SŌKSŌT 6:4 - LEKHARABU INTHENG (BSI)

⁴ Khōhme kapōa anleiomna Canaan ram kha kapek sik hei tia ke’n anmani leh intepna kha’m kaleinei jo.

SŌKSŌT 6:4 ပူးပေါင်းရင်းမြစ်များ

A’NPHUTNA 12:7

Khana khan Rōngpu kha jōng inlâra Abram hneng, “Hiva ram hi ke’n natu-nasahei kapek sik ram kha kae,” ati. Khava pha Abram in ajōng inlâr Rōngpu hneng maichâm inkhat asyempek joa kae.

A’NPHUTNA 15:13

Rōngpu’n ahnenga, “Natu nasa, nasōnhei kha miram a khōhmea vaka-om sik hei; anmani kha sōk vakachang sik hei, mi’n êng kasetak a kum 400 khōdeng antamanthei sik hei kae.

A’NPHUTNA 15:18

Khava sōa khava hmun a khan Rōngpu’n, Abram leh intepna inkhat asyema, “Ke’n hiva ram Egypt a inphut Euphrates ramri katlung ram rakip hi nasōn-napâr hei hneng pek sik a intep eng;

A’NPHUTNA 17:13

Mi rakip vuntan et sik, khana hivahin kei leh nang intepna ahei tik a ka-om ti malârna sik a taksa mêrchîkna inkhat sik kha kae.

A’NPHUTNA 17:4

“Ke’n nang leh hiva ṭong intepna hi kasyem kae, nang jât katamtak hei anpusōn akachang sik che kae tia kei a’ntep eng kae.

A’NPHUTNA 23:4

“Kei hinahin nankâra khōhme inkhat a ka-om eng; kanuhmei hrena sik ram ahlek kahnenga ajōrpek ruh.”

A’NPHUTNA 26:3

Nang hinahin om roh, ke’n ka’nṭhōipui sik che, mahâmṭhat kapek sik che. Ke’n hiva ramkei seng hi nang leh natu-nasahei kapek sik chei. Ke’n napa Abraham hnenga kaṭong leitep kha kamathlung sik kae.

A’NPHUTNA 26:4

Ke’n marvâna ârsi ja, tu leh sa katamtak kapek sik che, khana anmani hiva ramṭhen tahōm seng hi kapek sik hei. Nang sōn leh pârhei mahâmṭhat kapek hei kapōa mahâmṭhat pekna sik a jât rakip inum anta hongder sik eng kae.

A’NPHUTNA 28:13

Khana khan Rōngpu’n ahnenga leikangira kae. Ama’n, “Kei Abraham leh Isaac Pathen Rōngpu eng kha kae. Nang in najena ram hi nang leh nasōn-napâr hei kapek sik chei kae.

A’NPHUTNA 28:4

Ama’n Abraham hneng vâng aleipek kapōa nang leh nasōnhei chunga vâng pek chei rasoh; Pathen in Abraham aleipek jo, nava omna ram kha nang chen chang jo rasoh,” ati.

A’NPHUTNA 6:18

tâk nang chu ṭong intepna inkhat kaneipui sik che. Nang in nasahei, annuhmeihei, nanuhmei leh inṭhōia rakōng shunga khan om ruh.

SAMUEL INHNINA 23:5

Khang’khan Pathen in kasōn kapâr hei kha vâng apek sik hei, ajârchu ama’n ahei tik chen a sik a a’nteppui jo eng, akakōimak sik inhnōmna, a’nthleng mak sik jo intepna kae. Khavakha kei tamadu kae; khavakha kei retorna kae, khana Pathen in alatlosōt sik kae.

HLAHEI 105:11

Ama’n aleiti, “Ke’n Canaan ram kapek sik che. Khavakha nang chen kachang sik jo.”

HLAHEI 105:12

Pathen mihei kha katlôm hei khana Canaan ram a khōhmehei kae.

SŌKSŌT 13:4

Nangni’n Maṭai inti thla hma inkeipen shunga hiva kani ning hin Egypt nantadahlon kae.

SŌKSŌT 13:5

Canaanhei, Hit-hei, Amorhei, Hivhei, khana Jebush-hei omna ram kha kapek sik chei tia Rōngpu’n nanpa-nanpuhei hneng kalûrtak a ale’ntep kae. Ama’n khava sâng ṭhatna leh athai omna ram khan aṭhōi mathlung chei pha, hiva sâktlâng hi akumtina thla hma inkeia nantanit ṭhak sik kae.

SŌKSŌT 6:8

Ke’n Abraham, Isaac leh Jacob hei hneng pek sik a kalei intepna ram a khan nangni kaṭhōi sik chei; khana khavakha nanta-akachang sik a kapek sik jo chei. Kei Rōngpu eng kae.”

ISAIAH 55:3

“Tûn rangei ruh, kamihei, kahnenga hong ruh; kahnenga hong ruh, nangni’n hringna nanchen sik! Ke’n nangni leh intepna kahnettak kasyem sik, khana David hnenga kaṭongkam mahâmṭhatna kha kapek sik chei.

MIJAHEI 10:29

Moses’n anuhmei naipa Jethro sapa Midian mi Hobab hneng ati, “Rōngpu’n keini apek sik a ahrina hmun kajōna a’nphut sik jo ung kae. Ama’n Israel nei leh haona sik a le’ntep, khava jâra, hong roh inṭhōi rih, kannei leh kanhaona hei kha kanchen pui sik che.”

ṬŌNTLOHEI 7:5

Tâk-kha khava laitak khan chu ram ahar kahlekbek um Pathen in Abraham kha leipek mak, achang ravâng ama leh asōnhei sik a ram kapek sik hei tia Pathen kha le’ntep. Khanga Pathen in intepna aleineilai khan Abraham in sa inkhatbek leinei mak.