SŌKSŌT 6:1 - LEKHARABU INTHENG (BSI)

¹ Khava sōa Rōngpu’n Moses hneng, “Tûnchu rengpa hneng heimo katlo ti kha nang in nahmu sik jo. Kamihei aman sesōtna sik hei ke’n ama rumhrat a katlo sik kae. Kadiktak a ama’n aram shunga inphut anmani ahnong sōtna sik hei rumhrat a katlo sik,” ati.

SŌKSŌT 6:1 ပူးပေါင်းရင်းမြစ်များ

RENGHEI INHNINA 7:19

khava ṭong kha ṭōnkarônpa khan amasôn, “Khavakha sōk theimak ning, Rōngpu khet in inrangtak a sâng leh be ahei tir sik inum changthei mak jo ning!” aleitia kae. Khana Elisha’n amasôn, “Nang in khava omchen akasōk khachu nahmu sik, tâk-kha thlai inkhatbek sâk hêrmak tin che.”

RENGHEI INHNINA 7:2

Rengpa taheiṭhōi akahrungpa inkhat khan Elisha hneng, “Khavakha sōk theimak ning, Rōngpu khet in inrangtak a sâng leh be ahei tir inum ethei mak ning!” ati. Elisha’n amasôn, “Khava akasōk khachu nahmu sik, tâk-kha nang chu thlai inkhatbek kha sâk hêrmak tin che.”

THUHMINGHEI INHNINA 20:17

Hiva re hi nangni tatuk sik changmak. Nan-omna hmun rōk kha inhlō unna hngâk hnâm hei ruh; Rōngpu’n retorna apek sik chei kha nanhmu sik. Judah leh Jerusalem mihei, inkei-chiona khana ṭitna neimak ruh. Re sik a sesōt jo ruh, Rōngpu’n a-ompui sik chei!”

HLAHEI 12:5

Rōngpu’n ati, “Tâk-kha, tûn kei kajōng sik eng ajârchu akatlasam hei kha ansuk manrim jo hei tlo manrima aka-om hei annat ande hla a inkōi jo hei. Antarangei inhrungna kha kapek sik jo hei.”

HLAHEI 12:6

Rōngpu intepna kha taksenthei kae; dangka intheng kapōa inthengkhet, ve sari sêmphu hmeia a’nro intheng kapō kha kae.

HLAHEI 136:12

akut rathahrat vâng leh abân rathahrat vânga aheiṭhōi hei; alungsetna kha kumleikōa kae.

HLAHEI 89:13

Heituk a ratha kanei che mo! Naratha hratna hi heituk a akalen jo mo!

SŌKSŌT 11:1

Khava sōa Rōngpu’n Moses hneng, “Ke’n Egypt rengpa leh amipuihei chunga karâkna inkhat rōk kalajōngtir sik. Khava sō leh chu amansesōt sik jo chei. Kadiktak a hiva hmun a inphut nankhenga ahnong sōt sik jo chei.

SŌKSŌT 12:31

Khava jântak a khan rengpa’n Moses leh Aaron mi ava manbek heia, “Nangni leh nanmi Israelhei seng, sesōt jo ruh! Karam dahlon jo ruh; nantader eng kapōa se una nan-Rōngpu kha vakamuk jo ruh.

SŌKSŌT 12:33

Egypt mipui he’n ram kha inranga andahlonna sik ankahnot jo hei; anmani’n, “Nanidahlon loimak inchu, keini kathisō sik jo ung,” anti.

SŌKSŌT 12:39

Egypt a inphut anta heirôn jâmdi khana inphut buhlom anleisyem, ajârchu anmani sōkphutrōia Egypt a inphut anhei hnongsōt jo hei jâra sâk leh in syemna pha leihmu mak hei a-emak leh chephi buhlom syemna sik le’ntluk manmak hei.

SŌKSŌT 13:14

Hnunga, nansa inkhat in hiva nitna intlo hi heitina mo tia ander chei inchu, ‘Rōngpu’n rathahrat ahmanga keini Egypt a sōk kanchangna inphut ahong ṭhōisōt ung kae,’ tia nanta manthei sik kae.

