ṬONGPHÔNG 11:2 - LEKHARABU INTHENG (BSI)

² Tâk-kha bek-inn sumpuk vâng intong khachu dahlon roh, ajârchu khavahei kha Jât-hlop hei a’npek sōt jo kae, anmani’n khōpui intheng kha thla 42 antachōnpha sik kae.

ṬONGPHÔNG 11:2 ပူးပေါင်းရင်းမြစ်များ

HLAHEI 79:1

Eh Pathen, jât-hlop he’n naram re anhongsō jo, nabek-inn intheng kha anmanbōk jo, Jerusalem kha anmanset chera andahlon jo.

ISAIAH 48:2

Achang inum nangni inlensak cheia hinga nanhri, khōpui intheng mi ung kae Israel Pathen chunga a’nngai ung kae arahming Chunghnung Rōngpu inti chunga khan ka-om ung nanti.

ISAIAH 5:5

Ke’n kavomhrui rahōn chunga katlo sik kha hi kae; akimvea rape kalosōt sik, akhârna hlung bang hi kavōk manchim sik, ramsha he’n sâk jo hei sona chōn rachi jo hei rasoh.

ISAIAH 52:1

Jerusalem, ngar roh, len nôk roh! Pathen khōpui intheng, pōnret kalûrtak a invon roh! Pathen ka-ôimak he’n nakekot a avea hlut nôk mak jo hei ning.

ṬAJAISUINA 1:10

Amanu inrepui he’n akarōi buk rakip anchomsō jo. Anmani’n Bek-inna anheihlut kha ahmu hei, Rōngpu’n jât-hlop heihlut sik ahnōm makna hmun akhan.

EZEKIEL 4:6

Nang in khavakha natlosō leh, nachang intongting inhe ina je nôk roh, Judah hei ṭhena jâra ni 40 inrengna nathōk sik kae, anmani karâkna kum khat sik a ni khat sâm kae.

EZEKIEL 42:20

hivahi ramkei rakip abang khan metre 250 kaseia akekim bitna sik a kae. Bang hin a’ntheng leh a’nthengmak ṭhensōtna kachang jo.

DANIEL 12:7

Ngeva khan akut 2 marvânting akalânga, Kumleikō Pathen rahminga intepna anei jo. Ama’n hinga ahri kha ke’n kathei, “Hivahi kum 3 leh thla 6 sik kae. Pathen mihei suk manrimna kha a’nchai leh, hihei rakip hi ahei kasōk sik kae.”

DANIEL 7:19

Khava pha sha alak 3 hei leh a’n-ang mak 4na sha, ashathat sik hei kha asum-êng ke matin leh athir ha vânga asekhōi hei khana anchunga achōn rachi hei, khava ṭit ka-om tak sha chungchânga kamanhretdet hnōma kae.

DANIEL 7:25

Ama’n Chunghnung Pathen kadōia ṭong ahri sik khana Pathen mihei asuk manrim sik hei. Ama’n anmani beklang dân leh rehōihei thlengna sik atlo sik. Khana Pathen mihei kha kum 3 leh thla 6 aratha neina thōia ada sik hei.

DANIEL 8:10

Ama’n marvân remihei, ârsihei, inrepuina sik pui katluk a ratha aleinei, ama’n ṭhahrep hei chu raleia ajōng hlon mathla heia ake vânga achōnpha hei.

DANIEL 8:13

Khava sōa ngeva inkhat in inkhat hneng ṭong ader kha kalei thei, “Hmangtalâra a’nhmu omchenhei hi pha khongja katlung alaka-om sik hei mo? Pha khongja katlung mo ṭit ka-om tak setna hin ani tina inthoina kahlang kha alathleng sik? Pha khongja katlung mo marvân remi leh Bek-inn kha chōnpha anlaka-om sik hei?”

DANIEL 8:14

Alak ngeva khan amasôn kha kalei thei, “Khavakha khōhlei leh jîngkâr 2,300 laka-om sik, hiva shunga hin inthoina om mak ning. Hivasōa Bek-inn kha matung ther sik kae.”

MIJAHEI 14:34

Nanram vathlirna ni 40 kha ni khat leh kum khat mantōk a kum 40 hi nansetna tloman a a’nreng sik chei kae. Nankadōia kaka-om hi heimo kachang ti hi nanmanhret sik jo!

MATTHEW 27:53

Thlânhei kha andahlon jo hei, khana Jesu’n thia inphut athōisōtsō pha, anmani Khōpui Inthenga kahlut hei, khana khan mi katamtak in anhmu heia kae.

MATTHEW 4:5

Khava sōa Diabol khan Jesu kha Khōpui Intheng Jerusalema khan aṭhōia, Bek-inn chung inshânga aman ngira,

MATTHEW 5:13

“Nangni mihring jât pumpui sik a chi kapō chei kae. Chi kha a-êna asep jo’nchu, avea man-e theina sik ahlam om mak jo. Hnemna kase kachang jo, achang jâra anhlonsōt a mihe’n anchōn rachia kae.

LUKE 21:24

Ṭhahrep chemjâm vâng anthat sik hei, khana ram rakip a sōk a ankei sik hei; anpha atluk mak kârseng Jât-hlop he’n Jerusalem kha antachōn rachi sik kae.

HEBREWHEI 10:29

Kha achang inchu, Pathen Sapa kahnōise hei sik hei mo kachang sik? Khava anset manthengna kapek Pathen intepna thisen kha mankabeitek a akalo hei sik? maritna Rathla manzakna kapek hei sik? Khahei kha heituk-hrep akakhe karâkna mo anrahōi akachang sik mandon ruh!

ṬONGPHÔNG 11:11

Ni 3 leh aher sōa anshunga Pathena inphut hringna kaphuk jōng kahlut a, anmani 2 kangirsōt jo hei; khana ankahmu rakip kaṭihêr jo heia kae.

ṬONGPHÔNG 11:3

Khana khava kani 1,260 shunga Pathen ṭong thangkōi kahri inthangle sik, bora pōnse kasi sâkhi 2 ke’n kahei tir sik hei.”

ṬONGPHÔNG 12:6

Khana nuhmeinu kha nêrdiram thōia katlân jo, khava hmun a khan kani 1,260 Pathen in amanu kaṭha man omna sik aleimantluk pek a kae.

ṬONGPHÔNG 21:10

Khana rathla khan akhimna thōia ada jo eng, khana ngeva khan tlângbung inshângjap inkhat chunga aṭhōi jo enga kae. Khana Pathen hnenga inphut marvâna ajōng kaṭum, khōpui intheng, Jerusalem kha amanhmu eng,

ṬONGPHÔNG 21:2

Hmōinu inkhat apuise intō sik a, a’nret a a’ntlukdek kapōa Jerusalem ther, Khōpui Intheng kha marvâna Pathena inphut ajōng kaṭum kha ke’n kahmua kae.

ṬONGPHÔNG 22:19

Khana hiva sânkathem lekharabu ṭong heia inphut mi inkhat in heikhat alosōt inchu, hiva lekha shunga a’nhri khōpui intheng leh hringna thing kara chen sik a inphut Pathen in ama chen alosōt pek sik kae.