ṬONGPHÔNG 11:17 - LEKHARABU INTHENG (BSI)

¹⁷ khana anti: “Akahratpen Rōngpu Pathen, aka-om leh aleika-omsa! Keini’n nang kanmanpâk che, ajârchu naratha hratna kha na’nloa nang in vai narôn manphut joa kae!

ṬONGPHÔNG 11:17 ပူးပေါင်းရင်းမြစ်များ

A’NPHUTNA 17:1

Abram kum 99 atluk pha Rōngpu ahnenga inlâra, “Kei Akahratpen Pathen eng kae. Kaṭong jui roh khana akadik tlo ṭhak roh.

HLAHEI 21:13

Rōngpu, narathahrat alen jâra kanmanpâk che! Naratha hratna kha hla vânga kansak a kanchoi ka-ân sik che.

HLAHEI 57:11

Eh Pathen, nalenna kha thli chunga, khana nalûrna kha raleichung rakip a malâr roh!

ISAIAH 52:10

Rōngpu’n arathahrat intheng kha ahmang sik; amihei ahuksōt sik hei, khana vânhnōi pumpui in antahmu sik kae.

DANIEL 2:23

Kapu sōnhei Pathen kachoi ka-ân che khana kakaja che, nang in singna leh ratha napek eng; nang in kaderna namasôn eng Rengpa hneng kantahri sik namanthei ung.”

DANIEL 6:10

Daniel in ṭongpek kha rengpa’n sôi atlo jo ti athei pha, ama a-inna kase jo. A-inn chungden a Jerusalem kahnget a thlikot ka-om hei. Khana khan, aleitlo phung kapōa, thlikot-hei inhlangna ting khan inkuna Pathen hneng ni khat a vōi 3 sasâm aleider.

MATTHEW 11:25

Khava pha khan Jesu’n, “Apa, marvân leh ralei Rōngpu, kamanpâk che, ajârchu mikasing leh mikathemhei hneng naleithup kha akathemmak hei hneng namalâr jo.

LUKE 10:21

Khava phalaitak khan Jesu Rathla Intheng in inpâkna amansip joa ahri: “Eh Apa, marvân leh ralei Rōngpu! Kamanpâk che ajârchu akasing leh akathemhei hnenga naleithup kha heite inhret mak hei hneng namanhmu jo heia kae. Kadik Apa, hivahi akasōk sik a naleimadu kha kae.

JOHN 11:41

Anmani’n hlung kha anlosōt jo, khana Jesu’n chungting a-ena, “Apa, kaderna nathei pek eng jâra kamanpâk che.

CORINTHIANHEI INHNINA 2:14

Tâk-kha Pathen kha manpâk a om rasoh! Ajârchu Christa leh inṭhōia Christa retorna injôkna khan kurkhum mihei kapōa Pathen in apha rakip a hlam akei ung. Marim katui inkhat kapōa Christa ṭong hi ahmun rakip a phôngtheina sik Pathen in keini ahmang ung.

CORINTHIANHEI INHNINA 9:15

Akutchoi mankase jâra Pathen kha manpâk rih.

TIMOTHY INKHATNA 1:12

Kaṭōn tlona chunga ratha hratna anikapek, ni-Rōngpu Jesu Christa kha kamanpâk. Ama injen sik a rahōi kasōk inkhat a alo eng jâra kamanpâk,

ṬONGPHÔNG 1:4

Johna inphut Asia ram bekrup 7 hei hneng: Aka-om, aleika-om, alaka-om sik Pathena inphut leh alen in-ongna hmaikunga ka-om rathla 7 heia inphut,

ṬONGPHÔNG 1:8

Aka-om, aleika-om, alakahong sik Akahratpen Rōngpu Pathen khan, “Kei aphutna leh achaina eng kae,” ati.

ṬONGPHÔNG 11:15

Khava sōa ngeva 7 tlukna khan apengkun kha atuma, marvân chunga rasa inhnaktak kasōk a ajōng hri, “Vânhnōi raleichunga vairônna ratha kha tûnchu ni-Rōngpu leh ama Messiah ta kachang jo, ama’n are-rea vai arôn sik jo kae!”

ṬONGPHÔNG 15:3

anmani’n kemōngte leh Pathen sōkpa, Moses hla kha, ansak a ka-om hei: “Akahratpen Rōngpu Pathen, naṭōn tlohei hi heituk-hrep a a’nlak a akalenhei mo! Jât rakip Rengpa, nahlamhei hi heituk-hrep a akadik a a’ntlun hei mo!

ṬONGPHÔNG 16:14

Anmani kha ṭōn-inlak katlosōt rathla kaṭhamak-hei kha kae. Hiva rathla 3 hei hi Akahratpen Pathen Kani lûnpui ning re katlo sik a vânhnōi raleia renghei kaṭhōi intûp sik a kasesōt jo hei.

ṬONGPHÔNG 16:5

Khava tui ka-ensui ngeva khan ajōng hri kha ke’n kathei, “Aleika-omsa, alaka-om, Eh A’ntheng Inkhat, naṭongtan kha kadik-hei!

ṬONGPHÔNG 16:7

Khava sōa maichâma inphut rasa inkhat katheia hinga ahri, “Rōngpu Pathen Akahratpen! Naṭongtan hei kadik khana intlun heia kae!”

ṬONGPHÔNG 18:8

Hiva jâra natse, malung inrim, khana ṭâm katla hin, ni khat rōk shunga amanu chunga akatlungpet sik kae. Amanu hmeia anrokhum sik jo, ajârchu amanu chunga ṭongkatan, Rōngpu Pathen kha, akahrat kae.”

ṬONGPHÔNG 19:11

Khava sōa marvân inhlânga, shakor kabang inkhat aka-om ke’n kahmu. Achunga kachōngpa kha Akadik leh Taksenthei inti; Ama’n akadik vâng ṭong atana, are kha atuk a kae.

ṬONGPHÔNG 19:6

Khava sōa mipui katamtak rasa kapōa tôngtui rasa kapō, khōjang kapōk, khō inri rasa kapō ke’n katheia hing’hin ahri, “Hallelujah! Ajârchu ni-Pathen Akahratpen Rōngpu kha Reng kae!