SŌKSŌT 8:14 - LEKHARABU INTHENG (BSI)

¹⁴ Egypt he’n uṭok kathi hei kha abuk kalen tatak a anchom mantûp hei, aram kha anmarim kasip phet jo.

SŌKSŌT 8:14 ပူးပေါင်းရင်းမြစ်များ

RENGHEI INKHATNA 18:26

Anhnenga anta heikei sehratche inkhat kha anloa anmantluk a Baal hneng sûnṭim katlung ander jo. Anmani ka-ông heia, “Baal, amasôn roh!” antia antasyemsōt maichâm hnenga kalâm hei. Tâk masônna heite jōngmak.

RENGHEI INKHATNA 18:29

Kani sûnṭim akhe jo katlunga hnuknat leh thangtôma rasa anneiṭhak a kae; tâk masônna inkhatbek hongmak, kare rasa inkhatbek um intheimak jo.

SŌKSŌT 7:21

Tuidung shunga ngahei kathi jo hei, khana tui kha amarim kase hêr joa Egypt mihe’n intor mak jo hei. Egypt hmun rakip a thisen kachangsō jo.

SŌKSŌT 8:13

Rōngpu’n Moses derna dungjuia atlopek jo, khana uṭok hei kha innshunga, telaia, hleipuk heia kathisō jo hei.

SŌKSŌT 8:15

Rengpa’n uṭok kathisō jo hei ti ahmu pha, Rōngpu’n aleihri kapōa amalung kangar nôk jo, Moses leh Aaron tahri kha rangei nôk mak jo.

SŌKSŌT 8:24

Rōngpu’n mathōi katamtak reng-innpuia khana aṭōn karônhei inna ahei tir jo hei. Egypt ram pumpui kadâpsō hêr sik ajōngtir jo hei. Egypt ram pumpui mathōi in anhong manhmangsō jo.

SŌKSŌT 9:11

Hmitphedôi kathemhei Moses hneng inlâr tor mak jo hei, ajârchu alak Egypt hei kapōa anmani kha’m khōihli nat anchunga kasip sō jo.

ISAIAH 19:11

Zoan khōpuia hlamkakeihei kamo jo hei? Egypt a mikasingpen he’n akanimak ting anmanmo jo hei! Heikhonga mo reng hnenga, anmani hmalaia akathemhei leh renghei sōn leh pâr ung kae tia antahri ngam sik?

ISAIAH 34:2

Rōngpu kha ajât rakip chunga leh anremihei seng chunga ahnuk kana jo. Ama’n maset amanchen jo hei kha suk manhmang sik kae.

EZEKIEL 39:11

Rōngpu’n ati, “Hihei rakip hi asōk pha, ke’n Gog kha Israel ram shunga avûmna sik thlân, Akathi Tuipui nisōtinga Khōhmehei Phaichama kapek sik. Gog leh aremi rakip khana khan anvûm sik hei, khana phaicham kha ‘Gog Remihei Phaicham’ inti sik jo.

JOEL 2:20

Ke’n sak tinga akahong khâikhu remihei kalosōt sik hei ṭhahrep chu nêrdiram ting kahnong sōt sik jo hei. Anhma tinga hlamkakeihei kha Tuipui Kathi dunga kahlon sik hei, kahnung tinga hlamkakeihei kha Mediterranean a kahlon sik hei. Ankathi kalōng kha anmarim kathu sik. Nangni chunga antlona chei jâra kaman hmangpet sik hei.