SŌKSŌT 13:16

Hiva nitna hi nikut a a-emak leh nimachea heimo inkhat nikhit kapōa mandonsōtna inkhat sik a kae; Rōngpu’n eini Egypt a inphut arathahrat kalentak vâng aheiṭhōisōtna me kha mandonsōtna amannei sik me.’ ”

SŌKSŌT 13:3

Moses’n mipuihei hneng ahri, “Egypt ram a sōk changna hmun a nanhei sōksōtna kani hi mandonsōt ruh. Rōngpu’n hiva kani ning hin atorna rathahrat vâng aheiṭhōisōt chei kae. Chephi buhlom inkhatbek sâk mak sik kae.

SŌKSŌT 13:9

Hiva nitna hi mandonsōtna sik a kae, nankut bânna a-emak leh nanmachea heikhat a’nkhit kapō jo kha kae; khava khan Rōngpu dân teina leh inthemchûk ṭhakna sik mandonsōtna amannei sik chei, ajârchu Rōngpu’n arathahrat vâng Egypt a inphut ahong ṭhōisōt chei.

SŌKSŌT 14:13

Moses’n amasôn hei, “Ṭitmak ruh! Nan-omna hmun a khan ngir et ruh, Rōngpu’n nangni hukna sik a heimo atlo ti kha tuning nanhmu sik; hiva Egypt hei hi hmuhêr nôk mak jo tin chei.

SŌKSŌT 15:6

“Nakut changting kha, Rōngpu, ratha aneia ṭit ka-om; inrepuihei kha navōk manhar sik hei.

SŌKSŌT 7:5

Anmani kadōia kabân hi kakalâng pha khana Israelhei kha anrama inphut kaṭhōisōt hei sōa khan chu kei Rōngpu eng kae ti hi Egypt mihe’n anhong manhret sik jo,” ati.

ISAIAH 63:12

Aratha neina vânga Moses inphut ṭōn kalen katlo, tui-ôngpui kasuṭhen, amihei tui inthûk shunga akaṭhōisōt, ahei tik a rahming inthang chenna kanei Rōngpu kha khon mo aka-om?” Rōngpu’n aching heia anmani kha ram shakor kapōa kethon inchak hei, khana tluhêr mak hei.

MIJAHEI 11:23

Rōngpu’n amasôn, “Karatha neina hi, abângna aka-om mo? Ke’n heimo kaleihri kha asōk leh asōk mak nahmu bei sik jo.”

MIJAHEI 23:23

Israel phung leh jât-hei dōina sik a, Hmitphedôi leh dôi ṭong inhmang mak. Tûnchu mihe’n Israelhei chunga hinga anti sik, ‘Enruh Pathen in heimo atlo jo!’

ṬŌNTLOHEI 13:17

Israel mipuihei Pathen khan kanpi leh puhei kha alei kadeisōt heia khōhme inkhat a Egypt ram a anleiom shunga jât kalentak a aleisyem hei. Aratha hratna vâng Egypt a inphut Pathen in aleiṭhōisōt hei,

DÂNRABU INHNINA 32:39

“‘Kei khana kei rōk Pathen eng kae, ahlop pathenhei kha akadik changmak hei. Ke’n kathat khana ke’n hringkhō kapek, ke’n kamantôn khana ke’n kaman dam, katlona rakip a tûte’num akhârtor mak hei.

DÂNRABU INHNINA 4:34

Egypt ram a Rōngpu nan-Pathen in atlo kapōa, mipui inkhat kha jât-hlop inkhat heia inphut akalosōt sik leh ami khet manchangna sik a akase hnōm kha tu pathen inmo atlo jo? Nanhmai kung khet a ama ratha hratna leh atorna aleihmang jo; ama’n hrise leh re alei mansōk, mêrchîkna leh det-hla ka-om, khana ṭit ka-om tak alei mansōk hei.