ṬONGPHÔNG 11:15 - LEKHARABU INTHENG (BSI)

¹⁵ Khava sōa ngeva 7 tlukna khan apengkun kha atuma, marvân chunga rasa inhnaktak kasōk a ajōng hri, “Vânhnōi raleichunga vairônna ratha kha tûnchu ni-Rōngpu leh ama Messiah ta kachang jo, ama’n are-rea vai arôn sik jo kae!”

ṬONGPHÔNG 11:15 ပူးပေါင်းရင်းမြစ်များ

HLAHEI 110:4

Rōngpu’n ka-ôrtak a ṭongtepna aleinei khavakha losōt nôk mak jo ning: “Melchizedek thempu khanghruia kumleikōa thempu akachang sik che kae,” ati.

HLAHEI 146:10

Rōngpu kha ahei tik a reng kae. O Zion, na-Pathen khan pha rakip a vai arôn sik kae. Rōngpu kha choi ka-ân ruh!

HLAHEI 2:2

Anreng he’n andōi, khana anvaikarôn he’n inchun heia Rōngpu chunga leh ama takadeisōt rengpa chunga marûk a ṭōnhlam ansyem.

HLAHEI 72:11

Rn rakip ahmai kunga inkun sik hei, jât rakip in ama anrazen sik.

HLAHEI 82:8

Eh Pathen, jōng roh vânhnōi hi vai rôn roh; jât rakip hei hi natahei kae.

HLAHEI 86:9

Naleisyem jât rakip hei kha kahong sik hei khana nahnenga hong-inkun sik hei; nalenna kha anchoi ka-ân sik jo.

SŌKSŌT 15:18

Rōngpu, nang kumleikōa reng kachang ṭhak sik che.”

ISAIAH 27:13

Khava kani ahong tlung pha, Egypt ram a leh Assyria ram a Israel sahei rekahringa antakei hei seng bekmalena sik a Pengkun inkhat intum sik. Anmani kahong sik heia kha, ahmebung intheng Jerusalema Rōngpu kha ankamuk sik.

ISAIAH 44:23

Marvân nangni, inpâk a ông ruh! Ralei hmun inthûk hei, ông ruh! Tlânghei leh ratu ramhânga thingkung rakip, inpâk a ông ruh! Rōngpu’n ami Israelhei ahuk manhring heia alenna kha amalâr jo.

ISAIAH 55:5

Tûnchu nangni’n ram hlop mihei kha nanbek sik hei; pha khat a nangni leimanhret mak hei chei, tâk tûnchu nangni kajōm sik a hong katlân sik jo hei! Rōngpu nan-Pathen, Israel Pathen intheng ke’n hihei seng hi kahong masō sik; ke’n kajana leh lûrna kha nangni kapek sik chei.”

ISAIAH 9:7

Areng ratha neina kakhang injôn sik; arengrama chamna ka-om ṭhak sik. Ama’n Reng David karōi kahlō inkhat a vai arôn sik, aratha neina kha ṭongdik leh ṭongtak chunga inhnga sik, tuna inphut pha inchai katlunga. Chunghnung Rōngpu’n hiseng hi tlo sik a amandon jo.

JEREMIAH 16:19

Rōngpu, nang karatha ngarna leh ani kahrung che kae, inrengna pha na’nthōpui eng. Raleichung inchaina inphut jât-hei nahnenga kahong sik hei khana anhri sik, “Kanpu kanpa he’n pathen kadikmak kha tei loa heite leinei mak hei, akahnem mak limhei tei loa heite leinei mak hei.

EZEKIEL 37:25

Kasōkpa Jacob hnenga kapeksa, anpu anpahei leiomna ram a ka-om sik hei. Ahei tik a khan ka-om sik hei, khana khan ansōn anpârhei ka-om sik hei. Kasōk David kapō inkhat in ahei tik a vai arôn sik hei.

EZEKIEL 47:5

Ama’n metre 500 atesa nôk, khava pha khan chu tui kha inthûk hêr jo, ashunga petan tor mak jo eng. Khavakha tui jâp inbe tei loa rakantor changmak jo.

