TIMOTHY INKHATNA 4:4 - LEKHARABU INTHENG (BSI)

⁴ Pathen tasyem heirakip akaṭha rōk kae; heite hlonsōt sik om mak; tâk heirakip hi manpâkna derna neisōa rahlâng sik kae,

TIMOTHY INKHATNA 4:4 ပူးပေါင်းရင်းမြစ်များ

A’NPHUTNA 1:31

Pathen in asyem rakip a-ena amalung katlâi hêr jo. Khōhlei kathlenga jîngkâr kahong jo, khava kani kha ni 6 tluk ning kachang jo.

ṬŌNTLOHEI 10:15

Rasa khan avea, “Hei-hei achang inum Pathen in intheng jo tia aphôngsōt jo hei kha a’nthengmak a mandon mak jo roh,” ati.

ṬŌNTLOHEI 15:29

Lim inthoi insânna thlai sâk mak ruh: thisen sâk mak ruh, karâk-hlon ran sâk mak ruh, khana jông leh kîk a inphut nanbinga inting ruh. Hivahei senga inphut nan-inhrungthei inchu akaṭha katlo kha kachang sik chei. Maritna chibei kanhei pek et chei.”

ṬŌNTLOHEI 21:25

Tâk-kha takkasen jo Jât-hlop hei hneng chu limhei hnenga intōk thlai, thisen, a-emak leh a’nrâk-hlon ranhring him-him ansâk makna sik leh jông leh kîk a inphut ani’nhrungna sik ṭong mathlâkna kannei jo ti mantheina lekha kanleitir jo.”

ROMANHEI 14:14

Thlaisâk hi kamukna langa abinga intheng makna om mak ti hi Rōngpu Jesu leh kan-inchunna shunga inchêntak a manhretna animannei eng; tâk mi inkhat in heikhat kha intheng mak tia ataksen inchu, khavakha ama sik a a’nthengmak hong kachanga kae.

ROMANHEI 14:20

Pathen tatlo ṭōn kha sâk leh in vâng suk manset mak ruh. Sâk rakip nisâk thei, tâk hei-achang inum nithlâisâk khan mi inkhat mathlûkna sik achang inchu khava sâk sik kha dikmak a kae.

ROMANHEI 14:6

Kani inkhat kalûra indon mi khan Rōngpu kajana a atlo kae; heirakip kasâk sik mi kha’num Rōngpu kajana atlo kae; ajârchu anmani’n anthlaisâk jâra Pathen anmanpâk a kae. Heikhat kahngōi hei khan Rōngpu kajana antatlo kae, khana Pathen anmanpâk a kae.

CORINTHIANHEI INKHATNA 10:23

Anmani’n anti, “Eini’n heirakip tlo aja.” Khavakha kadik, tâk heirakip akaṭhapet changmak. “Eini’n heirakip tlo aja,” tâk heirakip akahnempet changmak.

CORINTHIANHEI INKHATNA 10:25

Manhretṭhen theina malung nannei jâra ṭongderna kasea jōrtlânga a’njōr hme rakip nansâk theia kae.

CORINTHIANHEI INKHATNA 10:26

Ajârchu ṭong intheng in ahri kapōa, “Raleichung leh ashunga ka-om rakip Rōngpu tahei kae.”

CORINTHIANHEI INKHATNA 10:30

Ke’n kathlâi sâk a Pathen kamanpâk inchu, manpâkna kanei jo thlai chunga khan heijâra mo mi inkhat in amaset sik eng?”

DÂNRABU INHNINA 32:4

“Rōngpu kha ratha kanei nankahrung kae, Atlona rakip a pui katluk leh akadik kae; Nan-Pathen chu taksenthei leh akadik kae; akadik leh akaṭha kha atlo.

TIMOTHY INKHATNA 4:3

Khava mihei khan luhông innei hi dikmak khana thlai ṭhahrep um sâk sik dikmak tia anmanthei hei. Tâk-kha akadik hong inhret hei leh akataksen he’n, manpâkna derna anneisōa antasâk sik a Pathen in khava sâk thei hei kha asyem hei kae.