TIMOTHY INKHATNA 1:5 - LEKHARABU INTHENG (BSI)

⁵ Hiva ṭongpekna jârpen khachu, taksenna kadiktak leh mandon ṭhen theina, khana malung inthengtak a inphut lungsetna kha ahong sōk theina sik a kae.

TIMOTHY INKHATNA 1:5 ပူးပေါင်းရင်းမြစ်များ

HLAHEI 24:4

Anmani khachu ṭōn tlona leh mandonna malung intheng hei, limsyem inmukmak hei, khana maleiseia intepna kaneimak hei kha kae.

HLAHEI 51:10

Eh Pathen, kashunga malung intheng asyempek roh, khana kashunga ṭong kajui rathlather adapek roh.

JEREMIAH 4:14

Jerusalem, nang inhuk theina sik a, namalung kabōk kha sôp jo roh. Heituk kasôt mo setna lungthim rōk namandon hi sik?

ZEPHANIAH 3:7

Khana kami he’n anṭit ankaja sik eng, khana antamahngi hêrmak sik a ke’n kalei manthei hei omchen, chôndân kha an-inhlâng sik jo tia kaleimandon. Tâk-kha akaṭhamakpen omchen inrangtak a anheitlo nôk a kae.”

MATTHEW 12:35

Mikaṭha inkhat in anei kaṭha manbukna inphut neinâk kaṭha kha ahei choisōt; khana mikaṭhamak khan anei kaṭhamak manbukna inphut neinâk kaṭhamak kha ahei choisōt a kae.

MATTHEW 5:8

“Malung intheng hei kha anmahâm kaṭha; Pathen antahmu sik kae!

ṬŌNTLOHEI 15:9

Ama’n einihei leh anmani anikhōi ṭhenna heite damak jo, ajârchu anmani’m antaksenna jâra ansetnahei arangei mandam pek jo hei.

ṬŌNTLOHEI 23:1

Sehmang-pachonghei kha Paul in kasang kanga a-en heia ahri, “Eh kasōpui Israelhei! Pathen hmit-hmua tuning katlunga kahringna hlam hro chungchânga kamalunga dik leh dikmak ṭhen theina hi pui katluk a la’ntlam senga kae.”

ṬŌNTLOHEI 24:16

Khana Pathen leh mihring hmit-hmua dik leh dikmak ṭhen theina malung inthengseng kha kanei torna sik torchena a’nṭang eng kae.

ROMANHEI 10:4

Ajârchu akataksen rakip kha Pathen leh kadik a dasapna sik a, Christa khan Dân inchaina kha atlosōt jo.

ROMANHEI 12:9

Lungsetna kha pui katluk a malung intheng chang rasoh. Akadik mak mater ruh, akaṭha kha matutlit ruh.

ROMANHEI 14:15

Nangni’n heikhat sâk jâra nansōpui malung nanmantôn inchu, nangni’n lungset omchen nantatlo changmak jo. Christa’n athipek jo mi inkhat kha nangni’n thlaisâk vâng sukset mak ruh.

ROMANHEI 9:1

Ke’n akadik kha kahri kae; Kei Christa ta eng kae, kamalei seimak. Rathla Intheng tamanse, kei mandon ṭhen theina hinum, kamalei seimak ti kha amanchên,

CORINTHIANHEI INKHATNA 13:1

Ke’n mihring ṭonghei leh marvân ngevahei ṭong kajômthei inum, lungsetna kaneimak inchu, kaṭong kha dâr mahring leh sumkutben mahring kapōhrep kha kae.

CORINTHIANHEI INHNINA 1:12

Hiva raleichunga kanhringkhō, akarôn pena nangni leh ni’nmetna chunga hin Pathen tapek me malung ipna omlo leh inthengna vâng, Pathen maritna ratha neina vâng, mihring singna vâng changloa, nichunga vai arôn ti hi keini malung ṭhen theina hin amanchên jâra inlensakna kannei.

GALATIANHEI 5:22

Tâk-kha rathla kara khachu lungset, inpâk, chamna, dehrat, lumlo, ṭhatna, taksenthei kachang,

GALATIANHEI 5:6

Ajârchu Christa Jesu leh ni’nchunna shunga, vuntan leh tanmak a’n-ang makna om mak jo; lungsetna vâng ṭōn katlosōt taksen rōk kha akakhôk kae.

DÂNRABU INHNINA 10:12

“Tûnchu, Israel mipuihei, Rōngpu nan-Pathen in nangnia inphut angek mankhôk pen kha rangei jo ruh: Rōngpu kha kamuk ruh khana ama ṭongpek rakip kha tlo ruh. Nanmalung pumpuia ama lungset ruh khana razen ruh,

TIMOTHY INKHATNA 1:18

Kasa, Timothy, hiva ṭongpek hi nang kangense che kae, hivahi hmalaia sânkathem in nang chunga aleihrisōt dungjuia kae. Nang kaṭhatak a re natukna sik khava ṭonghei kha nare hmangchâk manchang hei roh,

TIMOTHY INKHATNA 1:19

khana nataksenna leh a’nthengseng mandon ṭhen theina kha inda roh. Mi ṭhahrep in anmandon ṭhen theina kha juimak heia antaksenna kha manhmangna annei.