DANIEL 7:14

Ama kha phung leh jât ṭong rakip in anrazenna sik ama kha ratha neina, kajana khana reng ratha kha anpek jo. Ama ratha neina kha ahei tik a ka-om sik, khana arengram ahei tik a bângmak ning.

DANIEL 7:18

Khana Chunghnung Pathen sahe’n reng ratha neina kha anchen sik khana ahei tik a anta kachang sik.”

DANIEL 7:22

Khava pha ahei tik a akahring ṭhak inkhat kha kajōnga Chunghnung Pathen sahei sik a ṭong aleitan. “Pathen sahe’n reng ratha neina anchenna sik pha kha hong katlung jo.

DANIEL 7:27

Raleichung rengram rakip hei ratha hratna leh lenna rakip Chunghnung Pathen mihei hneng a’npek sik kae. Anmani reng ratha neina kha bângtik neimak ning, khana raleichunga vaikarôn rakip in anrazen heia anṭong anjui sik.”

HOSEA 2:23

Ram a khan kamihei kaphunsōt sik hei khana kamannei kamanhao sik hei. Ke’n “Lungset lo,” inti hei hneng khana, “Kami changlo,” inti hei hneng lungsetna kamalâr sik. Ke’n, “Nangni kami chei kae,” kati sik, khana anmani’n anmasôn sik eng, “Nang kan-Pathen che kae,” anti sik eng.

OBADIAH 1:21

Jerusalema re kahrâng he’n Edom anbuhlu sik khana anchunga vai arôn sik. Khana Rōngpu khet in Reng kachang sik.”

MICAH 4:7

Anmani anke katlek a ram kahlatak a ka-om jo hei, tâk dahlona ka-om hei kha leh hringkhōther manphutna kanei sik, khana anmani jât kalentak hongkachang sik hei. Zion Tlâng chunga ke’n anmani khava pha khana inphut ahei tik a sik vai karôn sik.”

ZECHARIAH 14:9

Khava sōa Rōngpu kha raleichung pumpuia reng kachang sik jo; mi rakip in ama kha Pathen kapōa ankamuk sik jo, khana rahming inkhat rōk a manhretna annei sik jo.

ZECHARIAH 2:11

Khava pha khan Rōngpu ângshunga jât katamtak hongkahlut sik jo hei khana ami hongkachang sik jo hei. Ama kha nankâra ka-om sik jo, khana ama’n kei hi nanhnenga ajōngtir eng kae tia nanmanhret sik jo.

MALACHI 1:11

Raleichung inchaina inkhat a inphut inkhat katlunga mihe’n kajana annei eng. Hmun rakip a bero anro mankhut a khana rahlângthei sik inthoina antōk eng. Ankhenga kei ankaja eng.

MATTHEW 24:31

Pengkun kalen kha antum sik, ama’n angeva ralei rakir manlia atir sik hei, anmani’n akadeisōt seng kekung leh kelera anchom mantûp sik hei.

MATTHEW 6:13

Mathlemna aṭhōimak roh, tâk-kha Akaṭhamak Inkhat a inphut ahuksōt roh. Ajârchu rengram, rathahrat, khana lûrna ahei tik a nata kae. Amen.’

LUKE 1:33

khana ahei tik a Jacob sōnhei reng akachang sik kae, arengram kha inhmangtik omak ning.”

LUKE 15:10

Kha leh in-anghrep a mikaset inkhat malung thleng jâra Pathen ngevahei inpâk hei ti hi ke’n kahri pek chei kae.”

LUKE 15:6

Khana inn naheitlung pha naṭhōnhei leh nakhō-navenhei nabek mantûp heia, ‘Kei inpâk hêr eng, kakemōng inhmang kha kahmu jo. A’npâk puiruh,’ nati!

ṬŌNTLOHEI 4:26

Rōngpu leh ama Messiah kadōia, raleichung renghei anbinga intluk hei, khana vaikarônhei le’nhmutō hei.’

