hlonsōt jo, ama kha hmalaia mari kha kae, arahming Diabol a-emak leh Seitan inti vânhnōi kahōn inthlapa kha kae. Ama leh angevahei seng raleichunga anjōnghlon mathlâk jo hei.

ṬONGPHÔNG 13:12

Hma-inkei ranhring ratha neina seng kha ama’n ahmai kunga ahmang joa kae. Ranhring hma-inkei a’ntônna takbi akadam jo kha, raleichunga ka-om mi rakip in ankamukna sik ama’n rumhrat tak a atloa kae.

ṬONGPHÔNG 13:4

Khana mihring rakip in rihren kha ankamuk, ajârchu ama’n ranhring kha aratha neina rakip apek sōt joa kae. Khava jâra ranhring kha’m ankamuk a, “Ranhring kapō hi tu mo aka-om? Tu’n mo ama a’nrepui tor sik?” antia kae.

ṬONGPHÔNG 16:10

Khava sōa ngeva 5 tlukna khan athlengkam kha ranhring len in-ongna chunga abun mathlâk jo. Khava Ranhring rengram rakip chunga khō inthim jo, khana mihe’n annat ande hla a anmalei ansekhang jo,

ṬONGPHÔNG 17:12

“Nang in nahmu raki 10 hei kha reng 10 vairôn ala’nphut mak hei kha kae, tâk ranhring kha leh pung khat rōk vai karôn sik renghei kha kae.

ṬONGPHÔNG 19:20

Khava ranhring kha ahmai kunga ṭōntlo inlak katlo sânkathem inhlempa kha leh inṭhōia ansur heia kura ankhum jo hei. (Khava aṭōntlo inlak tlona vâng khan ama’n ranhring limsyem chîknabi kaneihei leh ranhring inmuk hei kha amathlem mathlâk heia kae.) Hmei kângna dîr shunga ranhring leh sânkathem inhlempa kha anhring pum a anhlon manhlut jo hei.

ṬONGPHÔNG 2:13

Na-omna hmun kha Seitan len in-ongna hmun achang kha ke’n kamanhret. Taksen ka-om tak kasâkhi kachang Antipas kha, anleithat katlunga nataksenna eng nang in masō mak chea kei sik a akadik kachang che.

ṬONGPHÔNG 20:2

Ama’n hmalaia mari rihren kha asur jo, khavakha Diabol a-emak leh Seitan kha kae, kum 1,000 sik a akhit joa kae.