TIMOTHY INKHATNA 4:3 - LEKHARABU INTHENG (BSI)

³ Khava mihei khan luhông innei hi dikmak khana thlai ṭhahrep um sâk sik dikmak tia anmanthei hei. Tâk-kha akadik hong inhret hei leh akataksen he’n, manpâkna derna anneisōa antasâk sik a Pathen in khava sâk thei hei kha asyem hei kae.

TIMOTHY INKHATNA 4:3 ပူးပေါင်းရင်းမြစ်များ

A’NPHUTNA 9:3

Tûn hihei hi, thingbō rōbō ka-êm hei leh inṭhōia nansâk thei sik hei; ankhenga nansamsâk sik a kapek jo chei kae.

MI INTHEIPA 5:18

Kahmu sōt kha hinahin ka-om: eini’n akaṭhapen nitlo tor sik khachu Pathen in hringkhō kabongtek apek me shunga hin niṭōn tlona kara kha nisâk a ni-inna kahōia aka-om sik me hi kae; hivahi eini mahâm kha kae.

DANIEL 11:37

Reng hin apa-apu hei tarazen pathen khana nuhmeihei talungset pathen kha’m heite donmak ning. Inthenga, ama’n pathen rakip heite sakmak hei ning, ajârchu anmani kanek a kalen chet eng tia amandon sik.

MATTHEW 14:19

Ama’n mipuihei kha phi chunga ani’n-ongna sik ṭong apek hei; khava sōa ama’n buhlom 5 leh nga 2 kha aloa, marvânting a-ena Pathen manpâkna aneia kae. Ama’n buhlom kha har akhōia asonlehei apek hei, asonle he’n mipuihei hneng anleisem pek jo hei.

MATTHEW 15:11

Beia kahlut heikhat khan mi kha beklanga amantheng mak changmak; beia inphut ahei kasōk jôk khan mi kha amantheng mak kae.”

MATTHEW 15:36

Ama’n buhlom 7 leh nga kha aloa Pathen manpâkna aneia, har akhōia asonlehei apek jo hei; asonlehei khan mipuihei kha ansempek jo hei.

LUKE 24:30

Ama anmani leh dokhânga in-onga, buhlom kha aloa, mahâmṭhat apek a, khana akhōia anmani apek hei.

JOHN 6:23

Tiberius a inphut akahong rakōnghei khan, Rōngpu’n Pathen manpâkna apeksōa mipui he’n buhlom ansâkna hmun kha heikatlung jo heia kae.

ṬŌNTLOHEI 27:35

Hivahei ahrisō pha Paul in buhlom ṭhahrep aloa, ankhenga hmaikunga Pathen amanpâk a, har akhōia, khana aleisâk manphut jo.

ROMANHEI 14:17

Heijâra mo niti’nchu, Pathen rengram kha sâk leh in langting khan changmak, tâk Rathla Intheng tapek dikna, intōk inchamna, inpâkna hei hi kae.

ROMANHEI 14:3

Heirakip kasâk thei mi khan anse-hleina rōk kasâk mi kha hmumasi mak rasoh; anse-hleina rōk kasâk hei khan heirakip kasâk hei chunga khan ṭong tanmak rasoh, ajârchu Pathen in ahnōm jo hei kae.

ROMANHEI 14:6

Kani inkhat kalûra indon mi khan Rōngpu kajana a atlo kae; heirakip kasâk sik mi kha’num Rōngpu kajana atlo kae; ajârchu anmani’n anthlaisâk jâra Pathen anmanpâk a kae. Heikhat kahngōi hei khan Rōngpu kajana antatlo kae, khana Pathen anmanpâk a kae.

CORINTHIANHEI INKHATNA 6:13

Mi inkhat nôk in hinga ati sik, “Von sik a bu ka-om khana bu sik a von ka-om.” Kadik; Pathen in an-inhnibât a alamanhmang sik hei. Taksa hi hur leh jôngna sik changmak, tâk Rōngpu razenna sik a kae; khana Rōngpu khan taksa veina sik kha apek kae.

CORINTHIANHEI INKHATNA 7:28

Inn nanei kha setna natlo changmak. Inn lakanei mak nuhmei in puise anei kha setna atlo changmak. Tâk-kha inn kanei he’n ani tina antade sik bōina inphut kaṭhensōt hnōm cheia kae.

CORINTHIANHEI INKHATNA 8:8

Achang ravâng thlaisâk khan eini Pathen leh ni’nmetna mankhangdek mak ning; eini’n nisâk jâra heite hnemdek mak min; khana nisâk mak jâra heite inhmangdek mak min.

COLOSSIANHEI 2:16

Khava jâra heimo nantasâk leh nanta-in chungchânga, kani intheng leh Thlather Revei leh Châmhngat kani chungchânga tûte’n nanchunga dân syem mak rasoh.

COLOSSIANHEI 3:17

Heirakip nanta hri leh nantatlo kha, ama inphut Pa Pathen kha manpâkna, Rōngpu Jesu rahminga nantatlo sik kae.

TIMOTHY INKHATNA 2:4

ama’n mi rakip hukmanhring anchang sik leh akadik anta hongmanhret sik amadu.

TIMOTHY INKHATNA 4:4

Pathen tasyem heirakip akaṭha rōk kae; heite hlonsōt sik om mak; tâk heirakip hi manpâkna derna neisōa rahlâng sik kae,

TIMOTHY INKHATNA 5:14

Khava jâra renghmeinu alakadông hei khachu puise neinôk hei sona, sa nei hei rasoh, an-inn hlō nôk hei rasoh, khang’khan ani kadōihei mi hrimasetna hmun pek mak sik kae.

HEBREWHEI 13:4

Luhông hi mi rakip in kaja hei rasoh, khana apuise leh anuhmei kha khat leh khat taksenthei chang hei rasoh. Mikajông leh omchen kadikmak khachu Pathen in anṭong atan sik kae.

HEBREWHEI 13:9

Akadik hlam a inphut ahlopdet mantheina akadik mak khan ṭhōi mak chei rasoh. Thlaisâk chunga dân jui kha changloa, Pathen maritna shunga ratha a ngarna chen sik kha kaṭha jôk; khana dân kajuihei kha’n inthōpuina heite chendek mak heia kae.