TIMOTHY INKHATNA 1:17 - LEKHARABU INTHENG (BSI)

¹⁷ Kumsôt Rengpa, inhmangtik kaneimak leh hmit a hmutheilo, Pathen inkhat rōk, hnenga are-rea lûrna leh kajana chenṭhak rasoh! Amen.

TIMOTHY INKHATNA 1:17 ပူးပေါင်းရင်းမြစ်များ

THUHMINGHEI INKHATNA 29:11

Nang chu akalenpen akahratpen, akalûr, ngam kanei leh kaja ka-om che kae. Marvân leh raleichunga neinâk heirakip nangta kae, heirakip chunga reng vaikarôn Chunghnung che kae.

NEHEMIAH 9:5

Athōia Levihei hin Pathen kamukna sik a bekna anleinei hei: Jeshua, Kadmiel, Bani, Hashabneia, Sherebiah, Hodiah, Shebaniah khana Pethahiah hei seng. Anmani’n anti: “Ngir una Rōngpu nan-Pathen kha manpâk ruh; Ahei tik a, ahei tik chenna ama kha manpâk ruh! Mihring manpâkna hi pui atluk mak innum mi rakip in ama rahming kalûr kha manpâk hei rasoh.”

HLAHEI 10:16

Rōngpu chu are-rea reng kae; pathen ralak inmuk hei chu aram a inphut inhmang sik hei.

HLAHEI 106:48

Israelhei Pathen, Rōngpu kha choi manshâng ruh; tûnum ahei tik a’m choi ka-ân ruh! Mi rakip in, “Amen!” ti hei rasoh. Rōngpu kha choi ka-ân ruh!

HLAHEI 145:13

Nareng vairônna kha kumleikōa kae, khana nang ahei tik a reng che kha kae. Rōngpu chu aṭong tepna kha ajuia kae; khan aṭōntlo rakip a maritna’n kasip.

HLAHEI 41:13

Israelhei Pathen, Rōngpu kha, manpâk ruh! Tûnum ahei tik a’m ama manpâk ruh! Amen! Amen!

HLAHEI 45:1

Rengpa sik a hla kanphōna hin ṭong kahōi khan kamalung hongkasip. Lekha inzet kathempa kolôm kapōa, kamalei hi jai-ôi katei sik a intlukdek jo.

HLAHEI 45:6

Pathen tapek che rengram kha kumleikōa ka-om ṭhak sik. Nang in namihei chunga ṭong kadik vâng vai narôna kae.

HLAHEI 57:11

Eh Pathen, nalenna kha thli chunga, khana nalûrna kha raleichung rakip a malâr roh!

HLAHEI 90:2

Hmebunghei naleisyem mak hma, vânhnōi ralei aleiom mak hma, nang chu ahei tik a Pathen che kae, khana kumleikōa Pathen kachang ṭhak sik che.

JEREMIAH 10:10

Tâk-kha Rōngpu nang chu akadiktak Pathen che kae, akahring Pathen che kae, kumleikōa reng che kae. Nang nahnuk anat pha, raleichung hi innok; jât he’n nahnuknat kha detor mak hei. (

DANIEL 2:44

Khava renghei pha shunga marvân Pathen in ahei tik a a’nhmangmak sik rengram inkhat aphunsōt sik. Khavakha tûte’n hlō tor mak hei ning, khava khan rengramhei kha ankhenga asuk manhmang sik hei, khana ahei tik a ka-om ṭhak sik jo.

DANIEL 4:34

Rengpa khan ati, “Kum 7 a’nchaisō leh chungting bōirōk ka-en, khana kamalung hong kavâr jo. Ke’n Chunghnung Pathen kha kachoi ka-ân khana ahei tik a akahring ṭhak ama hneng kajana leh lûrna kapek a kae. “Ama’n aheitik a vai arôn sik, khana arengram phat rakip a ka-om ṭhak sik a kae.

DANIEL 4:37

“Khana tûnchu, Nebuchadnezzar ke’n marvân Pathen kha choi ka-ânna, kajana khana lûrna kapek jo. Atlo rakip kha akadik leh akaṭha rōk kae, khana inlensaktak a akatlohei kha thōi amathlaktor heia kae.”

DANIEL 7:14

Ama kha phung leh jât ṭong rakip in anrazenna sik ama kha ratha neina, kajana khana reng ratha kha anpek jo. Ama ratha neina kha ahei tik a ka-om sik, khana arengram ahei tik a bângmak ning.

MICAH 5:2

Rōngpu’n ahri, “Bethlehem Ephrathah, nang Judah shunga khōpui akasinpen hei kâra inkhat che kae, tâk nanga inphut Israel sik a, hmalaia inphut innshung hrui kanei, vaikarôn inkhat kahei majōr sik.”

MALACHI 1:14

Ankemōng rup kâra akaṭha inkhat kapek sik che tia ṭong intepna annei pha, akahnem mak ranhring inthoina kanei, anikahōn mi khan hâksêr chen rasoh! Ajârchu kei rengkalen eng kae khana jât rakip a mihe’n anṭit enga kae.”

MATTHEW 25:34

Khava pha Rengpa khan achang tinga hei hneng, ‘Hong ruh, kapa mahâmṭhat pek hei! Vânhnōi insyembia inphut nangni sik a mantluksa rengram kha hongchen jo ruh.

MATTHEW 28:20

khana kaṭong pek chei rakip hi anjuina sik manthei hei ruh. Khana pha a’nchaina katlunga ahei tik a ke’n ka’nṭhōipui ṭhak sik chei.”

