ṬONGPHÔNG 1:9 - LEKHARABU INTHENG (BSI)

⁹ Kei nansōpui John eng kae khana Jesu Christa kajuile inkhat a kei hi nangnihei chen neipui, ama rengram mihei chunga inrengna ajongtlung pha dehrattak a akathōkpui eng kha kae. Jesu taphôngsōt ṭong kadik kha leh Pathen ṭong kha ke’n kahri manthang jâra Patmos inti tuikekhuma kei anleikhum eng.

ṬONGPHÔNG 1:9 ပူးပေါင်းရင်းမြစ်များ

MATTHEW 20:23

Ama’n anhnenga, “Kadik, nangni’n kakōklei khachu nan-in sik; tâk kachangtinga leh kaveitinga in-ongna sik kadeina ratha neimak eng. Khava hmun khachu kapa’n amantluk pek hei tachen sik kae,” ati.

MARK 10:39

“Kantor sik,” tia anmasôn. Jesu’n anhnenga ati, “Nangni’n kei ta-in nger sik kōklei kha nan-in sik khana katuihlut nger sik kapōa kahlut sik chei.

JOHN 16:33

Nangni kei leh ni’nchuna inphut lung mōngna nanneitheina sik hivahi kahri pek chei kae. Vânhnōi in nangni khōdeng anmanthei sik che. Tâk nanmalung manngam ruh! Ke’n raleichung hi kator jo kae!”

ṬŌNTLOHEI 1:15

Kanikhō ṭhahrep sōa, akataksen ankhenga 120 kapō intûpna leika-om, khana ṭong kahri sik a Peter leikangirsōt.

ṬŌNTLOHEI 14:22

Takkasenhei kha anmanhnet hei khana kadik a an-om ṭhakna sik a mathokna anleinei hei. “Pathen Rengram hlutna sik a khōdeng theina hingja nide nger sik kasōk,” tia anleimanthei hei.

ROMANHEI 8:17

Eini Pathen sa nichang jo jâra, amihei sik a ada mahâmṭhatna khana Christa sik a ada mahâmṭhatna kha’m nichensap sik jo; ajârchu tûn eini’n Christa inrengna kha nidepui inchu, alûrna kha’m nichenpui sik kae.

ROMANHEI 8:25

Tâk-kha hmumak chunga a’nhōr me achang inchu, khava sik a dehrat leh inṭhōia nihngâk kae.

CORINTHIANHEI INHNINA 1:7

Khava jâra nanchunga kan-inhōrna heitikchena enum inhling mak; kankhōdeng theina nantatheipui ung kapōa, inthōpui kanchenna shunga hinum nangni’m chen nantanei kae ti kanmanhret.

PHILIPPIANHEI 1:7

Kamalung shunga nangni ka-om ṭhak chei! Nangnihei seng hinga kamandon sik chei hi kei sik a akadikpen kha kae. Ajârchu ṭong kaṭha hrungna sik leh kahnet a phunsōt theina sik tuna kurkhum a ka-omlaia leh masōa kalei omlai, Pathen tapek eng pha kaṭha kha nangni nankhenga nanchenpui enga kae.

PHILIPPIANHEI 4:14

Tâk-kha kakhōdeng theina nanta’nthōpui eng hi nangni ṭhatnatak kha kae.

THESSALONIANHEI INHNINA 3:5

Rōngpu khan’ Pathen lungsetna manhret thei chetna leh Christa tapek chei dehratna shunga hlam keichei rasoh.

TIMOTHY INHNINA 1:8

Ni-Rōngpu sâkhi sik a inzak mak roh; khana Christa sik a kurkhum a ka-om kei sik um inzak mak roh. Khava kanek a, ratha ngarna Pathen in apek che dungjuia, Ṭong kaṭha sik a inrengna nachen kha inlo jôk roh.

HEBREWHEI 10:36

Pathen ṭongtep chenna sik leh alungdo tlona sik a nantadehrat sik arangei.

