TIMOTHY INKHATNA 2:1 - LEKHARABU INTHENG (BSI)

¹ Ahma inkeipena ngekna, derna, ngeitōna, inpâk malârna, mi rakip sik a Pathen hneng tōkna sik kangek chei;

TIMOTHY INKHATNA 2:1 ပူးပေါင်းရင်းမြစ်များ

EZRA 6:10

Anmani’n Marvân Pathen tarahlâng thei inthoinahei a’ntōksōt theina sik khana kei leh kasapahei sik a vâng ander theina sik a hivahi a’ntlo sik kae.

HLAHEI 72:19

Arahming kalûr kha ahei tik a choi ka-ân ruh! Alûrna khan raleichung sipsō rasoh. Amen! Amen!

JEREMIAH 29:7

Kurkhum a katirna chei khōpuihei lensōtna sik a ṭōn tlo ruh. Anmani sik a kahnenga derna nei ruh, ajârchu anmani ankhangsōt inchu, nangni’m kakhangsōt sik chei.

ṬŌNTLOHEI 17:30

Mihring he’n Pathen anleimanhret mak laia pha kha Pathen in-enmak jo, tâk tûnchu hmun rakip a mi rakip hneng anṭhatmakna hlam a inphut anhong inhena sik ṭong pekna anei jo hei.

ROMANHEI 1:8

Ahma kakei pena nangni nankhenga sik a Jesu Christa jâra ka-Pathen kamanpâk, ajârchu vânhnōi pumpui in nantaksenna ṭong antheia kae.

ROMANHEI 6:17

Tâk-kha Pathen kha manpâk a om rasoh! Ajârchu nangni vōi khat setna sōk nanleichang inum, tûnchu nanta rahlâng jo mantheina chei shunga akadik nantahmu kha malung kahluttak a nanjui joa kae.

CORINTHIANHEI INKHATNA 15:3

Apui karônpen khachu, ke’n kaleichen kha nangni kapeksôn chei kae; ti chu ṭong inthenga a’nzet dungjuia, eini set jâra Christa kha kathi jo,

CORINTHIANHEI INHNINA 8:6

Khava jâra hiva lungsetna ṭōnpui Titus in aleiphutsa jo chunga hin, pui katluk a nangni a’nthōpuina sik chei, aṭōn atlo manjônna sik keini’n kanngek a kae.

EPHESIANHEI 3:13

Khava jâra, nangni sik a khōdeng katheina chunga hin, nanmalung mathla mak ruh tia kahei ngek chei kae; hihei seng hi nangni sik hnemna kae.

EPHESIANHEI 5:20

Pa Pathen kha ni-Rōngpu Jesu Christa rahminga, heirakip sik jâra ahei tik a manpâk ṭhak ruh.

EPHESIANHEI 6:18

Hiva rakip hi derna leh inṭhōia tlo una, Pathen inthōpuina sik der ruh. Ṭōn kasōk rakip a, Rathla’n hlam akeina sik chei der ruh. Hiva sik a inrin ṭhak a om ruh, masō hêrmak ruh; Pathen mihei seng sik a derṭhak ruh.

PHILIPPIANHEI 1:3

Ke’n nangni kamandon chei akaia ka-Pathen kha kamanpâk;

PHILIPPIANHEI 4:6

Heite inkhat chunga malung inrimna neimak ruh, tâk nanderna rakip a manpâkna malung leh inṭhōia nanta madu rangei kha derṭhak ruh.

THESSALONIANHEI INKHATNA 3:12

Nangni inkhat leh inkhat chunga leh mi rakip chunga keini’n kanlungsetna chei alen kapōa manlen pek chei rasoh.

THESSALONIANHEI INHNINA 1:3

Sōpuihei, nangni jâra keini’n Pathen kantamanpâk ṭhak sik kae. Ajârchu nangni inkhat et in milak sik a lungsetna nantanei kha kalen chet-chet a, khana nantaksenna kha hingtuk hrep akhangtou jâra Pathen kantamanpâk sik hi akadik kae.

TIMOTHY INKHATNA 2:4

ama’n mi rakip hukmanhring anchang sik leh akadik anta hongmanhret sik amadu.

TIMOTHY INKHATNA 5:5

Hmeithai abing rōk a aka-om jo, aka-ensui sik aka-om mak jo khan chu, Pathen hneng sûn leh jân a’nthōpui sik ader a a’nhōrna kha Pathen chunga ada sik kae.

TIMOTHY INHNINA 2:24

Rōngpu sōk kachang inkhat in, mi leh a’nkhemak sik chei kae. Mi rakip nalungset heia, akaṭha leh akadehrat oja inkhat akachang sik che kae,

TITUS 2:11

Ajârchu mi rakip hukmanhring anchangna sik Pathen in amaritna kha amalâr joa kae.

TITUS 3:2

Tûte’n ṭhatmakna anhrimakna sik, tâk nun-innem, mi leh inthlop thei changa khana mi rakip hneng malung kadai malârna sik manthei hei roh.

HEBREWHEI 6:11

Nangni inhōrna kha hui atlungna sik, atorna katlunga nanratha nantamanhrok et sik hi kantamadu hêr kha kae.

JAMES 5:16

Khava jâra nangni inkhat leh inkhat nansetnahei inhri sōttō una, nandam theina sik inderpek ruh. Mikadik derna khan ratha kaneitak a ṭōn atlo.