SŌKSŌT 6:7 - LEKHARABU INTHENG (BSI)

⁷ Ke’n nangni hi kei khet mi sik a kasyem sik chei, khana kei nan-Pathen kachang sik eng. Nangni Egypt a nansōk changna inphut kamasōsōt chei pha kei hi Rōngpu nan-Pathen kachangna nanmanhret sik eng.

SŌKSŌT 6:7 ပူးပေါင်းရင်းမြစ်များ

A’NPHUTNA 26:3

Nang hinahin om roh, ke’n ka’nṭhōipui sik che, mahâmṭhat kapek sik che. Ke’n hiva ramkei seng hi nang leh natu-nasahei kapek sik chei. Ke’n napa Abraham hnenga kaṭong leitep kha kamathlung sik kae.

A’NPHUTNA 28:13

Khana khan Rōngpu’n ahnenga leikangira kae. Ama’n, “Kei Abraham leh Isaac Pathen Rōngpu eng kha kae. Nang in najena ram hi nang leh nasōn-napâr hei kapek sik chei kae.

RENGHEI INKHATNA 20:28

Sânkathem inkhat Reng Ahab hneng kasea ahri, “Hivahi Rōngpu ṭonghri kae, ‘Syria he’n kei hi chingtlâng Pathen kae, phaicham ta changmak anti eng, ke’n anmani remi katamtak hei chunga torna kapek sik chei, nang leh namipui he’n kei hi Rōngpu eng kae tia nanmanhret sik eng.’”

RENGHEI INKHATNA 8:60

Khang’khan Rōngpu rōk hi Pathen kae, alak om mak ti hi vânhnōia jât rakip in anhong manhret sik jo.

NEHEMIAH 1:10

“Rōngpu, anmani hei hi nasōk leh nami khet hei kae. Naratha neina leh nahratna vânga nalei huksōt jo hei kha kae.

HLAHEI 100:3

Rōngpu kha Pathen che kae tia hrisōt ruh. Ama’n asyem me khana atâ me kae; eini ama mi me kae, khana ama rup me kae.

HLAHEI 81:6

“Ke’n nanṭhōm chunga rônkahrik hei kha kalosōt jo; nanṭek rôn hei kha kamaṭhum pek jo chei.

SŌKSŌT 13:14

Hnunga, nansa inkhat in hiva nitna intlo hi heitina mo tia ander chei inchu, ‘Rōngpu’n rathahrat ahmanga keini Egypt a sōk kanchangna inphut ahong ṭhōisōt ung kae,’ tia nanta manthei sik kae.

SŌKSŌT 13:3

Moses’n mipuihei hneng ahri, “Egypt ram a sōk changna hmun a nanhei sōksōtna kani hi mandonsōt ruh. Rōngpu’n hiva kani ning hin atorna rathahrat vâng aheiṭhōisōt chei kae. Chephi buhlom inkhatbek sâk mak sik kae.

SŌKSŌT 14:18

Ke’n anmani katortak hei pha khan Egypt he’n kei “Rōngpu kae tia anmanhret sik jo eng,” ati.

SŌKSŌT 14:4

Ke’n amalung kamanngar pek sik, ama’n nangni ahnong sik chei, khana rengpa leh aremihei chunga Kei retorna khan ke’n mihei kajana kha kachen sik kae. Khana Egypt he’n kei Rōngpu eng kae tia anmanhret sik jo eng,” ati. Israel he’n antamanthei hei kapōa anleitlo jo.

SŌKSŌT 15:16

Ṭitna leh lungdongna’n akabuksi jo hei. O Rōngpu, narathahrat kha anhmua, atloje omloa ṭitpum a kangir jo hei, namipui he’n hmating ansesōt mak hma seng– sōk changna a inphut namasōsōt mipuihei kha.

SŌKSŌT 15:2

Rōngpu kha kei kahrung ratha kahrat kha kae; kei ani kahuk kha ama kae. Ama ka-Pathen kae, ama kachoi ka-ân sik, kapa Pathen kae, alenna chungchânga hla kasak sik.

SŌKSŌT 16:12

“Ke’n Israelhei hrimasetna eng kathei jo. Khōhlei khō inthim hmuk a antasâk sik hme annei sik khana jîngkâra antamadu hrep buhlom anhmu sik. Khava sōa anmani’n Rōngpu kei hi an-Pathen eng kae tia anmanhret sik jo eng,” ati.

