TIMOTHY INKHATNA 5:4 - LEKHARABU INTHENG (BSI)

⁴ Tâk-kha tu leh sa kanei renghmeinu khachu, atu asahei khan hma inkeia an-innshunga bekṭong dân tlosōt theina sik a’nchû hei sik kae, khang’khan annu anpa, anpi anpuhei leitlo pekna hei kha antamale sik hei kae, ajârchu khavakha Pathen malung tlaina kae.

TIMOTHY INKHATNA 5:4 ပူးပေါင်းရင်းမြစ်များ

A’NPHUTNA 47:12

Joseph in apa, a-u anaihei, an-innshung mi rakip akasinpen katlunga sik sâk leh in aleipek hei.

A’NPHUTNA 47:28

Jacob in Egypt a kum 17 leika-om, akum 147 atluk mak hma seng.

JOB LEKHARABU 18:19

Antusōn tere inkhatbek akahring om mak hei.

ṬONGCHÎK-HEI 31:28

Asa he’n achunga inpâkna anphông, khana apuise’n ahri manṭhat.

ISAIAH 14:22

Chunghnung Rōngpu’n ati, “Ke’n Babylon kabuhlu sik, kasuk manhmang sik. Ke’n heite ṭhenmak ning, naipang inkhatbek um, akahring om mak ning. Rōngpu ke’n, kahri kae.

LUKE 2:51

Khava jâra Jesu’n anu leh apa ṭong ajuina hmun Nazareth khōa anmani leh inṭhōia inle jo.

TIMOTHY INKHATNA 2:3

Hivahi akaṭha kae khana hivahin nikahuk inhring Pathen kha amantlai,

TIMOTHY INKHATNA 5:16

Hmeithai binga aka-om hei kha tinta theina sik heia, akataksen nupui inkhat in a-innshunga renghmeihei an-om inchu, amanu khan a-ensui nger sik hei kae khana bekrup chunga phurhrik kha adamak sik kae.

TITUS 1:11

Anmani ṭonghri kha manbâng sik hei kae, ajârchu anmani’n antahri mak sik ṭong anhria innshung rakip anmanchok jo, khana inzakpui ka-om tak a sêr jongna sik anmantluk jo.

ṬONGKATANHEI 12:14

Ama’n sapa 40, tupa 30, shakōrtung 70 kachōng anei hei. Abdon in Israelhei kum 8 aching hei,

RUTH 2:18

Ama’n ahmu hei kha arôna khōpuia kasea aterpi hneng ava malâr jo. Amanu’n sâk inhlei ahei rôn kha’m ahnenga apek jo.

RUTH 2:2

Ni khat Ruth in Naomi hneng derna aneia, “Hleia sâng kakhôm he’n sapâr antadahlon akahrut sik a vase rong . Kei leh ṭōn anikatlopui sik mi inkhat kavahmu nger sik,” ati. Naomi’n amasôna, “Vase roh, kahmōinu,” ati.