SŌKSŌT 8:8 - LEKHARABU INTHENG (BSI)

⁸ Rengpa’n Moses leh Aaron abek heia, “Hiva uṭok hei hi alosōtna sik Rōngpu hneng der ruh, khana nanmi he’n Rōngpu hneng inthoina anneitheina sik kamansesōt sik jo hei,” ati.

SŌKSŌT 8:8 ပူးပေါင်းရင်းမြစ်များ

RENGHEI INKHATNA 13:6

Reng Jeroboam in sânkathem hneng ati, “Kakut hi adam nôkna sik Rōngpu na-Pathen hnenga aderpek roh!” Sânkathem khan Rōngpu hneng ader a, rengpa kut kha kadam jo.

HLAHEI 66:3

Pathen hneng hri ruh, “Naṭōn tlohei hi heituk-hrep a a’nlak mo! Naratha hi hingtuk hrep kahrat ti chu nakadōihei kha nahmai kunga ṭittak a inkun hei.

SŌKSŌT 10:16

Khava pha rengpa’n inrangtak a Moses leh Aaron kha abek heia, “Kei Rōngpu nan-Pathen leh nangnihei kadōia kaset jo eng.

SŌKSŌT 10:17

Tûn hiva kasetna rōk hichu arangei mandam ruh khana kei hnenga inphut hiva karâkna kakhôktak hi alosōtna sik a Rōngpu nan-Pathen hnenga aderpek ruh,” ati.

SŌKSŌT 10:18

Moses’n rengpa adahlona Rōngpu hneng ader jo.

SŌKSŌT 14:5

Egypt rengpa hneng Israel mipuihei kha katlânsō jo hei ti anhri pek pha, ama leh aṭōn karônhei anmalung anthlenga hing’hin, “Heimo nitlo jo? Israelhei nimantlânsōt jo hei, Nisōk hei nimanhmang jo hei,” anti.

SŌKSŌT 32:11

Tâk Moses’n Rōngpu, apathen hneng angek pek heia ahri, “Rōngpu, nahratna leh naratha neina kalen vânga Egypt a inphut nahuksōt namipuihei chunga heisik a mo hingtuk nahnuk namannat?

SŌKSŌT 5:2

“Tu mo Rōngpu kha?” tia rengpa khan ader hei. “Ke’n heisik a mo ama ṭong karangeia Israelhei kamansesōt sik hei? Ke’n Rōngpu kha manhret mak eng khana Israel mansesōt mak ning,” ati.

SŌKSŌT 8:15

Rengpa’n uṭok kathisō jo hei ti ahmu pha, Rōngpu’n aleihri kapōa amalung kangar nôk jo, Moses leh Aaron tahri kha rangei nôk mak jo.

SŌKSŌT 8:29

Moses’n, “Ke’n kadahlonsō lim che leh ke’n Rōngpu hneng kader sik a kha jîng leh chu mathōi he’n nang leh naṭōn karônhei khana namihei andahlon sik jo chei. Tâk-kha keini hi nahōn nôk mak sik ung kae khana mipui he’n Rōngpu hneng inthoina antatōk sik kha nakhâm mak sik hei kae,” ati.

SŌKSŌT 8:32

Tâk-kha hiva pha katlunga hin rengpa malung lakangara mipuihei kha mansesōt nôk mak jo heia kae.

SŌKSŌT 8:9

Moses’n amasôna, “Nang sik a der sik hi inpâk eng. Nang leh naṭōn karônhei leh namipuihei sik a kader pekna sik chei pha kha tep roh. Khava sōa chu uṭok hei kha hmumak jo tin che, khana Nile tuidunga tei loa heite om mak jo hei ning,” ati.

SŌKSŌT 9:27

Rengpa’n Moses leh Aaron ava manbek heia ahri, “Tûna chunga hin setna katlo jo; Rōngpu kha akadik langa, khana kei leh kamipui he’n akaṭhe langa ka-om jo ung.

SŌKSŌT 9:28

Rōngpu hneng aderpek ruh! Keini khō inri leh kahre’n adeng ung hi katluk set jo! Nangni sesōtna sik a kei intep eng; hiva hmun a omsôt mak jo tin chei,” ati.

SŌKSŌT 9:33

Moses’n rengpa kha adahlon jo, khōpuia inphut kasesōt jo, chungting akut akalânga Rōngpu hneng derna anei. Khō inri, kahre katla leh khō kasûr kabâng jo hei.

MIJAHEI 21:7

Mipuihei kha Moses hneng kahong heia anti, “Keini’n Rōngpu leh nang dōina ṭong kanhri jo jâra kaset jo ung. Marihei hi losōtna sik a tûn Rōngpu hnenga der roh.” Khana Moses’n mipuihei sik a ader jo.

ṬŌNTLOHEI 8:24

Simon in Peter leh John hneng, “Hiva nanta hri rakip hei hi kachunga inkhatbek atlung makna sik, lungsettak a Rōngpu hneng aderpek ruh,” aleiti.

SAMUEL INKHATNA 12:19

khana Samuel hneng anti, “Apu, lungsettak a keini kanthimakna sik a Rōngpu na-Pathen hnenga aderpek roh. Tûnchu kanmanhret jo, kansetna alak-hei chunga reng inkhat kandera setna kantlo jo.”