PETER INKHATNA 5:1

Upa inkhat kachang ke’n nangni bekrup upahei hneng kahei ngek chei kae. Christa khōdeng theina inchênna akahmu kha kei eng kae, ahong inlâr sik lûrna kha ke’n chen kanei sik jo. Nanhnenga kangek chei,

ṬONGPHÔNG 1:1

Jesu Christa’n aphôngsōt omchenhei mazetna kha hiva lekharabu hi kae. Inrangtak a ahong kasōk sik omchen kha asōk-hei hneng manhmuna sik a hiva phôngsōtna hi ahnenga Pathen in aleipek kae. Christa’n asōk John hnenga angeva ajōng tira hiva omchenhei hi aleimanthei,

ṬONGPHÔNG 1:2

khana John in aleihmu rakip kha aleihrisōt. Pathena inphut ṭong leh Jesu Christa’n akadik aphôngsōt chungchânga ama thangkōina kha hi kae.

ṬONGPHÔNG 1:4

Johna inphut Asia ram bekrup 7 hei hneng: Aka-om, aleika-om, alaka-om sik Pathena inphut leh alen in-ongna hmaikunga ka-om rathla 7 heia inphut,

ṬONGPHÔNG 1:6

khana a-Pathen leh a-Pa inzen sik a rengram thempuhei amanchang jo me. Jesu Christa kha are-rea ratha kahrat leh akalûr changṭhak rasoh! Amen.

ṬONGPHÔNG 11:7

Khana anmani’n anṭongsem kha anhrilesō pha, adongna kase dôpkhura inphut ahei kasōk ranhring kha leh re intuk sik jo hei. Ranhring khan anmani ator sik heia kha athat sik hei,

ṬONGPHÔNG 12:11

Nisōpuihei talei phôngsōt kemōngte thisen leh dikna khan ama kha aleitor jo; khana anmani anhringkhō phesōtna leh thina sik katlunga le’ntluk hei.

ṬONGPHÔNG 12:17

Khava pha rihren kha nuhmeinu chunga khan ahnuk kana chet joa, Jesu ṭongdik malâr leh Pathen ṭongpek kajui taksenthei kachang, amanu sōnhei chunga re katlo sik a kasōk joa kae.

ṬONGPHÔNG 13:10

Sur sik a ka-om mi kha sur nger sik kae; khan chu chemjâm vâng that sik a ka-om mi kha chemjâm vâng that nger sik kae. Hivahi Pathen mihei khan antaksenna leh andehratna sik arangei kae.”

ṬONGPHÔNG 14:12

Jesu kataksenhei leh Pathen ṭongpek kajuihei, Pathen mihei dehratna sik a hivahi arangei kae.

ṬONGPHÔNG 19:10

Ama inmuk sik kei akekunga inkun jo eng, tâk ama’n kahnenga ahri, “Kha tlomak roh! Ke’m nang leh khana Jesu tamalârsōt akadik intu inhnet hei seng leh a’n-ang, sōk inkhat eng kae. Pathen jôk kamuk roh!” Ajârchu Jesu tamalârsōt akadik kha sânkathemhei manhlimna kapek kha kae.

ṬONGPHÔNG 20:4

Khava sōa len in-ongna hei leh achunga a’n-ong hei kha ṭong tanna sik ratha antapek hei kha kahmu. Khan nôk chu Jesu tamalârsōt ṭongdik leh Pathen ṭong jâra antathat hei rathla kha’m kahmua kae. Anmani’n ranhring limsyem kha leikamuk mak hei, khan chu achîkna kha’m anmachea achanga ankut chunga achanga mazet mak hei. Anmani’n kum 1,000 Christa leh reng kapōa vai antarônsap sik a hong kahringsōt hei.

ṬONGPHÔNG 3:10

Ajârchu nande hratna sik a kaṭong pek chei kha nanjui, raleichung mi rakip enmansinna sik a, vânhnōi pumpui chunga malung inrimna ajōng katlung sik a inphut kahuksōt sik chei.

ṬONGPHÔNG 6:9

Khava sōa kemōngte khan 5 tlukna achîkna intat kha asuk khōia amahlang. Pathen ṭongkahri inthanglele, ansâkhi tlona chunga taksenthei kachang, anta leithat jo hei rathlahei maichâm thōia an-om kha ke’n kahmu.

ṬONGPHÔNG 7:14

“Apu, ke’n manhret mak hei eng. Nang in namanhret hei,” tia kamasôn. Khana ama’n kahnenga ati, “Hiva mihei hi suk manrimna inphut a kahringa akahong hei kha kae. Anmani’n kemōngte thisen vâng anpōnsi anta’nsôp inthenga antamanchek jo hei kae.