ṬONGPHÔNG 11:3 - LEKHARABU INTHENG (BSI)

³ Khana khava kani 1,260 shunga Pathen ṭong thangkōi kahri inthangle sik, bora pōnse kasi sâkhi 2 ke’n kahei tir sik hei.”

ṬONGPHÔNG 11:3 ပူးပေါင်းရင်းမြစ်များ

A’NPHUTNA 37:34

Jacob in malung nat a apōn akei hlera borapōn alei insi. Pha kasôttak asapa sik a ṭajai aleisuia kae.

SAMUEL INHNINA 3:31

Khava sōa David in, Joab leh ami he’n anpōnhei ankeihlera borapōn an-insina sik, khana Abner sik a jai andena sik a ṭong apek hei.

RENGHEI INKHATNA 21:27

Elijah’n aṭong hri achai pha, Ahab in apōn akei hlera alosōt a, borapōn a’nsi jo. Bu sâk mak jo, borapōn a’nsi pum a kaje jo, malung kanguitak leh inrengtak a kalôn lele jo.

RENGHEI INHNINA 19:1

Rn Hezekiah’n anṭong kha atheisō lim a inrim reia apōn akeihler, borapōn a’nsi, Rōngpu Bek-inna kase jo.

THUHMINGHEI INKHATNA 21:16

Ngeva khan ramhânga kangira, chemjâm akut a amatua Jerusalem suk manhmang sik a a’ntluk kha David in aleihmu. Khava sōa David leh mipui hlamkakeihei, ankhenga borapōn akasi hei, inkun heia anhmai raleia anmakhup jo.

NEHEMIAH 9:1

Khava thla mama a ni 24 tluk ning Israel mipuihei kha anset jâra malung inrim malârna buhngōina sik a le’ntûp hei. Anmani kha ram hlop mihei seng leh inṭhendek jo hei. Anmani’n inrimna malârna inkhat a borapōn ansia anlua ravut anleiphi. Khava sōa anmani kangir heia anmani leh anpu anpa he’n anta leitlo setnahei kha anhrisōt manphut jo.

JOB LEKHARABU 16:15

Ṭajai kasuia borapōn kasi hei, hmaimôk kachen jo inkhat a ravut kâra in-ong eng.

HLAHEI 69:11

Ṭajai suina pōnsi derkei vâng ka’nsyem ravâng manuisōna annei macheng eng.

ISAIAH 22:12

Chunghnung Rōngpu’n akaṭap sik leh ṭajai kasui sik a, khan chu lu kavo leh borapōn akasi sik a abek chei.

JEREMIAH 1:10

Tuning ke’n jât rakip leh rengramhei anrajung kaphôisōt sik, kakei inthlûk sik, akasuk inhmang sik, akahlonsōt sik, akaphunsōt sik leh akasyemsōt sik a ratha kha nang kapek jo che kae.”

ṬAJAISUINA 2:10

Jerusalema upahe’n raleia sip katia in-ong hei, Anlua vaiphin khana antaksa kha bora pôn ansi. Nuhngâk he’n raleia anhmai andima ka-om hei.

EZEKIEL 4:6

Nang in khavakha natlosō leh, nachang intongting inhe ina je nôk roh, Judah hei ṭhena jâra ni 40 inrengna nathōk sik kae, anmani karâkna kum khat sik a ni khat sâm kae.

DANIEL 12:7

Ngeva khan akut 2 marvânting akalânga, Kumleikō Pathen rahminga intepna anei jo. Ama’n hinga ahri kha ke’n kathei, “Hivahi kum 3 leh thla 6 sik kae. Pathen mihei suk manrimna kha a’nchai leh, hihei rakip hi ahei kasōk sik kae.”

DANIEL 7:25

Ama’n Chunghnung Pathen kadōia ṭong ahri sik khana Pathen mihei asuk manrim sik hei. Ama’n anmani beklang dân leh rehōihei thlengna sik atlo sik. Khana Pathen mihei kha kum 3 leh thla 6 aratha neina thōia ada sik hei.

