SŌKSŌT 7:17 - LEKHARABU INTHENG (BSI)

¹⁷ Tûnchu, Reng Kalûr, nang in ama kha tu mo kae ti kha aṭōn tlo sik vâng khan namanhret sik jo tia Rōngpu’n ati. Enroh, hiva sung vâng hin tuidunga tui hi kavōk sik, khana tui hi thisen kachang sik jo.

SŌKSŌT 7:17 ပူးပေါင်းရင်းမြစ်များ

RENGHEI INKHATNA 20:28

Sânkathem inkhat Reng Ahab hneng kasea ahri, “Hivahi Rōngpu ṭonghri kae, ‘Syria he’n kei hi chingtlâng Pathen kae, phaicham ta changmak anti eng, ke’n anmani remi katamtak hei chunga torna kapek sik chei, nang leh namipui he’n kei hi Rōngpu eng kae tia nanmanhret sik eng.’”

RENGHEI INHNINA 19:19

Tûn, Rōngpu kan-Pathen, vânhnōia jât rakip in nang rōk Rōngpu Pathen che kae tia anmanhretna sik a, Assyrianheia inphut keini ahuksōt roh.”

HLAHEI 105:29

Antuidung hei kha thisen amanchang pek hei, khana annga rakip hei kha athatsō pek hei.

HLAHEI 78:44

Tuidunghei kha thisen aleimanchang, Egypt sahe’n tui in sik leinei mak hei.

HLAHEI 83:18

Anmani’n nang rōk kha Rōngpu che kae, raleichung pumpuia ratha kaneipen vaikarôn che kae ti kha manhret hei rasoh.

HLAHEI 9:16

Rōngpu kha aṭongtan kadik vâng khan abinga inlâra kae; khana mikaṭhamak-hei kha anṭōntlo kalalen khan akhit heia kae.

SŌKSŌT 1:22

Achaina rengpa’n ṭongpek inkhat amipui rakip hei hneng amasōa, “Hebrew pase naidông rakip chu Nile tuidunga hlon mathla hei ruh, tâk nuhmei naite rakip chu kahringa da hei ruh,” ati jo.

SŌKSŌT 10:2

khan chu ke’n ṭōn-inlak kalei tlosōt lai khan heikhonga mo Egypt mihei kha akamo kamanchang hei ti kha nang in natu-nasahei hneng namanthei theina sik a katlo kae kei Rōngpu eng kae ti hi nankhenga nanhong manhret sik,” ati.

SŌKSŌT 4:9

Hiva ṭōn-inlak 2 natlosō hei kapha anlataksen mak che’nchu khana naṭong hripek hei kha anrangei hnōm mak inchu Nile tuidunga tui ajing valōk inna raleia bun mathla roh. Tui kha thisen hongkachang sik,” ati.

SŌKSŌT 5:2

“Tu mo Rōngpu kha?” tia rengpa khan ader hei. “Ke’n heisik a mo ama ṭong karangeia Israelhei kamansesōt sik hei? Ke’n Rōngpu kha manhret mak eng khana Israel mansesōt mak ning,” ati.

SŌKSŌT 6:7

Ke’n nangni hi kei khet mi sik a kasyem sik chei, khana kei nan-Pathen kachang sik eng. Nangni Egypt a nansōk changna inphut kamasōsōt chei pha kei hi Rōngpu nan-Pathen kachangna nanmanhret sik eng.

SŌKSŌT 7:20

Khava sōa Moses leh Aaron in Rōngpu ṭongpek dungjuia anleitlo jo. Rengpa leh aṭōn karônhei hmaikunga, Aaron khan akhōnghre kha akalânga tuidung tui kha avōk jo, khana tui rakip kha thisen kachangsō jo.

SŌKSŌT 7:5

Anmani kadōia kabân hi kakalâng pha khana Israelhei kha anrama inphut kaṭhōisōt hei sōa khan chu kei Rōngpu eng kae ti hi Egypt mihe’n anhong manhret sik jo,” ati.

EZEKIEL 25:17

Ke’n inhnaktak a karâkna kapek sik hei khana pui katluk a phuhlōna kanei sik hei. Kahnuknat kha anmanhret sik. Khava sōa anmani’n kei Rōngpu eng kae tia anmanhret sik eng.”

