SŌKSŌT 4:13 - LEKHARABU INTHENG (BSI)

¹³ Tâk-kha Moses’n amasôn, “Changmak, Rōngpu, lungsettak a tu mo inkhat tir jo roh,” ati.

SŌKSŌT 4:13 ပူးပေါင်းရင်းမြစ်များ

A’NPHUTNA 24:7

Marvân kasyem Rōngpu’n kanu kapa inna leh ka-innkōhei ram a inphut aheiṭhōisōt eng, khana ama’n katu kasahei hiva ram hi apek sik heia ka-ôrtak a intep a kae. Nang in kasapa nuhmei sik inkhat naheiṭhōi torna sik ama’n nahma angeva ahei tir sik.

A’NPHUTNA 41:35

Akahong sik kum kaṭha shunga sâk leh in rakip khôm manbukna sik ṭong pek hei roh; khōpui rakip a hmuchi khôm mantûp a khavakha hrungna sik a ratha pek heiroh.

A’NPHUTNA 48:16

Insuksetna rakip a ani kahuksōt ngeva khan vâng pek hei rasoh! Karahming leh kapa Abraham, Isaac rahming anmania inphut omṭhak rasoh! Anmani hin sa katamtak leh sōn leh pâr katamtak nei hei rasoh!” ati.

RENGHEI INKHATNA 19:4

Elijah kha sûn nilun ram thōia leikalôna kae. Ama inhnga a thingkung inkhat hnōia le’n ong khana akathi sik a le’ndona kae. Derna aneia, “Hichu akherei jo, Rōngpu,” ati. “Kahringkhō hi losōt jo roh; kathi hin kaṭhadet sik jo!”

SŌKSŌT 23:20

“Ke’n, kamantluk pek chei hmun kajōna nasena nanhma nankahrung sik leh nankaṭhōi sik ngeva inkhat kahongtir pek sik chei.

SŌKSŌT 4:1

Khava sōa Moses’n Rōngpu kha amasôna, “Tâk-kha ahlam inkhat a Israel he’n kaṭong hri kha taksen mak jo hei, khana rangei mak jo hei. Nang kha kahnenga inlârmak che anti’nchu heimo katlo sik?” ati.

SŌKSŌT 4:12

Tûn, se roh! Ṭong hritheina sik ka’nṭangpui sik che, heimo nahri sik kamanthei sik che,” ati.

SŌKSŌT 4:14

Khava pha Rōngpu’n Moses chunga ahnuk kana joa aheiti, “Nasō-puipa Aaron, Levi kha-e heikhonga? Ṭonghri kathem ti ke’n kamanhret. Ama tûn nang intōpui sik a kahong khana nang inhmupui sik kha inpâk sik.

JEREMIAH 1:6

Ke’n kamasôn, “Chunghnung Rōngpu, heikhonga mo ṭonghri sik kei lamanhret mak eng; naipangtek lakachang eng.”

JEREMIAH 20:9

Tâk-kha ke’n hinga, “Rōngpu hi kamahngi sik jo arahminga ṭong hri nôk mak jo ning,” kati pha, naṭong hin kashunga hmei kapōa inhnak a akâng ri eng. Torchena sip katia dena sik katlo, tâk-kha akasôt detor mak eng.

JONAH 1:3

Khannum, Rōngpu ṭongpek a inphut inphesōtna sik Jonah’n ram hlop inkhat ting kase jo. Ama’n Joppating kasea Spainting akase sik a a’ntluk tuipui rakōng inkhat ahmu jo. Ama’n rakōng chōngman apek a Spaina akase sik a rakōng katôrhei kâra kake jo, Rōngpua inphut tlânsōtna sik atlo jo.

JONAH 1:6

Rakōng katôr hlamkakei pa’n avahmua ahnenga ati. “Akajea aka-om che hi heimo natlo? Thōi ina nata-ôi pathen hneng der roh. Lungset a arôn me’nchu anibômthei sik me.”

MATTHEW 13:41

Mihring Sapa khan marvân ngevahei ajōngtir sik hei, khana anmani’n a-Rengram shunga mikasu inpaihei leh ṭhatmak katlo rakip ankhôm mantûp sik hei,

JOHN 6:29

Jesu’n amasôn hei, “Pathen in nangni amantlo hnōm chei ṭōn kha hi kae; ama’n ajōng tirpa kha taksen ruh.”

ṬONGKATANHEI 2:1

Rōngpu ngeva Gilgal a inphut Bokhima kasea Israelhei hneng ahri, “Ke’n nangni Egypt a inphut kaheiṭhōisōt chei khana nanpu sōnhei hneng kale’ntepna ram a kaheiṭhōi chei. Ke’n nangni hneng kaleihri, ‘Ke’n nanhnenga kale’ntepna ahei tik a’m makhōimak ning.