TIMOTHY INKHATNA 6:16 - LEKHARABU INTHENG (BSI)

¹⁶ Ama rōk akathi theimak kha kae. Tûte tahnai manhlut tor makna vâr shunga ka-om. Ama tûte’n lahmu mak hei; tûte’n hmutorhêr mak hei. Kajana leh ahei tik a vairônna kha atâ changṭhak rasoh! Amen.

TIMOTHY INKHATNA 6:16 ပူးပေါင်းရင်းမြစ်များ

JOB LEKHARABU 37:23

Pathen ratha hratna kha hingtuk kalen, ahnenga hnaitor mak me; ama chu akadik atlo khana einihei chunga aṭong tanna kha kadik.

HLAHEI 104:2

nabinga vâr inkhukhum che. Marvânhei kha Pōn-inn kapōa namazer

HLAHEI 90:2

Hmebunghei naleisyem mak hma, vânhnōi ralei aleiom mak hma, nang chu ahei tik a Pathen che kae, khana kumleikōa Pathen kachang ṭhak sik che.

SŌKSŌT 3:14

Pathen in, “Kei kha Kei eng kae,” ati. “Anhnenga nahri pek nger sik hei khachu, ‘Arahming KEI ENG kati inkhat khan nanhnenga ajōngtir eng kae,’ vati roh,” ati

SŌKSŌT 33:20

Kahmai chu manhmu mak che ning, ajârchu tu inkhat in ahmutor mak ning khana ani kahmu kha’m hringmak ning,

ISAIAH 57:15

“Kei a’nshâng leh a’ntheng Pathen, ahei tik a akahring ṭhak eng kha kae. Kei a’nshâng leh a’ntheng hmun a ka-om eng, tâk a’nsir hei leh a’nsinsak hei, anmani taksenna leh inhōrna kha mannei nôkna sik a, mihe’m ka-omsap pui hei.

HABAKKUK 3:4

Khō inphe kavâr kha leh inṭhōia ama kahong; khava arathahrat inthupna akut a inphut vâr kha heikasōk.

JOHN 1:18

Tûte’n Pathen lahmu phung hêrmak. Pathen leh thakhat akae, khana Pa ângshunga aka-om, Sapa inkhat rōk khan Pathen manhretna amannei me.

JOHN 14:9

Jesu’n amasôn, “Hingtuk pha kasôt nankhenga ka-ompui jo chei; kha’num nantala manhret mak eng mo, Philip? Tu achang inum kei kahmu jo mi khan Pa kha ahmu jo kae. Kha achang inchu heisa mo, ‘Pa kha amanhmu roh,’ nalati?

JOHN 6:46

Tu mo inkhat in Pa kha ahmu jo tina changmak; Pathena inphut a akajōng ama tei loa tûte’n Pa kha lahmu mak.

JOHN 8:58

Jesu’n amasôn hei, “Akadiktak kahri pek chei kae: “Abraham intet mak hma aleika-omsa jo eng kae.”

EPHESIANHEI 3:21

pha rakip a Christa Jesua leh bekrup shunga Pathen kha ahei tik a lûrṭhak rasoh! Amen.

DÂNRABU INHNINA 32:40

Akahring khet Pathen kachang jâra, Kakut kakalâng khana intep enga

PHILIPPIANHEI 4:20

Ni-Pa Pathen kha ahei tik a lûrṭhak rasoh! Amen.

COLOSSIANHEI 1:15

Hmutheilo Pathen kha hmutheia Christa kha kae. Ama kha Sapa hma inkeipen, neinâk insyem rakip kâra chung katōngpen kha kae.

TIMOTHY INKHATNA 1:17

Kumsôt Rengpa, inhmangtik kaneimak leh hmit a hmutheilo, Pathen inkhat rōk, hnenga are-rea lûrna leh kajana chenṭhak rasoh! Amen.

HEBREWHEI 13:8

Jesu Christa khachu jâning, tuning, khana ahei tik a angangai kae.

JAMES 1:17

Kutchoi kaṭha rakip leh kutchoi pui katluk rakip marvâna inphut kae; khavakha marvâna vârhei kasyem, inthlengtik kaneimak khana ahmai amahea inthim insōmak, Pathena inphut kae.

JOHN INKHATNA 1:5

Tûn keini’n asapa inphut kantathei ṭong khana kanta phôngsōt kha hi kae: Pathen kha vâr kae, khana ama hneng inthim inti hi om hêrmak.

JOHN INKHATNA 1:7

Tâk-kha ama vâra a-om kapōa, eini vâra aka-om nichang inchu, eini inkhat leh inkhat a’nloikhôm me kae, khana asapa Jesu thisen khan setna rakip a inphut asôp mantheng jo me kae.

JOHN INKHATNA 4:12

Tûte’n Pathen kha lahmu phung hêrmak, tâk eini khat leh khat ni’nlungset inchu Pathen kha eini inchunna shunga ka-om, khana nishunga alungsetna kha pui amathluk a kae.

JUDE 1:25

ani kahuk inhring Pathen inkhat rōk hnenga, ni-Rōngpu Jesu Christa jâra, lûrna, kajana, ratha hratna, torna ratha kha a’nphutbia inphut tûn katlung, khana are-rea atâ changṭhak rasoh! Amen.

ṬONGPHÔNG 1:6

khana a-Pathen leh a-Pa inzen sik a rengram thempuhei amanchang jo me. Jesu Christa kha are-rea ratha kahrat leh akalûr changṭhak rasoh! Amen.

ṬONGPHÔNG 1:8

Aka-om, aleika-om, alakahong sik Akahratpen Rōngpu Pathen khan, “Kei aphutna leh achaina eng kae,” ati.

ṬONGPHÔNG 21:3

Khana len in-ongna inphut rasa inhnaktak a jōng kaṭong ke’n katheia hing’hin ahri: “Tûnchu Pathen inn kha mihring leh ka-omsap jo! Ama’n anmani a-ompui sik hei, khana anmani ami kachang sik hei. Pathen khet in a-ompui sik hei, khana ama an-Pathen kachang sik.

ṬONGPHÔNG 22:5

Khana khan jân inti om mak jo ning, kanivâr leh hmeivâr rangei mak jo ning, ajârchu Rōngpu Pathen kha anvâr kachang sik jo, khana renghei kapōa are-rea anmani’n vai antarôn sik jo kae.

ṬONGPHÔNG 4:11

“Kan-Rōngpu leh kan-Pathen! Lûrna leh kajana, khana ratha hratna kachen sik a narahōi kae. Ajârchu nang in heirakip nasyem, khana nalungdoa hringna leh hringkhō napek heia kae,” anti.

ṬONGPHÔNG 7:12

“Amen! Choi ka-ânna, lûrna, singna, manpâkna, kajana, ratha hratna, torna, are-rea ni-Pathen ta changṭhak rasoh! Amen!” antia kae.