TIMOTHY INKHATNA 3:9

anmani’n mandon ṭhen theina intheng seng vâng khan taksen jâra akadik ahon’lâr kha kahnet a antamatu sik kae.

TIMOTHY INHNINA 1:3

Kei mandon ṭhen theina inthengseng vâng, kapu sōnhei taleitlo kapōa, karazen Pathen kha kamanpâk. Sûn leh jân a kaderna rakip a nang kaman donsōtna che akaia ama kamanpâk a kae.

TIMOTHY INHNINA 1:5

Malung inthengtak a nataksenna kha kamandonsōt, napi Lois leh nanu Eunice hei taksen je hei kha’m kamandonsōt. Nang inum khava taksenna kha nanei ti inchênna kahlamrina kae.

TIMOTHY INHNINA 2:22

Khangdông laia madu rangei dahlon roh, khana malung inthengtak a Rōngpu inthōpuina sik a akabek hei leh inṭhōia dikna, taksenna, lungsetna leh lung mōngna hei hi tak tlo inna jong roh.

TITUS 1:15

Mi intheng hei sik a heirakip intheng; tâk a’nthengmak hei sik a leh akataksenmak hei sik a chu a’ntheng inkhatbek om mak, ajârchu anmanhretna leh anmandon ṭhen theina kha intheng mak a kae.

HEBREWHEI 10:22

Khava jâra mandon ṭhentheinahei themmô rôn kha, sôp mantheng seng jo malung leh, tui intheng vâng rasi mantheng seng taksahei leh, malung inthengtak leh, taksenna inchêntak a Pathen hneng hong rih.

HEBREWHEI 13:18

Keini sik aderpek ṭhak ruh. Keini’n a’nthengseng mandon ṭhen theina kha kannei ti kanmanhret, ajârchu pha rakip a keini’n ṭōn kadik kantlohnōm ṭhak a kae.

HEBREWHEI 9:14

Hivahi adik inchu, Christa thisen rarap khan chu heituk akakhe chet a ṭōn achai sik jo mo! Kumsôt Pathen Rathla a inphut Christa kha pui katluk tōkna kachanga Pathen hneng abinga inpek sōt jo. Akahring Pathen kha nirazen theina sik, athisen khan eini mandon ṭhen theina kha hnemna kase bekdâna inphut amantheng pek sik me.

JAMES 4:8

Pathen heihnai ruh, khan chu ama’n ahei hnai sik chei. Eh mikaset-hei; nankut sôp mantheng ruh! Eh a’nhri inṭhat hei, nanmalung mantheng ruh!

PETER INKHATNA 1:22

Khava jâra tûnchu aṭong nanjui jâra nanbinga insuk intheng jo chei, khana akataksen loihei chunga inthengtak a lungsetna nannei jo; nanmalung pumpuia lumlotak a khat leh khat inlungset jo ruh.

PETER INKHATNA 3:16

tâk kajatak a leh malung innemtak a tlo ruh. Christa kahnung kajui nanchang jâra nan-omchen kaṭha tlo akahri inset he’n anmanuisō chei pha, anmani’n anṭong hrisōt a khan an-inzakna sik, nangni mandon ṭhen theina kha mantheng seng ruh.

PETER INKHATNA 3:21

Hiva tui hi atûna nangnihei kahuk inhring tuihlut tlona akhing mêrchîkna inkhat kae, taksa innim rasi manthengna changmak, tâk mandon ṭhen theina vâng Pathen hneng intepna kha kae. Hivahin Jesu Christa hringsōtna jâra ahuk manhring jo chei.

PETER INKHATNA 4:8

Heirakip chunga nangni khat leh khat lungri tak a inlungset ruh, ajârchu lungset in setna katamtak akahuksia kae.

PETER INHNINA 1:7

bek-ôina chunga Christian rangeina; rangeina chunga inlungsetna besa ruh.

JOHN INKHATNA 3:10

Hivahi Pathen sa leh Diabol sa inkârna inchêntak a inlârna kha kae; tu achang inum ṭōndik katlomak leh mihlop inlungset mak mi kha Pathen sa changmak hei.

JOHN INKHATNA 3:23

Ama ṭongpek khachu, Christa’n ṭong aleipek me kapōa, eini khat leh khat a’nlungset sik me khana asapa Jesu Christa rahming nitaksen sik hi kae.

JOHN INKHATNA 3:3

Christa kha a’ntheng achang kapōa, tu achang inum Christa a inhōrna kanei mi kha abinga a’nsuk intheng kae.