TIMOTHY INKHATNA 3:2 - LEKHARABU INTHENG (BSI)

² Bekrup hlamkakei kha masetna kase; nuhmei inkhat rōk kanei, malung kasing, binga ansurtor, bân kaneitak a ṭōnkatlo, a-inna khōhme ralam kathem; mi intheitor akachang sik kae;

TIMOTHY INKHATNA 3:2 ပူးပေါင်းရင်းမြစ်များ

ISAIAH 56:10

Ama’n ati, “Hlamkakei seng, kamihei gîkna kapek sik a rahōi kasōk hei kha anhmit kacho jo! Anmani’n heite manhret mak hei. Anmani kha ui, mi kahnuk mak, a’nbok hnâma rahmang kasân ka-ang jo hei. Heituk-hrep a akaje hnōm hei mo!

LUKE 1:6

Anmani 2 Pathen hmit-hmua mikaṭhahei kae, khana Rōngpu ṭongpek leh dân rakip pui katluk a kajuihei kae.

LUKE 2:36

Khava hmun a Asher phung hruia Phanuel sanu arahming Anna inti sânkathem kater renghmeinu inkhat leika-om. Ama’n kum 7 rōk puise aneia atûn kum 84 katluk jo. Amanu’n Bek-inn kha dahlon phung hêrmak; sûn leh jân Pathen akamukṭhak, buhngōi leh derna aneiṭhak a kae.

ROMANHEI 12:13

Nannei kha Christian sōpui akatlasam hei insempui hei ruh, nan-inn kha khōhmehei sik mahlâng ruh.

PHILIPPIANHEI 2:15

khavakha mikaṭhamak leh mikaset-hei kâra aka-ompui katluk Pathen sahei kapōa, a’nthengseng leh nōrna kase nanchangna sik a kae. Nangni anmani kâra marvân chunga ârsihei kapōa akavâr nger sik chei kae,

TIMOTHY INKHATNA 3:12

Bekrup inthōpui mihei kha nuhmei inkhat rōk kanei, asahei leh a-innshung kaṭha kahlō mi akachang sik hei kae.

TIMOTHY INKHATNA 3:8

Bekrup inthōpuihei kha’m malung intheng leh omchen kaṭha akachang sik hei kae; anmani sêr leh suma phâmrai kase leh ju katamtak ka-in akachangmak sik hei kae;

TIMOTHY INKHATNA 4:3

Khava mihei khan luhông innei hi dikmak khana thlai ṭhahrep um sâk sik dikmak tia anmanthei hei. Tâk-kha akadik hong inhret hei leh akataksen he’n, manpâkna derna anneisōa antasâk sik a Pathen in khava sâk thei hei kha asyem hei kae.

TIMOTHY INKHATNA 5:10

omchen kaṭha achen sik kae: asahei kaṭha kavei, a-inna khōhme inthlung, Christian sōpuihei malung innemtak a sepa katlo, malung inrim hei inthōpui khana ṭōn kaṭha rakip tlona sik malung kapek sōt mi akachang sik kae.

TIMOTHY INKHATNA 5:22

Rōngpu inzen sik a tu achang inum inrangtak a achunga nakut kalângloi mak roh. Milak-hei setna chenpui mak hei roh; nang nabinga intheng senga om roh.

TIMOTHY INKHATNA 5:9

Kum 60 inhleimak renghmeinu kha hmeithaia teisa mak roh. Khava chunga, hmeithai kâra teisa sik khachu, vōi khat rōk lu leikahông akae sik kae,

TIMOTHY INHNINA 2:24

Rōngpu sōk kachang inkhat in, mi leh a’nkhemak sik chei kae. Mi rakip nalungset heia, akaṭha leh akadehrat oja inkhat akachang sik che kae,

TITUS 2:2

Upa katerhei kha, malung singna, manhret theina, binga insur tor anchangna sik khan chu taksenna, lungsetna khana dehratna pui katluk anchangna sik manthei hei roh.

HEBREWHEI 13:2

Nan-inna khōhme ralam theina sik mandon ruh. Khanga antloa mi ṭhahrep in manhret phâkloa marvân tirlehei an-ina antamathlung heia antaralam leika-om hei.

HEBREWHEI 3:14

Ajârchu a’nphutbia inphut eini inngamna kha nimatutlit inchu, eini nikhenga Christa leh chen kaneisap me kha kae.

PETER INKHATNA 4:7

Heirakip a’nchaina sik pha kahnai jo. Nangni’m nander torna sik nanbinga insurthei una insing thei ruh.

PETER INKHATNA 4:9

Beitamloa, khat leh khat khōhme inthlungtō ruh.

PETER INKHATNA 5:8

Inrin ṭhak ruh, insing thei ruh! Nanta’nrepui Diabol kha shabakkai inhrung kapōa kalôna, tu mo inkhat madehlon sik a a-enlea kae.