ṬONGPHÔNG 10:5 - LEKHARABU INTHENG (BSI)

⁵ Khava sōa tuipui leh tlâng akoptō chunga kangir marvân ngeva kaleihmu khan akut changting kha marvânting akalânga

ṬONGPHÔNG 10:5 ပူးပေါင်းရင်းမြစ်များ

A’NPHUTNA 14:22

Abram in amasôn, “Marvân leh ralei kasyem Chunghnung Pathen hmaikunga a’ntep eng kae.

NEHEMIAH 9:6

Khava sōa Israel mipui he’n hiva derna hi anleider: “Rōngpu nang, nang rōk Rōngpu che; marvâna ârsihei leh nang in marvânhei khana bōirōk a ârsihei nasyem hei. Nang in ralei leh tuipui khana ashunga aka-om rakip nasyem hei; nang in ankhenga hringna kha napek hei. Marvân ratha kanei he’n inkun heia nang ankamuk che.

HLAHEI 146:5

Anmani inthōpui sik a Jacob Pathen akaneihei khana an-Pathen Rōngpu hnenga a’nngai hei,

SŌKSŌT 20:11

Ni 6 shunga Rōngpu Ke’n raleichung, bōirōk, tuipui, khana anshunga ka-om rakip kaleisyem hei, tâk ni 7 ning khan chu châm le’nhngat eng. Khava jâra Rōngpu ke’n Châmhngat kani kha mahâmṭhat kapek khana a’nthenga kasyem jo kae.

SŌKSŌT 6:8

Ke’n Abraham, Isaac leh Jacob hei hneng pek sik a kalei intepna ram a khan nangni kaṭhōi sik chei; khana khavakha nanta-akachang sik a kapek sik jo chei. Kei Rōngpu eng kae.”

EZEKIEL 20:15

Khava jâra nêrdiram a an-omlai ke’n khava ram kahao leh ram thai omna, heirakip a akaṭhapen ram a khan anmani ṭhōi manhlut mak hei ning tia le’ntep jo eng.

EZEKIEL 20:23

Khava jâra nêrdiram a intepna ather kaleisyem. Raleichung hmun rakip a anmani kathek manchai sik heia le’ntep eng.

EZEKIEL 20:28

Ke’n anmani pek sik a kalei intepna ram a khan kaheiṭhōi hei. Anmani’n bung inshâng leh thingkung ka-êm anhmu pha, khahei rakip hnenga inthoina antōk a kae. Anmani inthoina tōkna leh inthoina sik a anju heichoi khan kahnuk anmannat a kae.

EZEKIEL 20:42

Nanpu sōnhei hnenga pek sik a ka’ntepna Israel ram a khan kaheiṭhōi male chei pha, khava sōa kei Rōngpu eng kae tia nanmanhret sik jo eng.

EZEKIEL 20:5

Heimo kahri kha hripek hei roh. Ke’n Israel hi kakadeisōt pha, intepna inkhat kamannei hei. Kei Egypt a anhnenga inlâr eng khana kamanthei hei: Kei hi nan-Rōngpu Pathen eng kae kalei ti.

EZEKIEL 36:7

Chunghnung Rōngpu ke’n ka-ôrtak a a’ntep eng kae, akimvea jât-hei hi suk manhnem sik hei kae.

EZEKIEL 47:14

Ke’n ka-ôrtak a nanpu sōnhei hneng hiva ram hi pek sik heia le’ntep eng; tûnchu nankâra in-anghrep a insem jo ruh.

DANIEL 12:7

Ngeva khan akut 2 marvânting akalânga, Kumleikō Pathen rahminga intepna anei jo. Ama’n hinga ahri kha ke’n kathei, “Hivahi kum 3 leh thla 6 sik kae. Pathen mihei suk manrimna kha a’nchai leh, hihei rakip hi ahei kasōk sik kae.”

ṬŌNTLOHEI 14:15

“Heisik a mo hivahi nantatlo? Keini’m nangni kapōa mihring inkhat-hrep ung kae! Keini hi marvân, ralei, tui-ôngpui leh ashunga ka-om rakip kasyempa, akahring ṭhak Pathen sik a, hnemna kase neinâk heia inphut nan-inhesōtna sik a, Ṭong kaṭha kaphôngsōt sik a hiva hmun a akahong ung kae.

ṬŌNTLOHEI 17:23

Nankhōpuia hin kalônle enga nankamukna hmunhei ka-en in, maichâm inkhat chunga, ‘Manhret lo Pathen hneng’ tia a’nzet kahmu sōt. Kamuk chu nantakamuk a, manhret chu manhret lo chei, khava Pathen kha tûnhin nanhnenga kaphôngsōt kae.

ROMANHEI 1:20

Pathen in vânhnōi asyem bia inphut, hmit a hmutheilo atorna, ahei tik a aratha neina leh apathen changna arachak kha inthengtak a inhmua kae; khahei kha Pathen kutsyem neinâk heia inphut inhret tor heia kae. Khava jâra khava mihei kha an-inphesōtna sik heite neimak hei!

DÂNRABU INHNINA 32:40

Akahring khet Pathen kachang jâra, Kakut kakalâng khana intep enga

HEBREWHEI 6:13

Pathen in Abraham hneng ṭong a’ntepna khan, aṭong intep kha atlosōt sik a ṭong intepna inkhat anei. A’ntep pha khan, ama kanek a akalen a-om mak jâra abibinga arahming apan a kae.

ṬONGPHÔNG 1:18

Kei akahring ṭhak inkhat eng kha kae! Kei leikathi eng, tâk tûnchu are-rea sik a kahring jo eng. Ke’n thina ram chunga leh thina chunga torna ratha kanei.

ṬONGPHÔNG 10:2

Akut a lekha inze inhlang kasintek inkhat ka-om. Ama’n ake changting tui-ôngpui achōna, ake veiting raleichung achōn,

ṬONGPHÔNG 14:7

Ama rasa inhnaktak a ka-ônga, “Pathen ṭit ruh, alenna choi manshâng ruh! Ajârchu ama’n mihringhei ṭong atanna sik pha kha kahong jo. Khava jâra marvân, ralei, tuipui leh tuiri kapût kasyempa kamuk ruh!” atia kae.

ṬONGPHÔNG 16:17

Khava sōa ngeva 7 tlukna khan athlengkam kha bōirōk chunga abun mathlâk jo. Khava pha Bek-inn shunga len in-ongna inphut rasa inhnaktak inkhat in ahri, “Hi intlo jo!” ati.

ṬONGPHÔNG 4:11

“Kan-Rōngpu leh kan-Pathen! Lûrna leh kajana, khana ratha hratna kachen sik a narahōi kae. Ajârchu nang in heirakip nasyem, khana nalungdoa hringna leh hringkhō napek heia kae,” anti.

ṬONGPHÔNG 4:9

Ranhring 4 hei kha’n kumleikōa akahring ṭhak len in-ongna chunga a’n-ongpa hneng choi ka-ânna, kajana, manpâkna hla ansak a kae. Khanga ansak pha,