ṬONGPHÔNG 12:9 - LEKHARABU INTHENG (BSI)

⁹ Khana rihren kalentak kha anhei hlonsōt jo, ama kha hmalaia mari kha kae, arahming Diabol a-emak leh Seitan inti vânhnōi kahōn inthlapa kha kae. Ama leh angevahei seng raleichunga anjōnghlon mathlâk jo hei.

ṬONGPHÔNG 12:9 ပူးပေါင်းရင်းမြစ်များ

A’NPHUTNA 3:1

Tûnchu, Rōngpu Pathen kutsyem kâra mari inti hi lungthim kaṭhamak pen kae. Mari khan nuhmeinu ader, “Rahōna kakek theikarahei sathei hêrmak tin chei, tia Pathen in ati chei mo?”

A’NPHUTNA 3:13

Rōngpu Pathen in nuhmeinu ader, “Heijâra mo hivahi naleitlo?” Nuhmeinu khan amasôn, “Mari khan khava sâkna sik ahōn mathlâk enga kae.”

THUHMINGHEI INKHATNA 21:1

Seitan in Israel mipuihei hneng bōina apek hnōm hei, khava jâra David kha mija teina sik a malung apek jo.

THUHMINGHEI INHNINA 18:21

Rathla khan amasôn, ‘Kei kase sik eng khana Ahab sânkathem rakip maleisei kamanjôm sik hei.’ Rōngpu’n ati, ‘Se’na ama vahōn jo roh. Nang in hme nasō sik.’”

HLAHEI 109:6

Kei inrepui chunga ṭong tanna sik a ṭongkatan kaṭhamak ajing kadeisōt roh, khana ama khet inrepui inkhat khan maher rasoh.

ISAIAH 14:12

Babylon rengpa; jîngkâr vârpa, nang marvâna inphut katla jo che! Hmalai khan jât-hei naleitor hei, tâk tûnchu raleia hlon mathlâk jo che kae.

ISAIAH 27:1

Khava kani ning khan Rōngpu’n Leviathan, a’nze lele leh a’nher lele rihren tuipui shunga aka-om takpum kalen kha karâkna sik leh thatna sik a ratha kaneitak mithatna achemjâm kha ahmang sik jo.

ISAIAH 65:25

Kahne leh kemōng he’n thlai ansâksap sik; shabakkai in sehrat kapōa sapôt asâk sik, khana mari he’n mi kasukset changmak jo hei ning. Katlâng intheng Zion chunga khan inhmangna leh akaṭhamak om mak jo ning.”

EZEKIEL 28:16

Neinâk jōr leh rachôkna naṭōn kachin che, hivahin rahe setna leh setna tlonating akei manhlut che. Khava jâra katlang intheng nadahlona sik a rumhrat katlo, khana nang kahrunga inṭang ngeva khan akadi rik-rak simvâr heia inphut ahnong sōt jo che.

MATTHEW 13:39

khana aka-en kada kahar kavor kha Diabol kha kae. Sa-ât pha khan kum inchai sik kha kae, saka-ât sik hei kha marvân ngevahei kha kae.

MATTHEW 24:24

Ajârchu Messiah inhlem leh sânkathem inhlem hong kasōk sik hei; khana a-ethei chenna Pathen kadeisōt hei kapha hōn mathlâkna sik det-hla ka-om tak leh ṭōn-inlak antlosōt sik.

MATTHEW 25:41

“Khana veitinga aka-om hei hneng khan ama’n ati sik, ‘Pathen hâksêr kachen hei, kahnenga inphut sesōt ruh! Seitan leh angevahei sik a mantluksa kumsôt hmeikhura sik sesōt ruh!

MATTHEW 4:1

Khava sōa Rathla khan Jesu kha nêrdiram a Diabol in enmansin sik a aṭhōisōt jo.

MATTHEW 4:10

Khava sōa Jesu’n amasôn, “Seitan, Sesōt roh! Ṭong intheng in hinga ati, ‘Nang in Rōngpu na-Pathen rōk kha nakamuk a narazen sik kae!’”

