TIMOTHY INKHATNA 3:16 - LEKHARABU INTHENG (BSI)

¹⁶ Eini bekṭong in-ip lenje hi tûte’n emak titheimak hei ning: Ama mihringa hong inlâr, Rathla khan kadik tia amalâr, khana ngeva he’n anleihmu. Jât-hlop hei kâra ama ṭong le’nhrile, vânhnōi pumpui in anleitaksen, khana marvâna ṭhōitoua leika-om jo.

TIMOTHY INKHATNA 3:16 ပူးပေါင်းရင်းမြစ်များ

ISAIAH 7:14

Kha achang inchu kaṭha jo, Rōngpu ama khet in mêrchîkna inkhat apek sik jo che: achung kahrik nuhngâk inkhat in sapa inkhat anei sik arahming, ‘Immanuel’ tia anphō sik.

ISAIAH 9:6

Naidông inkhat a’ntet pek jo me! Sapa inkhat apek jo me! Khana ama kha nivai karôn sik kae. Ama kha, “A’nlaktak Mi inse, “Akahrat Pathen”, “Kumsôt Pa”, “Chamna Rengsapa,” a’nti sik kae.

MICAH 5:2

Rōngpu’n ahri, “Bethlehem Ephrathah, nang Judah shunga khōpui akasinpen hei kâra inkhat che kae, tâk nanga inphut Israel sik a, hmalaia inphut innshung hrui kanei, vaikarôn inkhat kahei majōr sik.”

MATTHEW 1:23

“Nuhngâk Intheng inkhat in nai avona sapa inkhat anei sik, khana anmani’n arahming Emmanuel antati sik kae!” (“Pathen in a-ompui me” tina kae.)

MATTHEW 13:11

Jesu’n amasôn hei, “Nangni hnenga marvân Rengram in-ip kha manhretna sik inpek jo chei; tâk anmani chu la’npek mak hei.

MATTHEW 28:2

Manhret manloa lingnu inhnaktak innok jo; marvâna inphut Rōngpu ngeva inkhat jōng kaṭum, thlânkot hlung kha ahlik a achunga in-ong jo.

MATTHEW 3:16

Jesu tui ahlutsō lim leh tui shunga inphut hong kasōk jo. Marvân kha inhlânga vaṭhu kapō Pathen Rathla kajōnga achunga ajōng kachōng kha John in aleihmu.

MATTHEW 4:11

Khanachu Diabol khan Jesu adahlon jo; khana marvân ngevahei kajōng heia anjōng inthōpui jo.

MARK 1:13

khana khan ni 40 ka-oma, Seitan in aleimathlema kae. Ramsha he’m khana khan ka-om hei tâk marvân ngevahei kahong heia ama anlei inthōpuia kae.

MARK 16:19

Rōngpu Jesu’n anmani hneng ṭong ahrisō pha, marvânting kake jo khana Pathen kut changting in-ong jo.

MARK 16:5

Khan chu thlân shunga kahlut heia, pōn kabang kachek-hlak kasi rether inkhat changting panga a’n-ong anleihmu, inhmakban jo hei.

LUKE 2:32

Jât-hlop hei hnenga nahlam malârna sik vâr inkhat, khana nami Israelhei lûrna kapek sik kha hi kae.”

LUKE 20:44

Khang’khan David in, ‘Rōngpu,’ ati’nchu, heikhong mo Messiah kha David sōn akachang thei sik?”

LUKE 22:43

Marvâna inphut ngeva inkhat jōng inlâra aratha amanngarpek jo.

LUKE 24:4

Khava chunga inhmak a anngirlai, manhret manloa pōn kachek kasi pase 2 anhnenga jōng kangir hei.

LUKE 24:51

Ama’n vâng apek lai hei, ama marvân chungting kaketoua, anmani adahlon jo hei.

JOHN 1:14

Ṭong kha mihring jōng kachanga maritna leh dikna kasip phet a nikâra ka-om. Alûrna kha kanleihmu, Apa Sapa inkhat rōk achangna aleichen lûrna kha kae.

JOHN 13:3

Pa khan ahnenga pui katluk ratha apek ti hi Jesu’n amanhret; Pathen hnenga inphut ajōng leh Pathen hneng akase nôk sik hi amanhret.

