TIMOTHY INKHATNA 1:10 - LEKHARABU INTHENG (BSI)

¹⁰ mikajônghei, nuhmei-puise angaia ka-om mak hei, mihring inruhei, malei kasei hei, maleisei sâkhi katlohei, ṭong kadik intheina inphut akalet a katlo rakip hei sik a dân kha a’nsyem kae.

TIMOTHY INKHATNA 1:10 ပူးပေါင်းရင်းမြစ်များ

A’NPHUTNA 19:5

Anmani’n Lot hnenga leika-ông heia anleider, “Nahnenga tuning jân akarek sik a akahong mihei kha khon mo aka-om jo hei? Kanhnenga heikeisōt heiroh!” Ajârchu Sodoma pasehei khan anmani kha anjepui hnōm heia kae.

A’NPHUTNA 37:27

Hiva Ishmael hei hneng jōr jo rih. Kha achang inchu ataksa sukset mak jo me; hei-achang inum ama hi ninaipa kae, niravōi leh nithisen khet kae,” ati. Asōpuihei kha leikahnōm jo hei.

A’NPHUTNA 40:15

Ajârchu kei hi Hebrew ram a inphut anta heimarûk eng kae, khana hiva Egypt ram a hinum kurkhum a omna sik ṭōnse katlona heite om mak,” ati.

SŌKSŌT 20:7

“Nangni’n Karahming kha ṭhat-mak mantlukna langa hmangmak ruh, ajârchu kei Rōngpu nan-Pathen eng kae, tu achang inum karahming akadik mak a kahmang kha karâkna kapek sik kae.

SŌKSŌT 21:16

“Tu achang inum mihring kasur, jōr sik a a-emak leh sōk a nei sik a katlo mi kha that sik kae.

HOSEA 10:4

Anmani’n akae jenmak ṭong anhrisōt khana akadik mak intepna leh hnemna kase inhnōmna hei annei. Ṭongdik kha akadik mak hongkachang, hlei khōisa chunga kahar tûr kanei akakek ka-ang.

LEVI-DÂN 18:22

Pase tu inkhat in pase alak inkhat leh hmun a’nchun mak sik hei kae; khavakha Pathen in ahōt a kae.

LEVI-DÂN 20:13

Pase inkhat in, pase inkhat ajepui inchu, mater ka-om tak antlo jo, an-inhnia that sik hei kae. Anthina kha anbinga antatlosōt kae.

ZECHARIAH 5:4

Chunghnung Rōngpu’n hiva hâksêrna hi kahei tir sik jo ati, khavakha inruhei inn rakip a leh intepna thōia maleisei kahri rakip hei inna kahlut sik ati. Hivahin an-innshunga ka-om sik khana amanram cher heia adahlon sik hei.”

ZECHARIAH 8:17

Inkhat in inkhat inhmangna sik a intlo mak ruh. Akadik mak a inhâksêr mak ruh. Maleisei, akadik mak, innâk-inse ke’n kahōt.”

MALACHI 3:5

Chunghnung Rōngpu’n ati, “Ṭong katan sik a nankâra hongkangir sik eng, hmitphedôi kachoihei, mikajônghei, sâkhi kadikmak kapek hei, anṭōn katlohei rathaman kapek mak hei, khana renghmeihei, khana nu leh pa kasehei, khana ram hlop heia inphut hnemna kajōng hei, khana kei kajana anikapek mak hei seng chunga ṭong katan sik.

JOHN 8:44

Nangni chu nanpa Rathla Kadikmak sa chei kae, khana nanpa kachang lungdo kha nantajui kae. Ama chu anphutbia inphut mikathat kae, ṭongdik langa khan omphung mak ajârchu ashunga ṭongdik kha om mak. Maleisei ahri kha ama ngaihrep ahri kae ajârchu ama chu malei kasei khana malei kaseihei pa kha kae.

ROMANHEI 1:26

Anmani’n hihei antlo jâra inzakpui ka-om tak madu rangeina kha apek hei. Nuhmeihei kapha’num angaia taksa inchun sik kha angai kachangmak a antlo.

DÂNRABU INHNINA 24:7

“Tu mo inkhat in a-Israel changpui inkhat amarûk a asōk amanchang, achangmak leh ajōrsōt inchu, khava mi kha that sik kae. Khang’khan ṭhatmak kha nanting tor sik a kae.

TIMOTHY INKHATNA 4:6

Nang in najui jo intheina kadik kha leh taksenna ṭong vâng rathlating nabinga a’nvei che kapōa, nang in hiva insena hi nasōpuihei hneng napek he’nchu, nang Christa Jesu sōk kaṭha inkhat akachang sik che kae.

TIMOTHY INKHATNA 6:3

Nibekṭong mantheina leh ni-Rōngpu Jesu Christa ṭong kadik hi leh a’n-angmak chôndân hlop inthei tu achang inum

TIMOTHY INHNINA 1:13

Nang tajui sik manhmuna, ṭong kadik kamanthei che kha matu manchak roh, khana Christa Jesua ni’nchunna shunga nita kachang jo lungsetna leh taksenna khan omṭhak roh.

TIMOTHY INHNINA 4:3

Mihe’n chôn kadik intheina anhong rangei hnōm mak pha kha lakahong sik, tâk anmalung maduna anjuia ankōr tarangei hnōm ṭong ankahri pek sik hei oja katamtatak anbek mantûp sik hei.

TITUS 1:9

Chônna leh intōk a taksenthei kachang ṭong inhri kha kahnet a amatu nger sik kae. Hing’hin ama’n akadik mantheina vâng khan milak-hei amathok thei sik hei khana khava kadōihei ṭhena kha amalârtor sik jo.

HEBREWHEI 13:4

Luhông hi mi rakip in kaja hei rasoh, khana apuise leh anuhmei kha khat leh khat taksenthei chang hei rasoh. Mikajông leh omchen kadikmak khachu Pathen in anṭong atan sik kae.

JUDE 1:7

Khan nôk chu Sodom leh Gomorrah, khana ahneng vena khōpui mihe’n, khava ngevahei taleitlo kapōa omchen kadikmak antatlo leh anjôngna hei kha: mi rakip mansena sik inkhat a kumsôt hmei vâng karâkna antahmu kha mandonsōt ruh.

ṬONGPHÔNG 18:13

khan chu ṭhingṭhe, maru-marâng, ro manhnamna, bero, marim katui; thai, ju, gehu, sâng, sehrat, kemōng, shakor leh gâri, sōk-hei, khana mihringhei katlunga tûte’n rachôkmak jo hei.

ṬONGPHÔNG 21:27

Tâk-kha khōpui shunga khan a’nnim heite hlutthei mak ning, khan chu malei kasei leh inzakna ṭōnkatlo hlutthei mak ning. Kemōngte hringna lekharabu shunga arahming a’nzet hei rōk kha khōpui shunga akahlut sik hei kae.

ṬONGPHÔNG 21:8

Tâk-kha ṭit kasehei, mikahōnhei, mikathat-hei, omchen kase hei, dôi kachoihei, limsyem inmuk hei, khana malei kaseihei seng omna sik a hmun kha hmei leh kât kângna dîr kha kae, khavakha vōi 2 tlukna thina kha kae.”

ṬONGPHÔNG 22:15

Achang ravâng khōpui vângting khan chu, mikahōn inthla, mikaṭhamak, dôi kachoi, mikajông, mikathat, limsyem inmuk, ṭōntlo leh ṭonghria malei kasei ka-om hei.