SŌKSŌT 16:6

Moses leh Aaron in Israel pumpui hei hneng, “Tuning khōhlei Egypt a inphut nanhong kaṭhōisōt kha Rōngpu kae, ti kha nanmanhret sik jo.

SŌKSŌT 2:11

Moses kha ahonglen jo pha, ami Hebrewhei kaphâk sik a leikasōk a anmani kha rumhrat tak a ṭōn antamantlohei kha avahmu jo. Egypt pa inkhat in Moses mi Hebrew inkhat aleithat kha’m avahmu sōt jo.

SŌKSŌT 6:6

Achang jâra kaṭong hi Israelhei hneng hripek heiroh, “Kei hi Rōngpu eng kae; ke’n nangni kahuk sik chei, Egypt hei hneng nansōk changna inphut ning leh hnōma kamasō sik chei. Ke’n kabân rathahrat kakalânga anchunga ṭit ka-om tak karâkna kapek sik hei, khana ke’n nangni kahuk sik chei.

SŌKSŌT 7:17

Tûnchu, Reng Kalûr, nang in ama kha tu mo kae ti kha aṭōn tlo sik vâng khan namanhret sik jo tia Rōngpu’n ati. Enroh, hiva sung vâng hin tuidunga tui hi kavōk sik, khana tui hi thisen kachang sik jo.

ISAIAH 41:20

Mihe’n khahei kha anhmu sik khana anmanhret sik Rōngpu kei tatlo kae tia. Anmani’n Israelhei a’ntheng Pathen in hihei hi amasō kae tia anhong manhret sik.”

ISAIAH 49:23

Renghei kha nang sik a pa kapō kachang sik hei; reng nuhmeihei kha nu kapō kachang sik hei, Anmani nahmai kunga inkun sik hei khana kajana anpek sik che; anmani’n insinsaktak a nang kajana anmalâr sik. Khava pha, nang in kei hi Rōngpu eng kae tia nahong manhret sik eng, kei inthōpui sik akahngâk tûte inkhat in malung tlailoa om mak hei ning.”

ISAIAH 49:26

Nankasu inrim hei kha anbinga khat leh khat kamanthat sik hei; anmani hnuk natna leh mithatna khan ju inrui kaman-ang sik hei. Khava sōa mi rakip in kei hi Rōngpu eng kae tia anmanhret sik eng. nangni kahuk leh ning leh hnōma insō inkhat kha kae tia. Kei hi Israelhei ratha kaneitak Pathen eng kha kae tia anhong manhret sik jo eng.”

ISAIAH 51:15

“Kei nan-Rōngpu Pathen eng kae; Ke’n tui-ôngpui kakachok atui in-nông kha rasa kamantlira kae. Karahming kha Chunghnung Rōngpu kae!

ISAIAH 60:16

Jât leh reng he’n antinta sik che, Anu’n asa kaṭha nenga arazen kapōa Rōngpu ke’n, kahuksōt che Ratha kahrat Israel Pathen khan ning leh hnōma amasō jo che ti hi nahong manhret sik jo.

ISAIAH 63:8

Rōngpu’n ati, “Anmani kamihei kae; anmani’n ahōn mak hei ning.” Khava jâra ama’n anmani ahuk jo hei

JEREMIAH 31:33

Israel mihei leh intepna ther kaneipui sik jo hei khachu hi kae: Kadân kha anshunga kada sik khana anmalunga kamazet sik. Kei an-Pathen kachang sik eng, khana anmani kami kachang sik hei.

EZEKIEL 20:19

Kei Rōngpu nan-Pathen eng kae. Kei dân leh kaṭong pek hei jui ruh.

HOSEA 1:10

Israel mihei kha tui-ôngpui nêrdi kapō hongkachang sik hei, tei torlo leh tetor mak hongkachang sik hei. Tûnhin Pathen in anhnenga, “Nangni kami changmak chei,” ati, tâk-kha anhnenga, “Nangni akahring Pathen sa chei kae,” atina pha kha lakahong sik!

LEVI-DÂN 11:44

Kei nan-Rōngpu, nan-Pathen eng kae, khana nanbinga a’nsuk intheng sik chei kae, ajârchu kei a’ntheng eng kae.