HEBREWHEI 1:8

Hei-achang inum Pathen in asapa chunga ahri: “Eh Pathen, narengram kha kumleikōa ka-om ṭhak sik! Nang in namihei chunga akadik vâng vai narôn.

ṬONGPHÔNG 10:7

Achang ravâng ngeva 7 tlukna khan apengkun atum pha, Pathen ṭōnmantluk inthup kha asōk sânkathemhei hnenga aleimanhri hei kapōa hui akatlung sik kae,” ati.

ṬONGPHÔNG 12:10

Khava sōa marvân chunga rasa inhnaktak inkhat katheia hing’hin ahri, “Tûnchu Pathen huksōtna kha kajōng jo! Tûnchu Pathen in Reng changna aratha neina kha amalâr jo! Tûnchu ama Messiah khan aratha neina kha amalâr jo! Ajârchu asûn-ajâna nisōpuihei masetna kapek ṭhak, Pathen hmaikunga kangirpa kha marvâna inphut hlon mathlâk a ka-om jo.

ṬONGPHÔNG 15:4

Rōngpu, tu’n mo nang aṭitmak sik che? Nalenna kaphông sik tu mo akada sik? Nang rōk a’ntheng che kae. Jât rakip na-ânga kahong sik hei khana anhong kamuk sik che, ajârchu mi rakip in naṭōn kadik anhmua kae.”

ṬONGPHÔNG 16:17

Khava sōa ngeva 7 tlukna khan athlengkam kha bōirōk chunga abun mathlâk jo. Khava pha Bek-inn shunga len in-ongna inphut rasa inhnaktak inkhat in ahri, “Hi intlo jo!” ati.

ṬONGPHÔNG 17:14

Anmani’n Kemōngte kadōia re antlo sik; tâk Kemōngte leh abeksōt hei, akadei hei leh akataksena akajui he’n antor sik hei, ajârchu ama hi renghei Reng leh rōngpuhei Rōngpu kha kae.”

ṬONGPHÔNG 19:1

Khava sōa marvâna inphut mipui katamtak hei rasa inhnaktak kapōa kathei, “Hallelujah! Hukmanhringna, lûrna, khana ratha hratna ni-Pathen ta kae!

ṬONGPHÔNG 19:6

Khava sōa mipui katamtak rasa kapōa tôngtui rasa kapō, khōjang kapōk, khō inri rasa kapō ke’n katheia hing’hin ahri, “Hallelujah! Ajârchu ni-Pathen Akahratpen Rōngpu kha Reng kae!

ṬONGPHÔNG 20:4

Khava sōa len in-ongna hei leh achunga a’n-ong hei kha ṭong tanna sik ratha antapek hei kha kahmu. Khan nôk chu Jesu tamalârsōt ṭongdik leh Pathen ṭong jâra antathat hei rathla kha’m kahmua kae. Anmani’n ranhring limsyem kha leikamuk mak hei, khan chu achîkna kha’m anmachea achanga ankut chunga achanga mazet mak hei. Anmani’n kum 1,000 Christa leh reng kapōa vai antarônsap sik a hong kahringsōt hei.

ṬONGPHÔNG 8:12

Khava sōa ngeva 4 tlukna khan apengkun atum jo. Kani leh thla khana ârsi sem thuma sem khat asuk manset jo, khava jâra anvârna kha sem thuma sem khat inhmang jo; khang’khan sûn leh jân sem thuma sem khat kajing joa kae.

ṬONGPHÔNG 9:1

Khava sōa ngeva 5 tlukna khan apengkun atum jo. Marvâna inphut raleichunga ârsi inkhat ajōngkatla ke’n kahmu, khava hnenga khan adongna kase dôpkhur chabi anpek a kae.

ṬONGPHÔNG 9:13

Khava sōa ngeva 6 tlukna khan apengkun atuma, Pathen ângshunga a’ntung sana maichâm rakir 2 a inphut rasa inkhat ke’n kathei.