ṬONGPHÔNG 1:5 - LEKHARABU INTHENG (BSI)

⁵ khana taksen ka-om sâkhi kapek akathia inphut ahma inkeipena keimathōi sik khana ralei renghei vaikarôn Jesu Christa a inphut maritna leh lung mōngna nanta chang rasoh. Ama’n alungset me, khana ama a’ntōksōt a athia khan eini nisetna heia inphut ning leh hnōma amasō jo me,

ṬONGPHÔNG 1:5 ပူးပေါင်းရင်းမြစ်များ

HLAHEI 51:2

Kaṭhat makna hi asôp manthengpek roh, khana kasetna inphut amantheng seng roh.

HLAHEI 72:11

Rn rakip ahmai kunga inkun sik hei, jât rakip in ama anrazen sik.

HLAHEI 89:27

Ke’n ama kha kasapa ahma inkei, reng rakip kâra, akalenpen kamanchang sik.

ṬONGCHÎK-HEI 14:5

Taksenthei kachang sâkhi khan ahei tik a akadik ahri, tâk taksenthei kachangmak khan chu maleisei tei loa heite hrimak.

ISAIAH 55:4

Ke’n ama kha jât-hei hlamkakei leh ṭong kapek inkhat a kasyem kae, khana ama a inphut ke’n anhnenga karatha neina kamalâra kae.

DANIEL 2:2

khava jâra ama’n rahmang kha akahri inchên sik a kutje ka-en hei, dôi kathemhei, inralak katlohei kha aleibek hei. Anmani anhong leh rengpa hmaikunga anngir pha,

DANIEL 7:14

Ama kha phung leh jât ṭong rakip in anrazenna sik ama kha ratha neina, kajana khana reng ratha kha anpek jo. Ama ratha neina kha ahei tik a ka-om sik, khana arengram ahei tik a bângmak ning.

LEVI-DÂN 13:58

Nat kopna kha asôp a akopna kha a’nhmang jo’nchu, avea asôp nôk sik kae, khan bekdân dungjuia a’ntheng sik kae.

ZECHARIAH 13:1

Akahratpen Rōngpu’n ahri, “Khava pha kha ajōng tlung pha, David sōn leh Jerusalema ka-om mihei setna leh limsyem kamukna kha mantheng sōtna sik tuihnâr inkhat jōng kasōksōt sik.

MATTHEW 20:28

Mihring Sapa kapōa, mi tarazen sik a changloa, mi inzen sik jôk leh mi katamtak intlensōt sik a ahringkhō kapea akajōng kapōa khan atlo sik kae.”

MATTHEW 28:18

Jesu anhnenga kahonga ahri, “Marvân chung leh raleichunga ratha neina rakip anipek jo.

JOHN 13:1

Hivahi Rakan Kût mak hma kani kha kae. Jesu’n hiva ralei hi adahlona Pa hneng ase sik pha hong kahnai jo ti amanhret jo. Ama’n hiva raleichunga ami kachang hei kha ahei tik a alungset hei, khan chu a’nchaina katlunga anmani amalung kase hei.

JOHN 13:34

Khana tûn ke’n nangni ṭongpek ther kapek chei kae: khat leh khat inlungset ruh. Ajârchu ke’n nangni kalungset chei kapōa, nangni khat leh khat a’nlungset nger sik chei kae.

JOHN 15:9

Pa’n kei alungset eng kapōa, ke’n nangni kalungset chei; kalungsetna cheia khan omṭhak ruh.

JOHN 18:37

Khava jâra Pilate in ama ader, “Khan chu nang reng inkhat che mo?” Jesu’n amasôn, “Nang in kei reng inkhat che nati eng. Hiva akadik inkhat akahri sik jâra kei ajōng inte enga raleichunga akajōng eng kae. Akadik a ka-om seng khan kaṭong anrangei.”

JOHN 3:11

Kadiktak a kahri pek che kae. Keini’n kanta manhret kha kanmanthei chei, kantahmu kha kanhri pek chei, tâk nangni inkhatbek in kanṭong hri lohnōm mak chei.