MATTHEW 6:13

Mathlemna aṭhōimak roh, tâk-kha Akaṭhamak Inkhat a inphut ahuksōt roh. Ajârchu rengram, rathahrat, khana lûrna ahei tik a nata kae. Amen.’

JOHN 1:18

Tûte’n Pathen lahmu phung hêrmak. Pathen leh thakhat akae, khana Pa ângshunga aka-om, Sapa inkhat rōk khan Pathen manhretna amannei me.

JOHN 5:44

Nangni inkhat leh inkhat a inphut inchoi inshâng sik nanmadu, tâk Pathen inkhat rōk a inphut choimanshângna chen sik khachu madu mak chei; khava jâra nangni’n heikhong mo nanta taksen tor sik?

ROMANHEI 1:20

Pathen in vânhnōi asyem bia inphut, hmit a hmutheilo atorna, ahei tik a aratha neina leh apathen changna arachak kha inthengtak a inhmua kae; khahei kha Pathen kutsyem neinâk heia inphut inhret tor heia kae. Khava jâra khava mihei kha an-inphesōtna sik heite neimak hei!

ROMANHEI 1:23

Anmani’n thitik neilo Pathen antakamuk sik kanek a akathithei hei: mihring, va, sha, a-emak leh bok a kalôn hei ansyema ankamuk hei.

ROMANHEI 11:36

Ajârchu heirakip ama tasyem kae, khana heirakip ama jâra khana ama sik a aka-om hei kae. Ahei tik a Pathen kha lûrṭhak rasoh! Amen.

ROMANHEI 16:27

Akasingpen Pathen inkhat rōk kha Jesu Christa jâra ahei tik a lûrṭhak rasoh! Amen.

ROMANHEI 2:10

Tâk-kha ṭōn kaṭha katlo rakip hei chunga Pathen in lûrna, kajana khana mōngna apek sik hei, hma inkeia Jehudihei hneng khana abâna Jât-hlop hei hneng.

ROMANHEI 2:7

Mi ṭhahrep in ṭōn kaṭha antlo manjōm ṭhak a, lûrna, kajana khana thitik kaneimak hringkhō kha anjong; anmani hneng Pathen in kumsôt hringna apek sik hei.

COLOSSIANHEI 1:15

Hmutheilo Pathen kha hmutheia Christa kha kae. Ama kha Sapa hma inkeipen, neinâk insyem rakip kâra chung katōngpen kha kae.

HEBREWHEI 11:27

Taksen jâra Moses’n rengpa hnuknat sik kha ṭit loa Egypt adahlona kae. Hmit a hmulo Pathen kha ahmu jo kapōa, hnung inle sik kha leihnōm mak.

HEBREWHEI 2:7

Pha bongkhat ngevahei kanek a thōi katla det a nasyem hei; nang in kajana leh lûrna lukhu namankhu hei,

PETER INKHATNA 5:11

Aheitik a ratha hratna atâ changṭhak rasoh! Amen.

PETER INHNINA 3:18

Tâk-kha ni-Rōngpu leh ani kahuk inhringpa Jesu Christa manhretna leh maritnating khang ṭhak ruh. Tûnum ahei tik a’m ama lûrna changṭhak rasoh! Amen.

JOHN INKHATNA 4:12

Tûte’n Pathen kha lahmu phung hêrmak, tâk eini khat leh khat ni’nlungset inchu Pathen kha eini inchunna shunga ka-om, khana nishunga alungsetna kha pui amathluk a kae.

JUDE 1:25

ani kahuk inhring Pathen inkhat rōk hnenga, ni-Rōngpu Jesu Christa jâra, lûrna, kajana, ratha hratna, torna ratha kha a’nphutbia inphut tûn katlung, khana are-rea atâ changṭhak rasoh! Amen.

ṬONGPHÔNG 15:3

anmani’n kemōngte leh Pathen sōkpa, Moses hla kha, ansak a ka-om hei: “Akahratpen Rōngpu Pathen, naṭōn tlohei hi heituk-hrep a a’nlak a akalenhei mo! Jât rakip Rengpa, nahlamhei hi heituk-hrep a akadik a a’ntlun hei mo!

ṬONGPHÔNG 17:14

Anmani’n Kemōngte kadōia re antlo sik; tâk Kemōngte leh abeksōt hei, akadei hei leh akataksena akajui he’n antor sik hei, ajârchu ama hi renghei Reng leh rōngpuhei Rōngpu kha kae.”

ṬONGPHÔNG 19:1

Khava sōa marvâna inphut mipui katamtak hei rasa inhnaktak kapōa kathei, “Hallelujah! Hukmanhringna, lûrna, khana ratha hratna ni-Pathen ta kae!

ṬONGPHÔNG 19:16

Apōn chunga leh arakō chunga: “renghei Reng leh rōngpuhei Rōngpu,” inti rahming inzet a kae.

ṬONGPHÔNG 19:6

Khava sōa mipui katamtak rasa kapōa tôngtui rasa kapō, khōjang kapōk, khō inri rasa kapō ke’n katheia hing’hin ahri, “Hallelujah! Ajârchu ni-Pathen Akahratpen Rōngpu kha Reng kae!

ṬONGPHÔNG 7:12

“Amen! Choi ka-ânna, lûrna, singna, manpâkna, kajana, ratha hratna, torna, are-rea ni-Pathen ta changṭhak rasoh! Amen!” antia kae.