ṬONGPHÔNG 12:4 - LEKHARABU INTHENG (BSI)

⁴ Ama khan arahmei vâng bōirōk a ârsi sem thuma sem khat raleichunga akei mathlâk a kae. Khana nuhmeinu nai jōng matet sik kha ajo’ntet lim leh made loina sik, nuhmeinu hmaikunga ama kangir ṭhak a ka-om.

ṬONGPHÔNG 12:4 ပူးပေါင်းရင်းမြစ်များ

SŌKSŌT 1:16

“Nangni’n Hebrew nupuihei nai matetna nan-inthōpui hei pha pase anmatet inchu that hei ruh, nuhmei anmatet inchu kahringa da hei ruh,” ati.

ISAIAH 27:1

Khava kani ning khan Rōngpu’n Leviathan, a’nze lele leh a’nher lele rihren tuipui shunga aka-om takpum kalen kha karâkna sik leh thatna sik a ratha kaneitak mithatna achemjâm kha ahmang sik jo.

JOHN 8:44

Nangni chu nanpa Rathla Kadikmak sa chei kae, khana nanpa kachang lungdo kha nantajui kae. Ama chu anphutbia inphut mikathat kae, ṭongdik langa khan omphung mak ajârchu ashunga ṭongdik kha om mak. Maleisei ahri kha ama ngaihrep ahri kae ajârchu ama chu malei kasei khana malei kaseihei pa kha kae.

PETER INKHATNA 5:8

Inrin ṭhak ruh, insing thei ruh! Nanta’nrepui Diabol kha shabakkai inhrung kapōa kalôna, tu mo inkhat madehlon sik a a-enlea kae.

ṬONGPHÔNG 12:7

Khava pha marvâna re kasōk jo. Michael leh ngeva he’n rihren leh angevahei re an-intukpui jo;

ṬONGPHÔNG 12:9

Khana rihren kalentak kha anhei hlonsōt jo, ama kha hmalaia mari kha kae, arahming Diabol a-emak leh Seitan inti vânhnōi kahōn inthlapa kha kae. Ama leh angevahei seng raleichunga anjōnghlon mathlâk jo hei.

ṬONGPHÔNG 13:2

Khava kahmu ranhring kha rûtnu ka-ang, ake kha kavom kepha ka-ang, khana ahmur shabakkai ka-ang. Ama hnenga khan rihren in aratha neina leh alen in-ongna, khana aṭong neina katamtak apek.

ṬONGPHÔNG 13:4

Khana mihring rakip in rihren kha ankamuk, ajârchu ama’n ranhring kha aratha neina rakip apek sōt joa kae. Khava jâra ranhring kha’m ankamuk a, “Ranhring kapō hi tu mo aka-om? Tu’n mo ama a’nrepui tor sik?” antia kae.

ṬONGPHÔNG 16:13

Khava sōa rathla a’nthengmak 3 uṭok kapōa kaleihmu hei. Anmani rihren beia inphut, ranhring beia inphut, sânkathem inhlem beia inphut heikasōk hei.

ṬONGPHÔNG 17:18

“Nang in nahmu nuhmei kha raleichunga vaikarôn khōpui kalentak kha kae.”

ṬONGPHÔNG 20:2

Ama’n hmalaia mari rihren kha asur jo, khavakha Diabol a-emak leh Seitan kha kae, kum 1,000 sik a akhit joa kae.

ṬONGPHÔNG 8:10

Khava sōa ngeva 3 tlukna khan apengkun atum jo. Hmeiser inkhat kapō ârsi kalentak, hmei akakâng inkhat marvâna inphut jōngkatla, khana khavakha tuidung sem thuma sem khat leh tuihnâr sem thuma sem khat chunga katla a kae.

ṬONGPHÔNG 8:11

(Ârsi rahming kha “Akakha” inti.) Tui sem thuma sem khat kakha jo, tui kha akakha achang jo jâra aka-in mi katamtak kathi jo hei.

ṬONGPHÔNG 8:12

Khava sōa ngeva 4 tlukna khan apengkun atum jo. Kani leh thla khana ârsi sem thuma sem khat asuk manset jo, khava jâra anvârna kha sem thuma sem khat inhmang jo; khang’khan sûn leh jân sem thuma sem khat kajing joa kae.

ṬONGPHÔNG 8:7

Ngeva hma-inkei khan apengkun atum jo. Hmei leh kahre, thli leh inṭhōia heikasōk a khavakha raleichunga ajōng hlon mathlâk jo. Khana raleichung sem thuma sem khat, thingkung sem thuma sem khat, kahardông sem thuma sem khat kakâng jo.

ṬONGPHÔNG 8:8

Khava sōa ngeva 2 tlukna khan apengkun atum jo. Hmebung kalentak kapō heikhat hmei kakânga tui-ôngpui shunga inhlon inthla a kae. Tuipui sem thuma inkhat kha thisen inchang jo.

ṬONGPHÔNG 8:9

khana tui-ôngpui shunga akahring ranhring sem thuma sem khat kathi jo, khana rakōng rakip sem thuma sem khat kakâng inhmang jo hei.

ṬONGPHÔNG 9:10

Âipui kapōa rahmei leh depna annei, khana anmani thla 5 mihei suk manrimna sik anrahmeia ratha annei.

ṬONGPHÔNG 9:19

Ajârchu shakorhei ratha neina kha anbei shunga leh anrahmeia ka-om. Anrahmei kha mari lu apō, khana anmani’n mihei anrahmei vâng ansuk mannat heia kae.