JOHN 3:16

Ajârchu Pathen in vânhnōi ralei hi hingtuk hrep alungset jâra Asapa inkhat rōk kha apek jo, tu achang inum ama kataksen kha thimak ning, tâk kumleikōa hringna anei sik kae.

JOHN 3:32

Ama’n ahmu leh athei ṭong kha ahri, tâk tûte’n aṭong lopek mak hei.

ṬŌNTLOHEI 20:28

Khava jâra nanbing et leh Rathla Intheng in nankut chunga anganse jo chei rup-hei hi kaṭhatak a ching jo hei ruh. Asapa thisen jâra atâ amanchang jo, Pathen Bekrup sik akemōng kakhem chang ruh.

ṬŌNTLOHEI 26:23

Ti chu Messiah kha khōdeng theina athōk nger sik, thina inphut akathōisōt hma inkeipen akachang sik khana Jehudihei leh Jât-hlop hei hneng hukmanhringna vâr akaphôngsōt sik kha kae.”

ROMANHEI 3:25

Mi’n ama antaksen jâra, athisen vânga mihringhei set rangei mandam theina achangna sik, Pathen in ama aleitōksōt jo. Ama kadik ti kha manhmuna sik Pathen in hi atlo kae. Hmalai khan chu Pathen in mihei setna kha inhmu hlemsak a aleidesôt a kae; tâk tûnlai chu adikna kha manhmuna sik a ansetnahei kha a-enmansin jo. Hing’hin ama abingkhet a akadik kae khan chu mi rakip Jesu kataksenhei kha amandik jo hei ti kha Pathen in amalâr.

ROMANHEI 8:37

Emak, khahei seng chunga khan, ani’nlungset ama jâra pui katluk torna kha nichen jo!

CORINTHIANHEI INKHATNA 6:11

Nangni ṭhahrep chu khahei kapō leikachang chei, tâk nangni chu setna inphut mantheng jo chei kae; Pathen hneng a’npesōt jo chei kae; Rōngpu Jesu Christa leh ni-Pathen Rathla khan nangni chu Pathen leh amandiksap jo chei kae.

GALATIANHEI 2:20

akahring hi kei emak jo eng, tâk kashunga akahring Christa kha kae. Tûna hringkhōa kahring hi, ani’nlungset a ahringkhō kei sik a anileikapek, Pathen sapa taksenna jâra akahring eng kae.

EPHESIANHEI 2:4

Tâk-kha Pathen maritna me leh alungsetna me hingtuk hrep kalen,

EPHESIANHEI 5:2

Christa khan eini alungset mea, Pathen malung tlaina marim katui tōkna leh inthoina inkhat kachanga ama abinga eini sik jâra anpek sōt kapōa nangni um lungset in ching chei rasoh.

DÂNRABU INHNINA 18:2

Phung ralak-hei kapōa anmani ram neimak hei ning; Rōngpu intepna kapōa, anmani chen khachu Rōngpu thempu changna ahnemna kha kae.

DÂNRABU INHNINA 23:5

Tâk Rōngpu nan-Pathen in Balaam tahri kha rangei pek mak; khava kanek a hâksêrna kha mahâmṭhat amanchang pek chei, ajârchu nangni alungset cheia kae.

DÂNRABU INHNINA 7:8

Tâk Rōngpu’n nangni alungset chei khana nanpu-nanpahei hnenga ale’ntepna kha hme asō hnōm. Khava jâra aratha hratna vâng ahuksōt cheia Egypt rengpa sōk changna inphut ahei masōsōt chei kae.

COLOSSIANHEI 1:18

Ama hi ataksa, bekrup lu kha kae; ama hi ataksa hringna kung kha kae; ama’n heirakip chunga hma inkeipen hmun kha achen theina sik, thina inphut keimathōi Sapa hma inkeipen intet kha kae.

