TIMOTHY INKHATNA 6:5 - LEKHARABU INTHENG (BSI)

⁵ khana a’ndon theimak hei leh dikna kaneimak hei leh bânglo jena inkhena amannei ṭhak a kae. Anmani’n bekṭong hi haona sik hlam inkhat a anmandona kae.

TIMOTHY INKHATNA 6:5 ပူးပေါင်းရင်းမြစ်များ

ISAIAH 56:11

Anmani kha anvon khop hêrlo ui kalôp inphâm kapō hei kae. Hiva hlamkakeihei hi manhretna neimak hei. Anmani inkhat et in anbing tlaina et antlo khana anbing rōk hnemna sik anjonga kae.

JEREMIAH 6:13

Anmani akasin leh akalen ankhenga malung intheng loa sêr hlona antlo; thempuhei leh sânkathemhei kapha’num mipui anhōn hei.

JEREMIAH 8:10

Khava jâra anhleihei kha akapu ather hei hneng khana annuhmeihei kha pase ahlop-hei hneng kapek sik jo hei. Mi rakip, akalen leh akasin in malung intheng loa sêr jongna sik antlo jo. Sânkathemhei leh thempuhei kapha’num mi anhōn heia kae.

EZEKIEL 33:31

Khana nang in heimo nahri sik antia ṭong inngei sik mi katamtak kahong hei, tâk-kha nang in tlo ruh nati hei khachu heite tlomak hei. Anbeia chu lungset ṭong anhri, tâk-kha an-inphâmna leh anhnemna jong khachu bângmak hei.

MATTHEW 12:33

“Thing kara kaṭha chenna sik akung kaṭha nantanei nger sik kae; thingkung kaṭhamak nannei inchu akara kaṭhamak nantachen sik kae. Thingkung hi akara vâng khan a’nhret kae.

MATTHEW 21:13

khana anhnenga, “Pathen ṭonghri kha ṭong inthenga hing’hin inzet, ‘Kabek-inn kha kamukna inn a’nti sik kae.’ Tâk nangni’n inruhei inthupna inkhat a nansyem jo!” ati.

MATTHEW 23:13

“Nangni Dân ojahei leh Phariseehei heituk a ṭitpek ka-om chei mo! Nangni a’nṭhat hlemsak-hei! Marvân Rengram kot kha mihei hmaikunga nankhârpek hei; nangni nanbinga’m hlutmak chei, akahlut sik a a’ntluk hei um nangni’n nankhâr hei.

CORINTHIANHEI INKHATNA 11:16

Tâk-kha hiva chunga tu inkhat in makhe hnōmna anei inchu, kei tahri sik khachu eini leh Pathen bekrup in kamukna ṭōnhlama chôndân ahlop neimak mea kae.

THESSALONIANHEI INHNINA 3:6

Sōpuihei Rōngpu Jesu Christa rahminga keini’n nangni ṭong kanta heipek chei kae, keini mansena ṭong kajuimak hei, ratha kasea hringkhō kahmang taksenna kaneimak heia inphut a inkâisōt ruh.

TIMOTHY INKHATNA 1:6

Mi ṭhahrep in hinna inphut inhe jo hei khana akamo inkhena shunga hlam invaia ka-om jo hei.

TIMOTHY INKHATNA 3:3

ju inrui mi akachangmak, innâk-inse kakaimak, tâk nunkahōi leh malung kadai akachang sik kae; sêr indu akachangmak sik kae;

TIMOTHY INKHATNA 3:8

Bekrup inthōpuihei kha’m malung intheng leh omchen kaṭha akachang sik hei kae; anmani sêr leh suma phâmrai kase leh ju katamtak ka-in akachangmak sik hei kae;

TIMOTHY INKHATNA 4:7

Hrisōt a rahōi kasōkmak bekṭong kaneimak thuhming heia inphut inkaisōt roh. Pathen tamadu hringkhō hmangtheina sik inthemchûk roh.

TIMOTHY INKHATNA 4:8

Taksa resik inthemchûk hi ṭhahrep ahnemna ka-om, tâk rathlatinga resik inthemchûk hinchu ahlam rakip a kahnem jôk, ajârchu tuna leh hnunga pui katluk hringkhō pek sik a intepna anei.

TIMOTHY INKHATNA 6:6

Kadik, bekṭong hin mi akahaotak manchang mak, mi inkhat in aneihrep kha amalung atlaipui sik inchu.

TIMOTHY INHNINA 3:5

khana avângting rōk nibekṭong kha anmatu sik, tâk aratha neinakhet khachu anhlonsōt sik. Khang khava miheia inphut sesōt roh.

TIMOTHY INHNINA 3:8

Janne leh Jambre in Moses antadōi kapōa, hiva mihei hinum akadik kha andōia kae, anmani kha mandonna kaneimak leh taksenna katlâksam hei kae.

TITUS 1:11

Anmani ṭonghri kha manbâng sik hei kae, ajârchu anmani’n antahri mak sik ṭong anhria innshung rakip anmanchok jo, khana inzakpui ka-om tak a sêr jongna sik anmantluk jo.

PETER INHNINA 2:15

Anmani’n hlam kadik kha andahlona anhlam invai jo hei; ṭōn kadikmak tloa sêr rahlâng sik indu Beor sapa Balaam tahro hlam kha anjui jo,

PETER INHNINA 2:3

Khava mi’nthei kadikmak hei phâmraiset jâra semsōt thuhming antahrina inphut hnemna anjong sik. Aheitik a sik a tûnchu anṭong Katanpa kha intluk jo, khana Ankasuk inhmangpa kha kathōisōt jo.

JUDE 1:11

Anmani sik a heituk-hrep a ṭit aka-om jo mo! Anmani’n Cain kahnung kha antajui kae. Sêr maduna jâra Balaam taleihro setna hlam kha anjui jo. Korah redōi kapōa andōi jâra suk manhmang kachang jo hei.

ṬONGPHÔNG 18:13

khan chu ṭhingṭhe, maru-marâng, ro manhnamna, bero, marim katui; thai, ju, gehu, sâng, sehrat, kemōng, shakor leh gâri, sōk-hei, khana mihringhei katlunga tûte’n rachôkmak jo hei.

ṬONGPHÔNG 18:3

Ajârchu jât rakip in aju kha an-in jo, khavakha ahur leh ajôngna ju kha kae. Raleichung renghei kha’n amanu leh jông leh kîk antlo, khana raleichunga invei katlo he’n amanu hur jâra anhaosō joa kae.”