DANIEL 8:14

Alak ngeva khan amasôn kha kalei thei, “Khavakha khōhlei leh jîngkâr 2,300 laka-om sik, hiva shunga hin inthoina om mak ning. Hivasōa Bek-inn kha matung ther sik kae.”

JOEL 1:13

Maichâma ṭōnkatlo thempuhei, borapōn insi unna ṭap jo ruh! Bek-inna se unna jân kathang ṭajai sui ruh! Nan-Pathen hneng tōk sik a hmuchi leh ju om mak jo.

JONAH 3:5

Nineveh mihe’n Pathen ṭong kha antaksen jo. Khava jâra mi rakip buhngōina sik a intluk jo hei, kasin-kalen ankhenga, borapōn ansia anmalung thleng malârna antlo jo.

JONAH 3:8

Mi rakip, ran rakip borapōn a’nsi sik hei kae. Mi rakip in Pathen hneng rahnaktak a antader sik kae, ṭhatmak omchen leh ṭōntlo antamasō sik kae.

MIJAHEI 11:26

Hlamkakei 70 hei kâra 2, Eldad leh Medad kha rephōra leika-om hei Pōn-inna leise mak hei. Rephōra khan rathla kha anchunga jōng kachu jo, anmani’m sânkathemhei kapōa ông anphut jo.

MATTHEW 11:21

“Eh Chorazin! Heituk ṭitpek aka-om che mo! Eh Bethsaida! Nang sik um heituk ṭitpek aka-om che mo! Nangnihei hneng ṭōn-inlak ale’ntlo hei kha Tyre leh Sidona ale’ntlo achang inchu, anmalung thleng malârna borapōn ansi sik, khana ravut ale’nno sik jo hei kae.

MATTHEW 18:16

Tâk ama’n naṭong kha arangei mak inchu, mi inkhat a-emak leh 2 ṭhōisa roh, ajârchu ṭong intheng in ahri kapōa, ‘masetna rakip sâkhi 2 3 beisō vâng a’ntan sik kae,’ ati.

LUKE 10:13

“Eh Chorazin, nang sik heituk ṭitpek ka-om che mo! Eh Bethsaida, nang sik um heituk ṭitpek ka-om che! Nangni hneng ṭōn-inlak ale’ntlo hei kha Tyre leh Sidona ale’n tlo’nchu, hmalai khan anmi he’n ansetna inphut anhong inhe malârna sik in-ong heia, pōnse ansia, vaiphin inthek khum sik jo hei!

LUKE 24:48

Nangni hiva sâkhi chei kae.

JOHN 15:27

Nangni’m a’nphutbia inphut kei leh ahon’thlop me nichang jâra kachungchânga nanta hri sik jo kae.

JOHN 3:27

John in amasôn hei, “Marvâna inphut a Pathen tajōng pek mak mi khan heite chentor mak.

ṬŌNTLOHEI 1:8

Tâk-kha Rathla Intheng kha nanchunga ajōng pha leh, ratha hratna kasip a nannei sik, khana nangni Jerusalem, Judea leh Samaria ram pumpuia khan chu raleichung achaina katlunga kasâkhi akachang sik chei kae,” ati.

ṬŌNTLOHEI 13:31

Galilee leh Jerusalem kâra hlam a akase hei hneng a’nṭhōipui heia kanikhō katamtak le’nlâra kae. Khava akahmu mihei khan tûnhin Israel mipuihei hneng sâkhi antloa kae.

ṬŌNTLOHEI 2:32

Hiva Jesu khet hi Pathen in thina inphut amathōi jo, khana hiva omchen kasōk khet sâkhi hi keini kankhenga ung kae.

ṬŌNTLOHEI 3:15

Hringna hlam kasâtpa kha nanleithat, tâk thina inphut Pathen in aleimathōi sōt jo, khana khava sâkhi kha keini ung hi kae.

