TIMOTHY INKHATNA 2:6 - LEKHARABU INTHENG (BSI)

⁶ mi rakip intlensōt sik a abinga a’npek sōt kha kae. Pathen in mi rakip hukmanhring sik hi amadu ti hi aphahrep a manchênna kha kae,

TIMOTHY INKHATNA 2:6 ပူးပေါင်းရင်းမြစ်များ

JOB LEKHARABU 33:24

Ngeva khan marittak a ajōng ti sik, “Anmani masō hei roh! Anmani kha kathirama akase sik changmak hei. Anmani masōna sik a ankatlenna kha hin ka-om jo.”

ISAIAH 53:6

Eini nikhenga kemōng hlam invai kapō kachang jo me, eini nikhenga nibing et hlam a kase jo me. Tâk-kha Rōngpu’n khava karâkna kha ama chunga amathlâk jo, eini nikhenga nichen sik a rahōi kasōk karâkna kha.

MATTHEW 20:28

Mihring Sapa kapōa, mi tarazen sik a changloa, mi inzen sik jôk leh mi katamtak intlensōt sik a ahringkhō kapea akajōng kapōa khan atlo sik kae.”

MARK 1:15

Ama’n, “Aphatak kha katluk jo khana Pathen Rengram kha kahnai jo! Nansetna inphut inhe una Ṭong kaṭha hi taksen ruh,” ati.

MARK 10:45

Ajârchu Mihring Sapa kha hmen razen sik a akajōng changmak; a’njen sik leh mi katamtak hei katlensōtna sik ahringkhō kapek a akajōng kae.”

JOHN 6:51

Kei marvâna inphut akajōng hringna buhlom eng kha kae. Tu achang inum hiva buhlom kasâk mi kha ahei tik chen a kahring sik. Khana ke’n ama kapek sik buhlom kha kataksa ravōi hi kae, hivahi vânhnōi hringna sik a kapek kha kae.”

ROMANHEI 16:26

Hei-achang inum khava akadik kha sânkathemhei lekha mazet a inphut inlârsō jo; mi rakip in antaksena aṭong anjuina sik, akahring ṭhak Pathen ṭongpek dungjuia jât rakip manthei jo hei kae.

ROMANHEI 5:6

Ajârchu eini’n ratha heite nineimak laitak, Pathen takadei phatak a khan Christa kha mikaṭhamak-hei sik kathi jo.

CORINTHIANHEI INKHATNA 1:6

Christa chungchânga ṭong kha nanshunga kahnet a inphunsōt jo,

CORINTHIANHEI INHNINA 5:21

Christa khan setna neimak, tâk eini ama leh ni’nchunna shunga khan Pathen dikna kha nichensōm theina sik Pathen in eini setna kha ama chen amanchang jo kae.

GALATIANHEI 1:4

Tûnlai pha kaṭhamak a inphut eini ning leh hnōma masōna sik, ni-Pa, Pathen lungdo kajuia Christa kha abinga nisetnahei jâra inpek sōt jo.

GALATIANHEI 4:4

Tâk-kha achaina pha kaṭhahrep kha ahong tlung jo pha, Pathen in ama khet Sapa ajōngtir jo. Ama Jehudihei Dân thōia nuhmei inkhat sapa kapōa kajōng jo.

EPHESIANHEI 1:17

ke’n ni-Rōngpu Jesu Christa Pathen, akalûrpen Pa hnenga, Rathla kha apekna sik chei, ama nanmanhretna sik a, nangni singna apekna sik chei kader. Khana Pathen in amalârpek sik chei.

EPHESIANHEI 1:7

Heijâra mo niti’nchu Christa thisen vânga niset arangei mandam jo, khana ning leh hnōma amasō jo me. Khangtuk hrep a apek me Pathen maritna kha heituk a akalen jo mo,

EPHESIANHEI 3:5

Hmalai chu hiva ṭong in-ip hi mihei hneng leiman theimak, tâk tûnchu Pathen in Rathla vâng khan sânkathemhei leh asonle intheng hei hneng aphôngpek jo hei.

EPHESIANHEI 5:2

Christa khan eini alungset mea, Pathen malung tlaina marim katui tōkna leh inthoina inkhat kachanga ama abinga eini sik jâra anpek sōt kapōa nangni um lungset in ching chei rasoh.

THESSALONIANHEI INHNINA 1:10

khava ama’n amihei senga inphut lûrna leh akataksenhei senga inphut kajana achenna sik a ajōngna Kani ning akasōk sik kae. Nangni um ankâra invei sik chei, ajârchu kantamanthei chei ṭong kha nantaksena kae.

TIMOTHY INKHATNA 6:15

Rōngpuhei Rōngpu, Renghei Reng, mahâm kaṭha leh vaikarôn inkhat rōk, ama jōng inlâr sik kha Pathen in aphahrep a ajōng tlosōt sik a kae.

TIMOTHY INHNINA 1:8

Ni-Rōngpu sâkhi sik a inzak mak roh; khana Christa sik a kurkhum a ka-om kei sik um inzak mak roh. Khava kanek a, ratha ngarna Pathen in apek che dungjuia, Ṭong kaṭha sik a inrengna nachen kha inlo jôk roh.

TITUS 1:3

khavakha ama’n aphahrep a aṭongsema khan aphôngsōt jo. Khavakha kei angansê eng, khana ani kahuk inhring Pathen ṭongpek dungjuia kahri manthanga kae.

TITUS 2:14

Eini ṭhatmakna rakip a inphut ani kahuksōt sik a leh mi intheng ama ta rōk akachang sik mea khana akaṭha katlo hnōm nichangna sik a, ama’n abinga eini sik a inpek sōt joa kae.

HEBREWHEI 9:12

Christa kha rabuk shunga Hmun Inthengpen kha vōi khat rōk ahlut pha khan, ama’n ke leh sehrat thi inthoina tōk sik a choimak, ama thisen khet kha achoia, eini sik kumsôt hringna ajōng rôn.

PETER INKHATNA 2:24

Eini hi setna shunga nithi theina sik khana akadik a nihring theina sik Christa amatak in nisetnahei kha ataksa chunga thingrakea arôn pek me kae. Asungbi rôn vâng khan nangni amandam jo chei kae.

PETER INKHATNA 3:18

Ajârchu, nangni Pathen hneng aṭhōi theina sik chei, mikaṭha inkhat kha mikaṭhamak-hei sik, Christa kha setna jâra aheitik a sik vōi khat kathi jo. Ama taksa a anleithat jo, tâk rathla a manhring jo kae.

JOHN INKHATNA 4:10

Lungset kha hi kae: eini’n Pathen nilungset jâra changloa, ama’n eini alungset mea nisetnahei rangei mandam theina sik a Sapa kha ajōngtir kha kae.

ṬONGPHÔNG 1:5

khana taksen ka-om sâkhi kapek akathia inphut ahma inkeipena keimathōi sik khana ralei renghei vaikarôn Jesu Christa a inphut maritna leh lung mōngna nanta chang rasoh. Ama’n alungset me, khana ama a’ntōksōt a athia khan eini nisetna heia inphut ning leh hnōma amasō jo me,

ṬONGPHÔNG 5:9

Anmani’n hlather inkhat anleisak: “Lekha inze kalo sik a leh mêrchîkna intat kha akasuk khōia inhlâng sik a nang rahōi kasōk che. Ajârchu nang anleithat che, khana nang inthoina thina vâng khan phung rakip, ṭong rakip, jât rakip, mihring rakip kâra inphut, mihei kha nang in Pathen sik a narachôk jo heia kae.