JOHN 15:26

“Pathen chungchânga akadik inlârpa khana Pa hnenga inphut akajōng Rathla Inthōpui kha kajōng sik. Pa hnenga inphut ke’n nanhnenga kajōngtir sik khana ama’n kachungchânga ahri sik.

JOHN 16:28

Kei Pa inphut kajōng enga raleichunga jōng katlung jo eng; khana tûn ke’n raleichung hi kadahlona Pa hnengting kase bei sik jo eng.”

JOHN 17:5

Apa, ralei insyem mak hma nang leh inṭhōia lûrna nilei neisap kha leh in-anghrep a, tûn nahmai kunga lûrna kha apek jo roh.

JOHN 20:12

marvân ngeva 2, kachek-hlak a a’nret hei, Jesu kalōng anmanjena luthlōnting inkhat, kethlōnting inkhat in-ong ahmu heia kae.

JOHN 6:62

Kha achang inchu, mandonna inkhat a, mihring Sapa kha ama aleiomna ting a’nle nanhmu inchu heikhonga sik jo chei hmen?

ṬŌNTLOHEI 1:19

Khava ṭong kha Jerusalema ka-om mi rakip in anleithei, khava jâra khava hleihmun kha anṭonga Akeldama anti, “Thisen Hlei” tina kae.)

ṬŌNTLOHEI 10:34

Peter in hing’hin aṭong hri aphut jo: “Pathen in mi rakip hi in-ang et a a-en me ti hi adikje tûnchu inchêna kamanhret sōt jo.

ṬŌNTLOHEI 14:27

Antioch antlung jo pha, Bekrup mi rakip ankhôm mantûp heia, anchunga Pathen in atlo pekna hei rakip khana Jât-hlop he’num antaksen theina sik a kot amahlang pekna hei kha anleihri pek jo hei.

ṬŌNTLOHEI 20:28

Khava jâra nanbing et leh Rathla Intheng in nankut chunga anganse jo chei rup-hei hi kaṭhatak a ching jo hei ruh. Asapa thisen jâra atâ amanchang jo, Pathen Bekrup sik akemōng kakhem chang ruh.

ROMANHEI 10:12

Hinahin mi rakip invei jo, ajârchu Jehudi leh Jât-hlop inkhetna heite om mak. Pathen chu mi rakip Rōngpu inkhat rōk kha kae khana akabek rakip hneng katluk a vâng apek hei.

ROMANHEI 10:18

Tâk-kha ke’n kader: ṭong hi antathei mak mo kae? Anmani’n antheikhet jo ajârchu Ṭong intheng in ahri: “Anṭonghri karesō raleichung pumpuia kase sō jo; anṭong rahme raleichung inchaina katlung sō jo.”

ROMANHEI 16:25

Eini’n Pathen hneng lûrna kha perih! Nangni taksenna kha Jesu Christa chunga Ṭong kaṭha kahrile dungjuia leh khava kum kasôttak ale’nthup a ka-om a’n-ip ṭong kadik a’nphôngsōt dungjuia ama’n kahnet a amanngir tor cheia kae.

ROMANHEI 16:26

Hei-achang inum khava akadik kha sânkathemhei lekha mazet a inphut inlârsō jo; mi rakip in antaksena aṭong anjuina sik, akahring ṭhak Pathen ṭongpek dungjuia jât rakip manthei jo hei kae.

ROMANHEI 3:4

Kha chang hêrmak! Mi rakip malei kasei anchang inum, Pathen chu akadik nger sik kae. Ṭong intheng in ahri kapōa, “Nang naṭong pha, kadik a a’nlâr nger sik che kae, Nang naṭong intan pha, nang in nator nger sik kae.”

ROMANHEI 8:3

Ralei mihring hi angaia atlâksam jâra, Dân in atlo tor mak kha Pathen in atlo jo. Setna kator sik a, set kasip mihring ngai kapōa kajōng, Asapa khet kha ajōngtir, mihring ngai shunga setna kha maset apek jo.

ROMANHEI 9:5

anmani hi rahming inthang pusōn heia ajōng kakōn hei kae; khan chu Christa kha mihring inkhat a anmani phung kae. Heirakip chunga vaikarôn Pathen kha ahei tik a choi ka-âna om rasoh! Amen.