CORINTHIANHEI INKHATNA 12:28

Bekrup shunga Pathen in mi rakip anhmun et a ada hei: ahma inkeia sonle, 2na sânkathem, 3na oja; khava kahnung kajuia ṭōn-inlak katlo, mi mandamna ratha a’npe, mi inthōpui, mi hlamkakei leh ṭonghlop kaṭonghei hi kae.

CORINTHIANHEI INHNINA 13:1

Tûna nanhnenga kahong sik hi vōi 3 tlukna jo kae. Ṭong intheng in ahri kapōa, “ṭong kasōk rakip sâkhi 2 a-emak leh akakhe manchênna vâng maher sik kae.”

EPHESIANHEI 4:11

Ama kha “kutchoi kapek,” kha kae, mi ṭhahrep khat sonlea akadei, alak in sânkathem, ṭhen khat in evangelist, ṭhen khat in Pastor khana ṭhen khat oja amanṭang hei.

DÂNRABU INHNINA 17:6

Tâk, ama kadōia sâkhi 2 achangmak leh 3 anngir leh rōk a ama kha that thei kae; inkhat rōk in sâkhi apek inchu that mak sik kae.

DÂNRABU INHNINA 19:15

“Ṭōnse inkhat a, mi inkhat manṭhena sik sâkhi inkhat rōk chu tlukmak; mi inkhat in ṭhena anei jo tina sik akatlômpena sâkhi 2 chu arangei.

ṬONGPHÔNG 1:5

khana taksen ka-om sâkhi kapek akathia inphut ahma inkeipena keimathōi sik khana ralei renghei vaikarôn Jesu Christa a inphut maritna leh lung mōngna nanta chang rasoh. Ama’n alungset me, khana ama a’ntōksōt a athia khan eini nisetna heia inphut ning leh hnōma amasō jo me,

ṬONGPHÔNG 11:2

Tâk-kha bek-inn sumpuk vâng intong khachu dahlon roh, ajârchu khavahei kha Jât-hlop hei a’npek sōt jo kae, anmani’n khōpui intheng kha thla 42 antachōnpha sik kae.

ṬONGPHÔNG 11:6

Pathen ṭong kha anmani’n anhrilelai seng khō sûrmakna sik marvân kot khârtorna ratha anneia kae. Khan chu anmani’n tuihnâr kapût hei kha’m, thisen manchang torna ratha annei; khan chu anmani’n anmadu chen a natse vâng raleichung jât rakip mansetna sik ratha annei.

ṬONGPHÔNG 12:6

Khana nuhmeinu kha nêrdiram thōia katlân jo, khava hmun a khan kani 1,260 Pathen in amanu kaṭha man omna sik aleimantluk pek a kae.

ṬONGPHÔNG 13:5

Khana ranhring kha inlensaktak a Pathen teitômna sik, thla 42 ratha neina anpek joa kae.

ṬONGPHÔNG 19:10

Ama inmuk sik kei akekunga inkun jo eng, tâk ama’n kahnenga ahri, “Kha tlomak roh! Ke’m nang leh khana Jesu tamalârsōt akadik intu inhnet hei seng leh a’n-ang, sōk inkhat eng kae. Pathen jôk kamuk roh!” Ajârchu Jesu tamalârsōt akadik kha sânkathemhei manhlimna kapek kha kae.

ṬONGPHÔNG 20:4

Khava sōa len in-ongna hei leh achunga a’n-ong hei kha ṭong tanna sik ratha antapek hei kha kahmu. Khan nôk chu Jesu tamalârsōt ṭongdik leh Pathen ṭong jâra antathat hei rathla kha’m kahmua kae. Anmani’n ranhring limsyem kha leikamuk mak hei, khan chu achîkna kha’m anmachea achanga ankut chunga achanga mazet mak hei. Anmani’n kum 1,000 Christa leh reng kapōa vai antarônsap sik a hong kahringsōt hei.