ṬONGPHÔNG 1:16 - LEKHARABU INTHENG (BSI)

¹⁶ Ama’n akut changting ârsi 7 achoi, khana abei shunga inphut alang hnia kangei chemjâm inkhat heikasōk a kae. Ahmaisō kha sûnṭim kanivâr kapōa kavâr.

ṬONGPHÔNG 1:16 ပူးပေါင်းရင်းမြစ်များ

JOB LEKHARABU 38:7

Khava kani jîngkâra khan ârsihei kha inchun heia hla ansak sōm, marvân mihring he’n inpâk a ka-ông hei.

HLAHEI 45:3

Nakhōna chemjâm invon kaṭha roh, rengkalen; nang chu akalûrpen leh kaja ka-ompen che kha kae.

HLAHEI HLA 6:10

Ahmit en in jîngkâr vâr ra-âng kapōnu hi tu mo kae? Kani leh thla vâr in anta hongsat kapōa ama kha ahme kaṭha khana kavâr.

ISAIAH 11:4

Ama’n sara khōdeng katheihei ṭong kaṭha atan sik, khana inthōpui kase hei dikna kha ahrung pek sik hei. Ama ṭongpek kha mihei karâkna apek sik hei, khana mikaṭhamak kathi sik hei.

ISAIAH 24:23

Thla kha inthim sik jo, khana kani kha’m vârmak jo ning, ajârchu Chunghnung Rōngpu kha Reng kachang sik jo. Ama Zion Tlâng chunga Jerusalema vai arôn sik jo, khan chu mipui hlamkakei he’n alûrna kha anhmu sik jo.

ISAIAH 49:2

Ama’n kaṭonghei kha chemjâm kangei kapōa asyem hei. Ama kut khet vâng ahrung eng. Ama’n akangeijap, hmang sik a mantluksa the inkhat kapōa asyem eng.

DANIEL 12:3

Hlamkakei kasinghei khan marvân vârna rakip leh heikasōk sik jo hei. Khana akaṭha tlona sik a mi katamtak hnenga mantheina kaneihei kha ârsihei kapōa ahei tik a ka-om sik jo hei.”

DANIEL 8:10

Ama’n marvân remihei, ârsihei, inrepuina sik pui katluk a ratha aleinei, ama’n ṭhahrep hei chu raleia ajōng hlon mathla heia ake vânga achōnpha hei.

MALACHI 4:2

Tâk-kha kei ani kajui nangni sik a chu, kei hukna rathahrat nanchunga kanisat kapōa kasōk sik khana kani ra-âng kapōa damna apek sik chei. Serōnga inphut sehratte masōsōt kapōa inpâk a kasōksōt sik jo chei.

MATTHEW 17:2

Anmani’n khanga anlei enlai Jesu kha ahme hong-inthleng jo: ahmaisō kha kanivâr kapōa hong kavâr, apōnsi kha hongkachek hlak jo.

ṬŌNTLOHEI 26:13

Khava sik a kasena hlam a sûnṭimtak a, Eh Akalûrpen reng, kani nek a akavâr inkhat in thangvâna inphut kakimve leh ka’nṭhōipui hei seng aleikake khum ung.

EPHESIANHEI 6:17

Rathla tapek chei Pathen ṭong kha chemjâm kapōa, khana hukmanhring kha lukhu inkhat kapōa rahlâng ruh.

HEBREWHEI 4:12

Pathen ṭong chu akahring leh akatlotheitak kha kae, chemjâm lang hnia kangeitō kanek a kangei. Hinahin heirakip a-âttan, nirathla leh anikaching rathla insuktōna khana ru leh rathling insuktōna katlunga a-ât tantora kae. Hivahin mihring malung mandonna leh rangeina a-ensina kae.

ṬONGPHÔNG 1:20

Nang in kakut changtinga kachoi ârsi 7 leh thaihmei matungna kung 7 sana vâng a’nsyem nahmuhei takhing a’nthup khachu: ârsi 7 kha bekrup 7 hei ngevahei kae, khan chu hmeivâr kung 7 hei kha bekrup 7 hei kha kae.

ṬONGPHÔNG 10:1

Khava sōa ngeva ratha kaneitak ahlop inkhat sumtuk vâng a’ntōm, alu kimvea saisûm takake khum ahmaisō kani ka-ang. Khana ake hmei chopui kapō, marvâna inphut ajōng kaṭum ke’n kahmu.

ṬONGPHÔNG 12:1

Khava sōa marvâna chîk sik kalentak inkhat jōng inlâra nuhmeinu inkhat in kani kha pōn kapōa a’nsia, ake thōia thla, khana alu chunga ârsi 12, lukhua a’nkhua ka-om.

ṬONGPHÔNG 19:15

Abeia inphut chemjâm kangeijap inkhat heikasōk, khan vâng ama’n jât-hei ator sik hei. Ama’n anchunga thir khōnghre inkhat vâng vai arôn sik hei, khana Pathen Akahratpen hnuk natna vomhrui thei-epna vâng vomhrui kha a-ep mathlâk sik kae.

ṬONGPHÔNG 19:21

Shakor chunga kachōngpa beia inphut ahei kasōk chemjâm vâng khan anmani remihei kha athatsō jo hei; khana antaksa kalōng ravōihei kha vahei kha’n torchena ansâk jo heia kae.

ṬONGPHÔNG 2:1

“Ephesus bekrup ngeva hneng mazet roh: “Hivahi akut changtinga ârsi 7 kachoi khana sana thaihmei kung 7 kâra akalôn lele ama ṭong kae.

ṬONGPHÔNG 2:12

“Pergamum bekrup ngeva hneng mazet roh: “Hivahi alang hnia kangei chemjâm kaneipa ṭong kae.

ṬONGPHÔNG 2:16

Khava jâra namalung thleng roh! Kha achangmak inchu, kabeia akasōk chemjâm vâng khan khava mihei intukpui sik nahnenga inrangtak a akajōng sik eng kae.

ṬONGPHÔNG 3:1

“Sardis bekrup ngeva hneng hi mazet roh: “Hivahi ârsi 7 leh Pathen rathla 7 kaneia inphut ṭong kae. Ke’n heimo natlo kamanhret; nang in akahring eng nati ravâng, akathisa nachang ke’n kamanhret!

ṬONGKATANHEI 3:16

Ehud in centimetre 50 akasei alang hnia akangei chemjâm inkhat le’nvon. Achang tinga akhōna pōn thōia amansura kae.

ṬONGKATANHEI 5:31

Eh Rōngpu, nang kadōi rakip kha khang’khan thi hei rasoh. tâk naṭhōn rakip hei khachu kani ahong kasōk kapōa heivâr hei rasoh! Khana khan kum 40 mōngna leikalenga kae.