TIMOTHY INKHATNA 6:13

Heirakip hnenga hringkhō kapek Pathen hmaikunga, Pontius Pilate hmaikunga ataksenna kahnettak a kahrisōt Jesu Christa hmaikunga, ke’n nang ṭong hi kapek che kae;

TIMOTHY INKHATNA 6:15

Rōngpuhei Rōngpu, Renghei Reng, mahâm kaṭha leh vaikarôn inkhat rōk, ama jōng inlâr sik kha Pathen in aphahrep a ajōng tlosōt sik a kae.

HEBREWHEI 10:29

Kha achang inchu, Pathen Sapa kahnōise hei sik hei mo kachang sik? Khava anset manthengna kapek Pathen intepna thisen kha mankabeitek a akalo hei sik? maritna Rathla manzakna kapek hei sik? Khahei kha heituk-hrep akakhe karâkna mo anrahōi akachang sik mandon ruh!

HEBREWHEI 9:14

Hivahi adik inchu, Christa thisen rarap khan chu heituk akakhe chet a ṭōn achai sik jo mo! Kumsôt Pathen Rathla a inphut Christa kha pui katluk tōkna kachanga Pathen hneng abinga inpek sōt jo. Akahring Pathen kha nirazen theina sik, athisen khan eini mandon ṭhen theina kha hnemna kase bekdâna inphut amantheng pek sik me.

PETER INKHATNA 1:19

khavakha masetna kase leh nōrna kase kemōngte inkhat kapō, mankatamtak Christa inpek sōtna kha kae.

JOHN INKHATNA 1:7

Tâk-kha ama vâra a-om kapōa, eini vâra aka-om nichang inchu, eini inkhat leh inkhat a’nloikhôm me kae, khana asapa Jesu thisen khan setna rakip a inphut asôp mantheng jo me kae.

JOHN INKHATNA 4:10

Lungset kha hi kae: eini’n Pathen nilungset jâra changloa, ama’n eini alungset mea nisetnahei rangei mandam theina sik a Sapa kha ajōngtir kha kae.

ṬONGPHÔNG 11:15

Khava sōa ngeva 7 tlukna khan apengkun kha atuma, marvân chunga rasa inhnaktak kasōk a ajōng hri, “Vânhnōi raleichunga vairônna ratha kha tûnchu ni-Rōngpu leh ama Messiah ta kachang jo, ama’n are-rea vai arôn sik jo kae!”

ṬONGPHÔNG 11:3

Khana khava kani 1,260 shunga Pathen ṭong thangkōi kahri inthangle sik, bora pōnse kasi sâkhi 2 ke’n kahei tir sik hei.”

ṬONGPHÔNG 17:14

Anmani’n Kemōngte kadōia re antlo sik; tâk Kemōngte leh abeksōt hei, akadei hei leh akataksena akajui he’n antor sik hei, ajârchu ama hi renghei Reng leh rōngpuhei Rōngpu kha kae.”

ṬONGPHÔNG 19:11

Khava sōa marvân inhlânga, shakor kabang inkhat aka-om ke’n kahmu. Achunga kachōngpa kha Akadik leh Taksenthei inti; Ama’n akadik vâng ṭong atana, are kha atuk a kae.

ṬONGPHÔNG 19:16

Apōn chunga leh arakō chunga: “renghei Reng leh rōngpuhei Rōngpu,” inti rahming inzet a kae.

ṬONGPHÔNG 2:13

Na-omna hmun kha Seitan len in-ongna hmun achang kha ke’n kamanhret. Taksen ka-om tak kasâkhi kachang Antipas kha, anleithat katlunga nataksenna eng nang in masō mak chea kei sik a akadik kachang che.

ṬONGPHÔNG 3:14

“Laodicea bekrup ngeva hneng hi mazet roh: “Hivahi Pathen kutsyem, heirakip kungpui, akadik sâkhi leh taksen ka-om tak Amen a inphut ṭong kha kae.

ṬONGPHÔNG 7:14

“Apu, ke’n manhret mak hei eng. Nang in namanhret hei,” tia kamasôn. Khana ama’n kahnenga ati, “Hiva mihei hi suk manrimna inphut a kahringa akahong hei kha kae. Anmani’n kemōngte thisen vâng anpōnsi anta’nsôp inthenga antamanchek jo hei kae.