LEVI-DÂN 11:45

Kei nangni Pathen changtheina sik a Egypt a inphut nanhei kaṭhōisōt Rōngpu eng kha kae. Nangni a’ntheng nger sik chei kae, ajârchu kei a’ntheng eng kae.

ZECHARIAH 13:9

Khana alakahring sem thum changna hei kha hmei in dangka amanthengsōt kapōa ke’n ka-enmansin sik hei. Sana enmansinna kapōa ke’n ka-enmansin sik hei. Khava sōa kahnenga derna anhongnei sik, khana ke’n kamasôn sik hei. Anmani kamihei kae tia kahri pek sik hei, khana anmani’n kei hi an-Pathen eng kae tia anhrisōt sik jo.”

MIJAHEI 15:41

Kei Rōngpu nan-Pathen eng kha kae; nan-Pathen changna sik Egypt ram a inphut kaheiṭhōisōt chei kae. Kei Rōngpu eng kae.”

MATTHEW 22:32

‘Kei Abraham Pathen, Isaac Pathen, khana Jacob Pathen eng kae,’ ati. Ama chu akathihei Pathen kha changmak, akahring hei Pathen kae.”

ROMANHEI 8:31

Hivaseng chunga hin eini’n heimo nihri ngam sik? Pathen kha nilanga a’nṭang inchu, tu mo anikadōi tor sik?

DÂNRABU INHNINA 14:2

Nangni chu Rōngpu nan-Pathen ta chei kae; raleichunga mi rakip hei kâra inphut ama mi kachang sik a akadeisōt jo chei kae.

DÂNRABU INHNINA 26:18

Nanhnenga ale’ntep kapōa, tuning Rōngpu’n ami khet a arahlâng jo chei; khana adân rakip juina sik a ṭong apek jo chei.

DÂNRABU INHNINA 29:12

Rōngpu nan-Pathen in nangni leh intepna asyemna shunga hlutna sik a leh khava tlohlam kasōk kha inhlâng sik a tuning hiva hmun a aka-om chei kae,

DÂNRABU INHNINA 29:13

nangni leh nanpu nanpa Abraham, Isaac khana Jacob hneng ṭong aleitep kapōa nangni ama mi nanchangna leh ama nan-Pathen achangna kha Rōngpu’n amanchênna sik a kae.

DÂNRABU INHNINA 29:5

Kum 40 Rōngpu’n nêrdiram a aṭhōi chei, nanpōn leh nankekōk lei inhler hêrmak a kae.

DÂNRABU INHNINA 4:20

Tâk nangni chu khava hmeipun kasuk, Egypt ram a inphut ahuksōt mipui chei kha kae. Tuninga nan-e kapōa, ama mi kachang sik a aheiṭhōisōt chei kae.

DÂNRABU INHNINA 7:6

Hihei hi tlo hei ruh ajârchu nangni Rōngpu nan-Pathen ta chei kae. Raleichunga mihring hiseng kâra ama’n ami sik a ahlopdet a akadeisōt jo chei kae.

HEBREWHEI 11:16

Khava kanek a akaṭhachet ram, marvântinga ram kha antarangei jôk kae. Khava jâra Pathen in anmani Pathen a’nti sik kha inzak mak, ajârchu ama’n khōpui inkhat anmani sik amantluk pek jo hei.

PETER INKHATNA 2:10

Pha khat a nangni Pathen mi leichang mak chei, tâk tûnchu ami kachang jo chei; pha khat a nangni Pathen maritna leimanhret mak chei, tâk tûnchu amaritna chei kha nanchen joa kae.

ṬONGPHÔNG 21:3

Khana len in-ongna inphut rasa inhnaktak a jōng kaṭong ke’n katheia hing’hin ahri: “Tûnchu Pathen inn kha mihring leh ka-omsap jo! Ama’n anmani a-ompui sik hei, khana anmani ami kachang sik hei. Pathen khet in a-ompui sik hei, khana ama an-Pathen kachang sik.

ṬONGPHÔNG 21:7

Khava torna kanei mihei khan hivahi keia inphut achen sik: Kei anpa Pathen kachang sik eng, khana anmani kasa kachang sik hei.