ṬONGPHÔNG 1:1 - LEKHARABU INTHENG (BSI)

¹ Jesu Christa’n aphôngsōt omchenhei mazetna kha hiva lekharabu hi kae. Inrangtak a ahong kasōk sik omchen kha asōk-hei hneng manhmuna sik a hiva phôngsōtna hi ahnenga Pathen in aleipek kae. Christa’n asōk John hnenga angeva ajōng tira hiva omchenhei hi aleimanthei,

ṬONGPHÔNG 1:1 ပူးပေါင်းရင်းမြစ်များ

HLAHEI 25:14

Rōngpu kha aṭong kajuihei sik a anṭhōn kae, khana anmani leh an-intepna kha amanhnet.

DANIEL 8:16

Ke’n Ulai tuidung rekhat a inphut a aka-ông rasa inkhat kathei, “Gabriel, ama’n ahmu kha heitina mo hripek roh.”

DANIEL 9:21

Khanga kaderlai, hma inkeia hmangtalâra kaleihmu Gabriel kha ka-omna hmun a heikajōnga kae. Khavakha khōhlei inthoina tōkna pha kae.

DANIEL 9:23

Nang in Pathen hneng nangek manphut pha, ama’n amasôn che. Ama’n alungset che, khava jâra amasôna kha akahri pek sik a kei akahong eng kae. Tûn ke’n kahri pek che pha malung kahluttak a rangei roh.

AMOS 3:7

Chunghnung Rōngpu’n asōk sânkathemhei hneng malârna neilo heite inkhat tlohêr mak a kae.

JOHN 12:49

Hivahi akadik kae, ajârchu ke’n kabing ratha neina kahri changmak; tâk anijōng katirpa kapa khan kahri sik kasōk hei kha amanthei eng kae.

JOHN 15:15

Ke’n nangni sōk timak jo chei ning. Ajârchu sōk inkhat in akapu tatlo kha manhret mak; khava kanek a nangni kaṭhōnhei kati jo chei kae, ajârchu ke’n kapa hnenga kathei rakip kha nangni kamantheisō pet jo chei.

JOHN 17:8

Ajârchu nang in napek eng ṭongpui kha ke’n anmani kapek heia, anrahlâng jo; nang in najōngtir enga nanga inphut kei kajōngna ṭong hi kadik tia anmanhret jo.

JOHN 3:32

Ama’n ahmu leh athei ṭong kha ahri, tâk tûte’n aṭong lopek mak hei.

JOHN 8:26

Nanchungchâng ṭonghri sik ka-tamtak kanei khana maset sik chei katamtak ka-om, achang inum anijōng katir ama kha akadik kae, khana ke’n ama inphut a kathei kha vânhnōi kamanthei kae.”

ROMANHEI 16:25

Eini’n Pathen hneng lûrna kha perih! Nangni taksenna kha Jesu Christa chunga Ṭong kaṭha kahrile dungjuia leh khava kum kasôttak ale’nthup a ka-om a’n-ip ṭong kadik a’nphôngsōt dungjuia ama’n kahnet a amanngir tor cheia kae.

GALATIANHEI 1:12

Hivahi tûte’n amanthei mak, khan chu mihring inkhat a inphut a kahmu’m changmak. Hivahi Jesu Christa ama khet in aphôngpek eng kae.

EPHESIANHEI 3:3

Pathen in aṭōn mantluk in-ip kha aphôngpek enga amanthei jo eng. (Hiva chungchânga katôitek a kamazet jo,

TITUS 1:1

Pathen sōk kachang, Jesu Christa sonle Paul a inphut. Pathen takadei mihei taksenna chunga inthōpuina sik, khana nibekṭong mantheina akadik a khan anhlam kakei sik a kei akadei enga atir eng,

ṬONGPHÔNG 1:19

Khava jâra tuna aka-om achanga, hnunga ahong kasōk sik achanga, nang in nahmu heirakip, mazet manhlut roh.