MATTHEW 4:5

Khava sōa Diabol khan Jesu kha Khōpui Intheng Jerusalema khan aṭhōia, Bek-inn chung inshânga aman ngira,

MATTHEW 4:8

Khava sōa Diabol khan Jesu kha tlâng inshângtak inkhat chunga aṭhōia, vânhnōi raleichung rengram rakip leh anlûrnahei amanhmua,

LUKE 10:18

Jesu’n amasôn hei, “Ke’n mar-vâna inphut khō inphe kapōa Seitan ajōngkatla kahmu.

LUKE 13:16

Seitan in kum 18 akhit karâk Abraham sanu hi Châmhngat kania masōthei changmak mo?” ati.

LUKE 22:3

Khava sōa sonle 12 hei kâra Judah Iscariot intipa shunga Seitan kahlut jo.

LUKE 22:31

“Simon, Simon! Rangei roh! Hlei kathlōpa’n sahûm leh avai aṭhen kapōa, akaṭhamak a inphut akaṭha ṭhensōtna sik, nankhenga enmansinna sik a, Seitan khan hnōm pekna achen jo.

LUKE 8:12

Hlamdunga akatla hmuchihei khachu ṭong inhri katheihei kha kae; tâk anmalunga antaksenna sik leh anhringna sik a a’npek ṭong kha Seitan kahonga alosōt pek jo hei.

JOHN 12:31

Tûn pha hi raleichung ṭong tanna sik pha jo kae; tûn hiva raleichung vaikarônpa kha nam mathlâk sik jo kae.

JOHN 14:30

Ke’n nanhnenga kasôttak a ṭong hri tor mak jo ning, ajârchu hiva raleichung vaikarônpa kha kajōng joa kae. Ama’n kei chunga ratha neimak,

JOHN 16:11

Anmani ṭongtan chungchânga anṭhe, ajârchu hiva raleichung vaikarônpa kha aṭong a’ntansōsa jo kae.

JOHN 8:44

Nangni chu nanpa Rathla Kadikmak sa chei kae, khana nanpa kachang lungdo kha nantajui kae. Ama chu anphutbia inphut mikathat kae, ṭongdik langa khan omphung mak ajârchu ashunga ṭongdik kha om mak. Maleisei ahri kha ama ngaihrep ahri kae ajârchu ama chu malei kasei khana malei kaseihei pa kha kae.

ṬŌNTLOHEI 26:18

Kei anitaksen jâra ansetnahei rangei mandam anchenna sik leh Pathen takadeisōt mihei kâra hmun anchenna sik a anmani hmit namanvâr pek sik hei khana inthima inphut vâra, Seitan ratha neina inphut Pathena nahong mahe sik hei kae.’

ṬŌNTLOHEI 5:3

Peter in, “Ananias, nakarōia inphut nahmu sêr ahlek naṭhensōt a heisa mo Rathla Intheng hneng maleisei tlona naneia Seitan a’ncheo che?

ROMANHEI 16:18

Ajârchu khanga akatlo mihei khan ni-Rōngpu Christa ṭōn kha tlomak hei; tâk anbing von khopna sik antatlo kae. Anṭong hri manhōi leh anbei them jâra ṭhenakasehei kha anhōn mathlâk heia kae.

ROMANHEI 16:20

Khana nilung mōngna kung Pathen in inrangtak a Seitan kha nanke thōia amanchōn rachi sik chei kae. Ni-Rōngpu Jesu Christa maritna nanchunga om rasoh.

CORINTHIANHEI INHNINA 11:14

Kaṭha jo, mandon hlana sik om mak! Seitan kapha kha’m marvân ngeva pōna sik a’nhlem thei kae!

CORINTHIANHEI INHNINA 11:3

Eve kha lungthim kaṭhamak malei kasei mari khan ahōnmathlâk kapōa, nangni’m Christa a nanmalung akhenga nantapek kha kabâng sik cheia kha nanmalunga setna ting inhekhâk sik tia kaṭi eng.

CORINTHIANHEI INHNINA 12:7

Tâk-kha ke’n hmu inralak kahmu jâra akakhea ka’nlensak makna sik, Seitan ngeva kapō inkhat ani kavōk khana ka’nlensak makna sik a anikakhâm taksa nat kakhôktak apek jo eng.