EZEKIEL 29:9

Egypt hi akarōksai hleiram kamanchang sik. Khava sō leh kei hi Rōngpu eng kae tia namanhret sik jo eng. “Ajârchu nang in Nile tuidung hi nangta kae, nang tasyem kae nati.

EZEKIEL 30:19

Hing’hin ke’n Egypt karâkna kapek pha, anmani’n kei hi Rōngpu kae tia anmanhret sik jo eng.”

EZEKIEL 30:8

Egypt chunga ke’n hmei karo pha khana ama kahrung rakip anthisō pha, anmani’n kei Rōngpu eng kae tia anmanhret sik jo eng.

EZEKIEL 32:15

Ke’n Egypt kha ramkarōk a kasyema, khana aka-om rakip kathatsō hei pha, anmani’n kei hi Rōngpu eng kae tia ani manhret sik jo.

EZEKIEL 32:6

Nathisen kha tlâng leh kava dunghei asipsōmak kârseng kaman lōng sik.

EZEKIEL 38:23

Hing’hin jât rakip hei hneng kei hi kalen eng khana intheng eng ti hi kamalâr sik kae. Kei hi Rōngpu eng kae tia anmanhret sik jo eng.”

EZEKIEL 39:28

Khava sōa kami he’n kei hi Rōngpu an-Pathen eng kae tia anmanhret sik jo eng. Anmani’n hivahi anmanhret sik, ajârchu ke’n anmani rehring sura kamanse hei kae khana tûnchu inkhatbek dahlon loa anram khet a kaheiṭhōi male nôk jo hei.

DANIEL 4:17

Hivahi insing theitak a akajōng ngeva ṭong mathlâk kae. Khava jâra Chunghnung Pathen in mihringhei rengram chunga ratha anei khana ama’n akadei, mi katlasamtak hnenga achang inum apektor ti hi mi rakip in manhret hei rasoh.’

DANIEL 4:32

Nang mihringhei kâra inphut hnongsōt sik che kae. Ramshahei kâra aka-om sik che kae, kum 7 sehratche kapōa phi nasâk sik kae. Khava pha Chunghnung Pathen in rengram rakip chunga vai arôn khana khavakha ama’n amadu mihei hneng apektor ti hi nang in nahong manhret sik.”

DANIEL 4:37

“Khana tûnchu, Nebuchadnezzar ke’n marvân Pathen kha choi ka-ânna, kajana khana lûrna kapek jo. Atlo rakip kha akadik leh akaṭha rōk kae, khana inlensaktak a akatlohei kha thōi amathlaktor heia kae.”

DANIEL 5:21

Ama kha mihei kâra inphut hnongsōt a ka-om, khana amalung kha shahei malung hong ka-ang jo. Ama ram a shakōrtung hei leh ka-omsap hei, sehratche kapōa phi asâk jo khana achunga radaitui kakhâr sik a heite omlo ramhânga kaje jo. Achaina pena chu Chunghnung Pathen in mihring rengram rakip akhim, vai arôn khana ama’n akadeisōt hei hneng apektor ti hi ama’n aheihnōm jo.

DANIEL 5:23

Marvân Rōngpu kadōia ṭōn natloa a-Bek-inna inphut kōkleihei kha nahei choi manhlut heia kae. Nang in nami kalen leh kahrânghei, nanuhmeihei, khana nanuhmei manbohei leh hiva kōkleihei vânga hin ju nan-inna, nang in khava pathen akahmu tor mak, akathei tor mak, khana heite inhret mak sana, dangka, sum-êng, thir, thing leh hlung vânga a’nsyem pathen kha nanmanpâk a kae. Tâk-kha nang natlona rakip ka-ensui, nathina leh nahringna katinta Pathen kha kajamak che.

ṬONGPHÔNG 11:6

Pathen ṭong kha anmani’n anhrilelai seng khō sûrmakna sik marvân kot khârtorna ratha anneia kae. Khan chu anmani’n tuihnâr kapût hei kha’m, thisen manchang torna ratha annei; khan chu anmani’n anmadu chen a natse vâng raleichung jât rakip mansetna sik ratha annei.

ṬONGPHÔNG 8:8

Khava sōa ngeva 2 tlukna khan apengkun atum jo. Hmebung kalentak kapō heikhat hmei kakânga tui-ôngpui shunga inhlon inthla a kae. Tuipui sem thuma inkhat kha thisen inchang jo.