ṬONGPHÔNG 1:9

Kei nansōpui John eng kae khana Jesu Christa kajuile inkhat a kei hi nangnihei chen neipui, ama rengram mihei chunga inrengna ajongtlung pha dehrattak a akathōkpui eng kha kae. Jesu taphôngsōt ṭong kadik kha leh Pathen ṭong kha ke’n kahri manthang jâra Patmos inti tuikekhuma kei anleikhum eng.

ṬONGPHÔNG 17:1

Khava sōa thlengkam 7 kanei ngeva 7 hei kâra inkhat kahnenga kajōnga ahri, “Hong roh, tuidung katamtak hei hnenga a’nsak khōpui kalen, rahming inthang notinu kha, heikhong hrep a karâkna a’npek sik mo ti ke’n manhmu che rong.

ṬONGPHÔNG 19:10

Ama inmuk sik kei akekunga inkun jo eng, tâk ama’n kahnenga ahri, “Kha tlomak roh! Ke’m nang leh khana Jesu tamalârsōt akadik intu inhnet hei seng leh a’n-ang, sōk inkhat eng kae. Pathen jôk kamuk roh!” Ajârchu Jesu tamalârsōt akadik kha sânkathemhei manhlimna kapek kha kae.

ṬONGPHÔNG 19:9

Khava pha ngeva khan kahnenga ahri, “Hi mazet roh: Kemōngte hmōiṭhōina reveia a’nbek mihei kha mikahōihei kae.” Khana ngeva khan ahri nôk, “Hivahi akadik Pathen ṭonghei kha kae.”

ṬONGPHÔNG 21:2

Hmōinu inkhat apuise intō sik a, a’nret a a’ntlukdek kapōa Jerusalem ther, Khōpui Intheng kha marvâna Pathena inphut ajōng kaṭum kha ke’n kahmua kae.

ṬONGPHÔNG 21:9

Ngeva 7 tlukna khan a’nchaina hrise thlengkam 7 kasip phet achoia kahnenga kahonga ati, “Hong roh, ke’n Kemōngte nuhmei sik hmōinu kha manhmu che rong.”

ṬONGPHÔNG 22:1

Khan chu ngeva khan kemōngte leh Pathen len in-ongna inphut hringna tuidung hlungvâr kapōa

ṬONGPHÔNG 22:16

“Jesu, Ke’n, hivahei hi bekrup shunga nangnihei hnenga akahri inthang sik a kangeva kajōngtir jo kae. Kei David innshunga asōn eng kae; akavâr jîngkâr vârpa eng kae.”

ṬONGPHÔNG 22:6

Khava sōa ngeva khan kahnenga ahri, “Hiva ṭong hi akadik leh taksenthei kae. Khana sânkathemhei hnenga arathla kapek, Rōngpu Pathen khan inrangtak a ajōng kasōk sik omchen, asōk-hei manhmuna sik a angeva ajōngtir jo.”

ṬONGPHÔNG 22:8

John, ke’n, hivahei rakip hi kahmu heia khan chu kathei jo hei. Khana khahei kha ke’n katheia kahmu sō pha, hiva omchenhei ani’nhmu ngeva kha, kamuk sik a ake hma inkun eng.

ṬONGPHÔNG 22:9

Tâk-kha ama’n kahnenga ati, “Kha tlomak roh! Ke’m nang leh nasōpui sânkathemhei leh khana hiva lekharabu shunga ṭong kajuihei seng leh a’n-anghrep sōk inkhat eng kae. Pathen jôk kamuk roh!”

ṬONGPHÔNG 4:1

Hiva chungchânga hin marvân kot inkhat a’nhlânga hmangtalâr inkhat ke’n kanei. Khana pengkun mahring rasa kapō inkhat kathei, hma inkeia kahnenga ṭong ajōng kahri khan, “Kahnenga hin hong roh, hnunga ahong kasōk nger sik kha ke’n manhmu che rong,” atia kae.

ṬONGPHÔNG 5:7

Khava kemōngte kha kasea len in-ongna chunga a’n-ongpa kut changtinga lekha inze achoi kha avaloa kae.