CORINTHIANHEI INHNINA 2:11

hivahi Seitan in nichunga amatu makna sik mea kae; ajârchu aṭōn mantluk hei kha eini’n nimanhret a kae.

CORINTHIANHEI INHNINA 4:4

Anmani kha hiva raleichung pathen kadikmak in, anmalung kha amanjing pek hei jâra anmani’n antataksen mak kae. Pathen kapōhrep kachang Christa lûrna ṭong kaṭha a inphut, anchunga ajōng kavâr vâr kha anmani’n anhmu makna sik, raleichung pathen khan ada heia kae.

EPHESIANHEI 4:14

Khan chu lungthim kaṭhamak-hei mantheina thli tasêm lelena taṭhōi naipang kha changmak jo me, anmani mihōnna khan mihei ṭhenating anṭhōi heia kae.

THESSALONIANHEI INHNINA 2:3

Tûte’n hiva chunga hin hōnmathlâk mak chei rasoh. Kathiram kahlō sik Akaṭhamak Inkhat hmeikhura akahlut sik a mantluksa kha ahon’lâr mak kârseng khana achaina Re indōina a-om mak kârseng, khava Kani kha jōng tlung mak hi ning.

TIMOTHY INKHATNA 2:14

Khan chu hōnmathlâk kha Adam changmak, hōnmathlâk leh Pathen dân kasuk khōi kha nuhmei kha kae.

TIMOTHY INHNINA 3:13

mikaṭhamak-hei leh a’nṭhat hlemsak-hei kha anbinga inhōn inthla sik hei, khana milak um anhōn sik hei, mise anchangna inphut akasechet kachang sik hei.

HEBREWHEI 2:14

Ama’n naipanghei ati kha, taksa leh thisen mihei anchang jâra, Jesu amatak kha’m anmani kapō inkhat hong kachanga, anmihring ngai ahongchenpui hei. Khana ama thi jâra Diabol, thina chunga ṭong kaneipa, kha asuk manhmang theina sik ama’n hivahi aleitlo jo,

PETER INKHATNA 5:8

Inrin ṭhak ruh, insing thei ruh! Nanta’nrepui Diabol kha shabakkai inhrung kapōa kalôna, tu mo inkhat madehlon sik a a-enlea kae.

JOHN INKHATNA 5:19

Akaṭhamak Inkhatpa vairônna thōia vânhnōi ralei pumpui hi a-om inum eini chu Pathen ta me kae ti hi eini’n nimanhret.

JUDE 1:9

Ngeva kalenpen Michael kapha khan hmen hinga tlomak. Moses taksa kalōng chenna sik Diabol leh an-inchu pha khan hnōisena ṭong vâng raseiloa, “Rōngpu khan rasei che rasoh!” atihrep kae.

ṬONGPHÔNG 12:12

Khava jâra, marvânhei leh achunga ka-om rakip nangni inpâk ruh! Tâk-kha tuipui leh raleichung sik a chu heituk-hrep a ṭitpek ka-om sik! Ajârchu Diabol khan apha bongkhat rōkte anei jo hi amanhret jâra hnuk kana tak a nanlangting kajōng inhlut joa kae.”

ṬONGPHÔNG 12:3

Marvân chunga a’n-ip neinâk ahlop inkhat inlâr. Akalentak Rihren kasen alu 7 araki 10 kanei khana aluhei chunga lukhu kanei inkhat leika-om.

ṬONGPHÔNG 12:7

Khava pha marvâna re kasōk jo. Michael leh ngeva he’n rihren leh angevahei re an-intukpui jo;

ṬONGPHÔNG 12:8

tâk rihren kha antor joa ama leh angevahei kha marvâna an-om sik hnōmpek mak jo hei.

ṬONGPHÔNG 13:14

Ama’n ranhring hma-inkei hmaikunga aṭōntlo inlakna vâng khan raleichunga ka-om mi rakip ahōn mathlâk jo hei. Ranhring khan raleichung mi rakip hneng, ranhring chemjâma a’ntôna alakahringpa kajana, alim antasyem sik a ṭong apek hei.

