TIMOTHY INKHATNA 1:14 - LEKHARABU INTHENG (BSI)

¹⁴ Khana ni-Rōngpu khan akatluk set alungsetna kha kachunga ajōng bun khum jo eng khana Rōngpu Jesu Christa leh ni’nchunna shunga nita kachang jo lungsetna leh taksenna kha kei apek jo eng.

TIMOTHY INKHATNA 1:14 ပူးပေါင်းရင်းမြစ်များ

SŌKSŌT 34:6

Rōngpu kha ahmai kunga kasesōt a ahei hrisōt, “Rōngpu kei hi lungset leh maritna kasip, hnuk kanaloi mak khana lungset kalen leh taksenthei kachang eng kha kae.

MATTHEW 20:9

Pung 5 radona ṭōntlo kaphut hei kha dangka cheng khat et apek hei.

ṬŌNTLOHEI 15:11

Changthei mak ning! Anmani kapōa, eini’n nitaksena khana Reng Jesu maritna me khan ahuksōt jo me kae.”

ROMANHEI 16:20

Khana nilung mōngna kung Pathen in inrangtak a Seitan kha nanke thōia amanchōn rachi sik chei kae. Ni-Rōngpu Jesu Christa maritna nanchunga om rasoh.

CORINTHIANHEI INKHATNA 15:10

Achang ravâng Pathen maritna eng jâra kei hi kei jo eng kae, khana ama’n kei maritna apek eng kha hmangna kase changmak. Khava kakhea, sonle alak-hei kanek a, ke’n inhnakchet a ṭōn katloa kae. Khavakha kei tatlokhet changmak, Pathen maritna tatlopui eng kae.

CORINTHIANHEI INKHATNA 3:10

Pathen in marittak a apek eng kutchoi kha kahmanga, insak kathem inkhat ṭōn kha katloa innhmun kha kadengsō jo; khana mihlop inkhat in khava chunga inn asak kae. Tâk-kha inn kasak rakip in, heikhonga mo asak, insing thei rasoh.

CORINTHIANHEI INHNINA 4:15

Hiva kan-inrimna seng hi nangni jâra kae; Pathen maritna hi mi katamchet chunga atlung jâra Pathen lûrna sik anmani’n inpâkna derna akakhe chet a antanei sik kae.

CORINTHIANHEI INHNINA 8:9

Ni-Rōngpu Jesu Christa maritna me kha nangni’n nanmanhret; ama sara changna vâng nangni mikahao nanchangna sik a, mikahao ama kha nangni sik a abinga sara inchang joa kae.

GALATIANHEI 1:13

Kei Jehudihei beklangting kamalung aleihlut lai khan, Pathen bekrup kha lungsetna neilo hêra manhmangna sik kator chenna kaleitlo kha nanlei thei sik jo.

THESSALONIANHEI INKHATNA 1:3

Rōngpu Jesu Christa a nan-inhōrna khan heituk-hrep ṭōn inhnak amantlo chei, khan chu nantaksenna kha heituk-hrep a ṭōn tlona nantahmang ti kha ni-Pathen leh ni-Pa ângshunga kanmandonsōt a kae.

THESSALONIANHEI INKHATNA 5:8

Tâk-kha eini chu sûn khōvâr ta me kae, kahlim senga akahar sik me kae. Eini’n ni’nhōrna hukmanhringna kha lukhua inkhu sik, khana taksen leh lungsetna kha ômphoa ninei nger sik kasōk.

TIMOTHY INKHATNA 2:15

Tâk-kha nuhmei inkhat hi nunkahōi leh inṭhōia, taksenna, lungsetna leh inthengna shunga dehratna anei inchu asanei jâra hukmanhring achen sik kae.

TIMOTHY INKHATNA 4:12

Khangdông chang jâra mi’n hmumasi mak hei che rasoh, tâk ṭonghria, omchen a, lungsetna, taksena, khana inthenga na-omna kha akataksenhei sik a tekhing inkhat chang roh.

TIMOTHY INKHATNA 6:11

Achang ravâng Pathen mi kachang nang in, hivahei rakip hi dahlon hei roh. Dikna, bek-ôina, taksenna, lungsetna, dehratna leh nunhōina changna sik tak intlo roh.

TIMOTHY INHNINA 1:13

Nang tajui sik manhmuna, ṭong kadik kamanthei che kha matu manchak roh, khana Christa Jesua ni’nchunna shunga nita kachang jo lungsetna leh taksenna khan omṭhak roh.

TIMOTHY INHNINA 2:22

Khangdông laia madu rangei dahlon roh, khana malung inthengtak a Rōngpu inthōpuina sik a akabek hei leh inṭhōia dikna, taksenna, lungsetna leh lung mōngna hei hi tak tlo inna jong roh.

TITUS 2:2

Upa katerhei kha, malung singna, manhret theina, binga insur tor anchangna sik khan chu taksenna, lungsetna khana dehratna pui katluk anchangna sik manthei hei roh.

PETER INKHATNA 1:3

Eini’n ni-Rōngpu Jesu Christa Pa leh Pathen kha inpâkna pek rih! Ama maritna me jâra Jesu Christa thina inphut akei mathōina vâng khan eini hringkhōther apek jo me. Hivahin akahring inhōrna kha apek mansip me,

JOHN INKHATNA 4:10

Lungset kha hi kae: eini’n Pathen nilungset jâra changloa, ama’n eini alungset mea nisetnahei rangei mandam theina sik a Sapa kha ajōngtir kha kae.

ṬONGPHÔNG 22:21

Rōngpu Jesu maritna kha mi rakip chunga tlung rasoh.