CORINTHIANHEI INKHATNA 15:47

Hma-inkei Adam kha raleia a’nsyem kae, raleia inphut hong kakōn; 2 tlukna Adam khachu marvâna inphut akajōng kae.

CORINTHIANHEI INKHATNA 2:7

Kei tahri singna khachu, ralei insyem mak hma inphut einihei lûrna sik a aleikadeisa, Pathen singna inthup kha kae.

CORINTHIANHEI INHNINA 1:19

Ajârchu Pathen Sapa, Jesu Christa kha, Silas, Timothy, khana kei khet in nankâra kantalei phôngsōt khachu, “Ôk” leh “Dâng” kha changmak. Khava kanek a ama chu, Pathen in “Ôk” ati kha kae;

GALATIANHEI 2:8

Ajârchu Peter kha Jehudihei hneng sonle inkhat a asyem kapōa, Pathen ratha hratna vâng khan Jât-hlop hei hneng kei sonle inkhat a asyem eng kae.

GALATIANHEI 4:4

Tâk-kha achaina pha kaṭhahrep kha ahong tlung jo pha, Pathen in ama khet Sapa ajōngtir jo. Ama Jehudihei Dân thōia nuhmei inkhat sapa kapōa kajōng jo.

EPHESIANHEI 1:9

Pathen in alungtup kha atlosōt, khana a’nthup mantlukna kha, Christa vânga pui mathluk sik a aleimandonsa kha eini amanhmu jo me.

EPHESIANHEI 6:19

Ke’n hri sik a ka’ntluk pha, Pathen ṭong kha apekna sik eng, khana ṭong intheng in-ip kha kangamtak a kahrisōt torna sik leh mi manhretna katlo theina sik aderpek ruh.

COLOSSIANHEI 1:23

Adek a, nangni’n akahnet leh akadik ngir hmun chunga taksenna kha nantaneiṭhak sik kae, khana nantathei ṭong kaṭha a inphut nan-inhōrna chunga khan a’nhlingjen mak sik chei kae. Hiva ṭong kaṭha sik jâra hin Paul kei sōk inkhat akachang eng kae, hiva ṭong kaṭha vânhnōi ralei mi rakip hneng akahrile sik a.

COLOSSIANHEI 1:27

Mi rakip sik a akanei akahao leh akalûr ṭong in-ip hi, amihei tamanhret sik a Pathen ṭōnmantluk kae. Khava ṭong in-ip khachu Christa kha nanshunga ka-om ti kha kae, hivahi Pathen lûrna nanchen sappui sik tina kae.

COLOSSIANHEI 1:6

Nangni kâra hma inkeipen kania Pathen maritna nantaleithei a’nchênkhet nantamanhret kapōa, ṭong kaṭha hin vânhnōi pumpuia mahâmṭhatna ajōng rôn ṭhak a inthangsō joa kae.

COLOSSIANHEI 2:2

Anmani lungngamna vâng ansipna sik leh lungsetna shunga an-inchunna sik hivahi ke’n katlo kae, khava jâra akadik manhretna tahei rôn sōt manchênna langa pui katluk haona kha nei ruh. Hing’hin Pathen ta-ip Christa khet kha amanhret sik jo.

THESSALONIANHEI INHNINA 1:10

khava ama’n amihei senga inphut lûrna leh akataksenhei senga inphut kajana achenna sik a ajōngna Kani ning akasōk sik kae. Nangni um ankâra invei sik chei, ajârchu kantamanthei chei ṭong kha nantaksena kae.

THESSALONIANHEI INHNINA 2:7

A’n-ip Ṭhatmakna khan tûnhin ṭōn atlodek jo, khana khava akakhâmpa inkhat kha amantlûkna inphut a’nkeisōt mak kârseng, ahong kasōk sik omchen kha lahong sōk mak ning.

TIMOTHY INKHATNA 3:9

anmani’n mandon ṭhen theina intheng seng vâng khan taksen jâra akadik ahon’lâr kha kahnet a antamatu sik kae.