ṬONGPHÔNG 16:14

Anmani kha ṭōn-inlak katlosōt rathla kaṭhamak-hei kha kae. Hiva rathla 3 hei hi Akahratpen Pathen Kani lûnpui ning re katlo sik a vânhnōi raleia renghei kaṭhōi intûp sik a kasesōt jo hei.

ṬONGPHÔNG 18:2

Ama’n rasa inhnaktak a a-ôn: “Amanu katlu jo! Babylon Kalen kha katlu jo! Amanu kha tûnchu a’nthengmak rathla ravaihei kha’n anhnong jo; a’nthengmak mater ka-om va rakip omna kachang jo.

ṬONGPHÔNG 18:23

Nashunga hmeivâr indet nôk hêrmak jo ning; hmōipa leh hmōinu rasa inthei nôk hêrmak jo ning. Nang inveina chu vânhnōi raleichunga ratha kaneipen kha kae, khana nadôi choi kadikmak khan vânhnōi ralei mi nahōn mathlâksō joa kae!”

ṬONGPHÔNG 19:20

Khava ranhring kha ahmai kunga ṭōntlo inlak katlo sânkathem inhlempa kha leh inṭhōia ansur heia kura ankhum jo hei. (Khava aṭōntlo inlak tlona vâng khan ama’n ranhring limsyem chîknabi kaneihei leh ranhring inmuk hei kha amathlem mathlâk heia kae.) Hmei kângna dîr shunga ranhring leh sânkathem inhlempa kha anhring pum a anhlon manhlut jo hei.

ṬONGPHÔNG 2:13

Na-omna hmun kha Seitan len in-ongna hmun achang kha ke’n kamanhret. Taksen ka-om tak kasâkhi kachang Antipas kha, anleithat katlunga nataksenna eng nang in masō mak chea kei sik a akadik kachang che.

ṬONGPHÔNG 2:24

“Tâk-kha Thyatira ka-om nangni alakseng inchu hiva akanimak a intheina kahnung hi juimak cheia kae; milak he’n, ‘Seitan lungri inthûk’ antati kha nangni’n juimak chei. Ke’n nangni chunga rônkahrik ahlop dapek mak chei ning kati kae.

ṬONGPHÔNG 2:9

Namalung inrimna hei ke’n kamanhret; nang sara nachang ke’n kamanhret, tâk kadiktak a chu kahao che! Jehudi chu changlo heia kachang ung kati he’n nang kadōia akaṭhamak antahri kha kamanhret, anmani Seitan ta kachang rup-hei kae!

ṬONGPHÔNG 20:10

Khava pha mikahōn inthlapa, Diabol kha kât kakâng hmei dîr shunga anhlon manhlut jo, khava hmun a khan ranhring leh sânkathem inhlem hei khachu aleika-omsa jo hei kae; khana khan asûn-ajâna khōdengthei are-rea mande sik jo kae.

ṬONGPHÔNG 20:8

Khana vânhnōi raleia a’nchekchai hei kahōn inthla sik a ama se inphut sik, khahei kha Gog leh Magog kae. Seitan khan re katuk sik a tui-ôngpui panga, nêrdi ja mi aheiṭhōi mantûp sik hei.

ṬONGPHÔNG 3:9

Rangei roh! Seitan ta kachang rup-hei, Jehudi chu changlo heia kachang ung katia malei kaseihei kha, nangni inmuk sik a, nanhmai kunga inkun sik a, kamanhong sik hei kae. Kalungsetna chei hi anmani seng in antamanhret sik kae.

ṬONGPHÔNG 9:1

Khava sōa ngeva 5 tlukna khan apengkun atum jo. Marvâna inphut raleichunga ârsi inkhat ajōngkatla ke’n kahmu, khava hnenga khan adongna kase dôpkhur chabi anpek a kae.

ṬONGPHÔNG 9:20

Khana hiva hrise tathatmak hei seng kha’num, anṭōnse tlona inphut anmalung thleng dekmak hei. Anmani’n rathla ravaihei leh sana vâng, dangka vâng, sum-êng vâng, hlung vâng leh thing vânga limhei, rasa katheitor mak leh hmit kahmu tor mak, lôn um akalôntor mak hei kha, kamukna bângmak hei.