ṬONGPHÔNG 12:17 - LEKHARABU INTHENG (BSI)

¹⁷ Khava pha rihren kha nuhmeinu chunga khan ahnuk kana chet joa, Jesu ṭongdik malâr leh Pathen ṭongpek kajui taksenthei kachang, amanu sōnhei chunga re katlo sik a kasōk joa kae.

ṬONGPHÔNG 12:17 ပူးပေါင်းရင်းမြစ်များ

A’NPHUTNA 3:15

Nang leh nuhmeinu kâra in-enkadana kaman om sik jo; nuhmeinu sōn in nalu asukkhōi sik khana nang in asōn apâr kerahmit namachuk pek sik kae,” ati.

DANIEL 11:36

“Syria rengpa’n alungdo hrep a kachôn sik. Ama’n pathen rakip kanek a, Chunghnung Pathen kanek a’m kalen eng tia inlensak sik. Pathen in akarâkna sik pha ahong mak kârseng ama’n khanga atlo tor sik. Pathen in amantluk kha atlo nger sik kae.

MATTHEW 28:20

khana kaṭong pek chei rakip hi anjuina sik manthei hei ruh. Khana pha a’nchaina katlunga ahei tik a ke’n ka’nṭhōipui ṭhak sik chei.”

JOHN 8:44

Nangni chu nanpa Rathla Kadikmak sa chei kae, khana nanpa kachang lungdo kha nantajui kae. Ama chu anphutbia inphut mikathat kae, ṭongdik langa khan omphung mak ajârchu ashunga ṭongdik kha om mak. Maleisei ahri kha ama ngaihrep ahri kae ajârchu ama chu malei kasei khana malei kaseihei pa kha kae.

CORINTHIANHEI INKHATNA 2:1

Sōpuihei, Pathen ṭong kadik in-ip kahria nanhnenga kahonglai khan, ṭonghri kahōi leh themna katluk a leihmang mak eng.

PETER INKHATNA 5:8

Inrin ṭhak ruh, insing thei ruh! Nanta’nrepui Diabol kha shabakkai inhrung kapōa kalôna, tu mo inkhat madehlon sik a a-enlea kae.

JOHN INKHATNA 2:3

Pathen ṭongpek kha nijui inchu, ama nimanhret jo ti hi inchên.

JOHN INKHATNA 5:10

Khava jâra Pathen Sapa kataksen rakip in anmalunga hiva sâkhi hi annei; tâk Pathen kataksen mak hei kha’n ama kha malei kasei amanchang; ajârchu Pathen in Sapa chungchânga ahrina kha taksen mak heia kae.

JOHN INKHATNA 5:2

Hina inphut Pathen sa nilungset hei ti hi nimanhret: khachu Pathen nilungsetna leh aṭongpek nijuina vânga kae.

ṬONGPHÔNG 1:2

khana John in aleihmu rakip kha aleihrisōt. Pathena inphut ṭong leh Jesu Christa’n akadik aphôngsōt chungchânga ama thangkōina kha hi kae.

ṬONGPHÔNG 1:9

Kei nansōpui John eng kae khana Jesu Christa kajuile inkhat a kei hi nangnihei chen neipui, ama rengram mihei chunga inrengna ajongtlung pha dehrattak a akathōkpui eng kha kae. Jesu taphôngsōt ṭong kadik kha leh Pathen ṭong kha ke’n kahri manthang jâra Patmos inti tuikekhuma kei anleikhum eng.

ṬONGPHÔNG 11:7

Khana anmani’n anṭongsem kha anhrilesō pha, adongna kase dôpkhura inphut ahei kasōk ranhring kha leh re intuk sik jo hei. Ranhring khan anmani ator sik heia kha athat sik hei,

ṬONGPHÔNG 12:16

Tâk-kha ralei in nuhmeinu kha a’nthōpuia rihren beia tui ahei kasōk kha abei aleiman-ânga amade manhlut sō jo.

ṬONGPHÔNG 13:7

Phung leh jât, ṭong leh mi rakip chunga torna ratha inpea, khana Pathen mihei seng re intukpuia torna sik ratha inpek jo.

ṬONGPHÔNG 14:12

Jesu kataksenhei leh Pathen ṭongpek kajuihei, Pathen mihei dehratna sik a hivahi arangei kae.

ṬONGPHÔNG 17:14

Anmani’n Kemōngte kadōia re antlo sik; tâk Kemōngte leh abeksōt hei, akadei hei leh akataksena akajui he’n antor sik hei, ajârchu ama hi renghei Reng leh rōngpuhei Rōngpu kha kae.”

ṬONGPHÔNG 17:6

Khana Jesu ṭong kadik jui jâra antathat hei leh Pathen mihei thisen ka-inna a’nruinu kha ke’n kahmu. Ke’n khava nuhmei kha, kahmu pha inlak hêra kamandon.

ṬONGPHÔNG 18:20

Amanu inhmang jâra marvân inpâk ruh! Pathen mihei, sânkathemhei leh sonlehei, inpâk jo ruh! Ajârchu amanu’n nanchunga aleitlona dungjuia Pathen in achunga masetna apek jo kae!

ṬONGPHÔNG 19:10

Ama inmuk sik kei akekunga inkun jo eng, tâk ama’n kahnenga ahri, “Kha tlomak roh! Ke’m nang leh khana Jesu tamalârsōt akadik intu inhnet hei seng leh a’n-ang, sōk inkhat eng kae. Pathen jôk kamuk roh!” Ajârchu Jesu tamalârsōt akadik kha sânkathemhei manhlimna kapek kha kae.

ṬONGPHÔNG 19:19

Khava sōa ke’n shakor chunga kachōngpa leh aremihei re intukpui sik a ranhringhei leh ralei renghei khan chu anremihei kaleihmu hei.

ṬONGPHÔNG 20:4

Khava sōa len in-ongna hei leh achunga a’n-ong hei kha ṭong tanna sik ratha antapek hei kha kahmu. Khan nôk chu Jesu tamalârsōt ṭongdik leh Pathen ṭong jâra antathat hei rathla kha’m kahmua kae. Anmani’n ranhring limsyem kha leikamuk mak hei, khan chu achîkna kha’m anmachea achanga ankut chunga achanga mazet mak hei. Anmani’n kum 1,000 Christa leh reng kapōa vai antarônsap sik a hong kahringsōt hei.

ṬONGPHÔNG 22:14

“Tu achang inum apōnsi kasôp inthengpet a khana hringna thingkung kara kasâk sik a ratha kanei khana sōngkot a kahlut a khōpui akatlung kha mikahōihei kae.

ṬONGPHÔNG 6:9

Khava sōa kemōngte khan 5 tlukna achîkna intat kha asuk khōia amahlang. Pathen ṭongkahri inthanglele, ansâkhi tlona chunga taksenthei kachang, anta leithat jo hei rathlahei maichâm thōia an-om kha ke’n kahmu.