TIMOTHY INKHATNA 4:2 - LEKHARABU INTHENG (BSI)

² Thir kalum tarohlon kapō, mandon ṭhen theina kaneimak hei, malei kasei mikahōn inthla heia inphut khang khava intheina kha ahong kasōk kae.

TIMOTHY INKHATNA 4:2 ပူးပေါင်းရင်းမြစ်များ

RENGHEI INKHATNA 13:18

Khana Bethel a sânkathem katerpa khan ahnenga ati, “Kei um nang kapōa sânkathem inkhat eng kae, khana Rōngpu ṭongpek a ngeva inkhat in kahnenga ahri pek eng dungjuia nang hi ka-inna kaṭhōi chea sâk leh in pek sik chea ahei tir eng kae.” Sânkathem katerpa khan maleiseia ahri kae.

RENGHEI INKHATNA 22:22

Rōngpu’n ader, ‘Heikhonga mo?’ Rathla khan amasôn, ‘Kei kase sik eng, Ahab sânkathem rakip akadik mak kamanhrisōt sik hei.’ Rōngpu’n ahri, ‘Se roh. vahōn jo roh. Nang in nator sik,’ ati.”

ISAIAH 9:15

Kater leh kaja ka-om mihei kha aluhei kae, khana sânkathem maleisei kahri hei kha arahmei hei kae.

JEREMIAH 23:14

Tâk-kha Jerusalema sânkathem he’n akaset chet antlona kha kahmu jo: kajông heia maleisei ṭong anhri; akadik mak tlona kha tûte inkhat in anbâng makna sik, akadik mak tlona sik a mi an-inthōpui hei. Kei sik a chu anmani seng hi, Sodom leh Gomorrah kapōa ṭhamak hei.

JEREMIAH 23:26

Khava sânkathemhei khan heituk chenmo maleisei antasyemsōt vânga kamihei hlamlea antalaṭhōi sik hei?

JEREMIAH 23:32

Rōngpu kei ṭonghri hi rangei ruh! Rahmang kanei sânkathemhei, maleisei kasiptak kahri hei kha ke’n kadōihei. Anmani’n khava anrahmang kha anhria, maleisei leh inlensak pum a, kamihei hlamlea anṭhōi manhmak hei. Anmani ke’n tir mak hei eng khana ansena sik a ṭong pek mak hei eng, anmani mipui sik a hnemna kase hei kae. Rōngpu ke’n kahri jo kae.”

JEREMIAH 5:21

Nanmalung manhlut ruh, heite inhret mak hei, hmit chu akaneihei, ahmu chu hmulo hei, kōr chu akaneihei, athei chu theilo hei.

MATTHEW 24:24

Ajârchu Messiah inhlem leh sânkathem inhlem hong kasōk sik hei; khana a-ethei chenna Pathen kadeisōt hei kapha hōn mathlâkna sik det-hla ka-om tak leh ṭōn-inlak antlosōt sik.

MATTHEW 7:15

“Sânkathem inhlem heia inphut insing thei ruh; avâng pônga chu kemōng kapōa nanhnenga kahong hei, tâk ashungting chu ram thōia kahne kapōtak hei kae.

ṬŌNTLOHEI 20:30

Nanrup shunga kalan a mi ṭhahrep in takkasenhei kha ṭhōisōtna sik a maleisei anhonghrina sik pha kha alakahong sik kae.

ROMANHEI 1:28

Khava mihei khan akadik Pathen manhretna kha anmalung shunga andahnōm mak jâra, antatlo mak sik kha antlona sik Pathen in malung kaṭhamak kha apek jo hei kae.

ROMANHEI 16:18

Ajârchu khanga akatlo mihei khan ni-Rōngpu Christa ṭōn kha tlomak hei; tâk anbing von khopna sik antatlo kae. Anṭong hri manhōi leh anbei them jâra ṭhenakasehei kha anhōn mathlâk heia kae.

EPHESIANHEI 4:14

Khan chu lungthim kaṭhamak-hei mantheina thli tasêm lelena taṭhōi naipang kha changmak jo me, anmani mihōnna khan mihei ṭhenating anṭhōi heia kae.

EPHESIANHEI 4:19

Anmani’n inzakna heite neimak jo hei; setna katlo sik a anbing et a inpesōt heia inkhâmlo hêra heirakip antloa kae.

TIMOTHY INHNINA 3:5

khana avângting rōk nibekṭong kha anmatu sik, tâk aratha neinakhet khachu anhlonsōt sik. Khang khava miheia inphut sesōt roh.

ṬONGPHÔNG 16:14

Anmani kha ṭōn-inlak katlosōt rathla kaṭhamak-hei kha kae. Hiva rathla 3 hei hi Akahratpen Pathen Kani lûnpui ning re katlo sik a vânhnōi raleia renghei kaṭhōi intûp sik a kasesōt jo hei.