HEBREWHEI 1:3

Ama’n Pathen lûrna kha aser manvâr, ama hi Pathen hringje leh a’n-anghrep kha kae, aṭong ratha neina vâng khan vânhnōi hi hinga aman om. Mihringhei set rangei mandamna ṭōn atorsō leh Ratha Kaneipen Pathen kut changting marvâna in-onga ka-om jo.

HEBREWHEI 12:2

A’nphutbia inphut a’nchaina katlung nitaksen inhngatna Jesu kha enṭhak rih. Ama’n thingrake jâra khan aṭōntlo kha leihai mak. Akahai kanek a inpâk na’n ahngâk ṭhak kha amandona thingrake chunga hme kasetak a athi sik kha heite khôk leisak mak, khana tûnhin Pathen len in-ongna changting in-onga kae.

HEBREWHEI 7:7

Mahâmṭhat kachenpa kanek a mahâmṭhat akapek pa kha kalen jôk ti hi inkei-chiona sik om mak.

HEBREWHEI 8:1

Hinahin eini’n nihrinapen khachu: marvâna Akalûrpen Pathen len in-ongna changting a’n-ong Thempu Kalen inkhat ninei.

PETER INKHATNA 1:12

Khava sânkathemhei ṭōntlo kha anbing hnemna sik changmak, tâk nangnihei hnemna sik a kae tia Pathen in anhnenga aleiphông pek hei. Khahei chungchânga anmani’n anta leihri kha tûn nangni’n marvâna inphut ajō’ntir Rathla Intheng ratha hratna vâng, Ṭong kaṭha kaphông tlângva heia inphut nanthei jo. Hiva ṭong hi ngevahei kapha’num antamanhret hnōm kae.

PETER INKHATNA 1:20

Vânhnōi insyem mak hma inphut Pathen in ama alei kadeisōt jo, khana kani hnung intonga hin nangni sik a amalârsōt jo kae.

PETER INKHATNA 1:21

Akathia inphut akei mathōia lûrna apek ama inphut nangni’n Pathen kha nantaksen; khava jâra nangni taksenna leh nan-inhōrna kha Pathen chunga a’nphun inhnet kae.

PETER INKHATNA 3:18

Ajârchu, nangni Pathen hneng aṭhōi theina sik chei, mikaṭha inkhat kha mikaṭhamak-hei sik, Christa kha setna jâra aheitik a sik vōi khat kathi jo. Ama taksa a anleithat jo, tâk rathla a manhring jo kae.

PETER INKHATNA 3:22

Ama marvâna kakea, Pathen changting ka-oma, ngeva rakip leh marvâna vaikarôn rakip khana ratha kanei seng chunga vai arôn jo.

JOHN INKHATNA 1:2

Hiva hringna hi hmuthei ahongchang jo pha, keini’n kanleihmu jo; khava jâra Pa leh aleika-omsap kumsôt hringna kantahong manhret jo kha keini’n kanhrilea kanmanthei chei.

JOHN INKHATNA 3:5

Setnahei kalosōt sik a Christa kha jōng inlâr khana ama chu setna heite neimak ti hi nanmanhret.

JOHN INKHATNA 3:8

Tu achang inum setna katlo injônṭhak mi kha Diabol ta kae, ajârchu Diabol khan a’nphutbia inphut setna aleitloa kae. Diabol ṭōntlohei kha akasuk inhmang sik a Pathen Sapa kha ajōng inlâr kae.

ṬONGPHÔNG 17:5

Amanu machea khan rahming inkhat ṭong in-ip manhmuna inzet: “Babylon Kalen vânhnōia mikase rakip leh noti rakip hei annu.”

ṬONGPHÔNG 17:7

Ngeva khan ader eng, “Heisa mo inlak hêra namandon? Ke’n nuhmei kha leh a’n-ongna ranhring alu 7 leh araki 10 ṭong in-ip kha kamanthei sik che.

ṬONGPHÔNG 7:9

Hivasōa ke’n ka-ena, tûte tatei tor mak sik, mipui katamtak kahmu hei! Anmani kha jât rakip, phung rakip, mi rakip, ṭong rakip a inphut pōn bang ansia kemōngte len in-ongna hmaikunga kahno bō anchoia kangir hei.