SŌKSŌT 32:8 - LEKHARABU INTHENG (BSI)

⁸ Anmani’n antajui sik a kaṭong pek hei kha andahlon jo; sana anmanjora sehratche ansyema ankamuk jo, ahnenga inthoina antlo jo. Anmani’n khavakha Egypt a inphut anhong kaṭhōisōt an-pathen anti jo.

SŌKSŌT 32:8 ပူးပေါင်းရင်းမြစ်များ

RENGHEI INKHATNA 12:28

Khanga amandon joa, ama’n sehrat chere 2 sana vânga asyema amihei hnenga hinga ati, “Nangni Jerusalema kamukna sik pha kasôttak kase jo chei. Israel mipuihei, Egypt a inphut nankaṭhōisōt nan-pathen hei kha hin ka-om jo!”

NEHEMIAH 9:18

Anmani’n sehratche kapō lim inkhat anleisyem khana Egypt a inphut anhei kaṭhōi kha hiva Pathen hi kae anti! Heituk a inzakna antapek jo che mo!

HLAHEI 106:19

Sinaia sana vâng sehrat chete lim ansyema, khava limsyem kha ankamuk;

HLAHEI 78:36

Tâk-kha anṭonghri hei chu maleisei rōk kae; malung inthenga antahri inkhatbek om mak.

SŌKSŌT 20:23

Kei tei loa kamuksa sik a dangka a-emak leh sana vânga nanbinga pathen lim syem mak ruh.

SŌKSŌT 22:20

“Tu achang inum Rōngpu kei hnenga tei loa pathen lak hnenga ava’nthôi mi kha thina pek ruh.

SŌKSŌT 32:4

Ama’n kōrton kha aloa, amanjora lim syemna abun a Sehrat chete inkhat asyem jo. Mipuihei khan anhri, “Eh Israel, Egypt a inphut ani hongkaṭhōisōt pathen kha hi kae.”

SŌKSŌT 34:15

Khava ram mihei leh inhnōmna heite neimak ruh, ajârchu an-pathenhei kamuk pha inthoina annei pha anmani’n anbek sik chei, khana an-pathenhei hneng antatōk thlai kasa sik anmathlem sik chei.

ISAIAH 46:6

Mihe’n ansêrkōk anmahlânga sana anbun mathlâk; anmani’n khartena vâng dangka kha akahrik ante. Anmani’n Sana kakheng mi inkhat pathen kasyem sik annek; khava sōa inkun heia ankamuk jo!

JEREMIAH 31:32

Hivahi ke’n anpu anpahei Egypt a inphut ankut kamatua kaheiṭhōisōt hei pha intepna marō kha leh in-ang mak ning. Kei hi anpuise kapō kha kachang inum khava intepna kha nitmak hei.

LEVI-DÂN 17:7

Israel mipui he’n ke-ṭai hnenga inthoina anranhei kha hleipuk heia antathat a Rōngpu ṭong kajuimak kha akae hêrmak sik hei kae. Israel mipui he’n hiva chôndânhei hi akahong sik pha rakip a antanit sik kae.

DÂNRABU INHNINA 32:17

Akadik mak pathen hneng inthoina antōk, anpu anpa he’n antamanhret hêrmak pathen ather hei, Israel in anta leijui hêrmak pathenhei.

DÂNRABU INHNINA 9:12

“Hivasōa Rōngpu’n kahnenga ahri, ‘Tûntak hin tlânga inphut ṭumsuk roh, ajârchu nang in Egypt a inphut naheiṭhōi mihei dikmak jo heia ṭhatmak antlo jo. Ke’n anmani tatlo sik a ṭong kapek heia inphut inhesōt hei, lim inkhat anbing sik a ansyem jo.’

DÂNRABU INHNINA 9:16

Rōngpu nan-Pathen in apek chei ṭongpek kha nangni’n leijui mak jo chei ti hi ke’n kamanhret, khana sehratche lim sum-êng vâng nansyema ama kadōia ṭōnse nanleitlo jo.

JOSHUA 22:15

Gilead ram a Reuben, Gad khana Nisō langa Manasseh mihei hneng kahong hei,

ṬONGKATANHEI 2:17

Tâk Israel he’n hlamkakeihei ṭonghri leidon mak hei. Israel kha Rōngpu hneng taksenthei changmak jo khana pathen hlop hei ankamuk jo. Anpusōn he’n Rōngpu ṭongpek anleijui, tâk hiva khangtherhei chu inrangtak a kabâng jo hei.

ṬONGKATANHEI 8:24

Ahri manjōma, “Ke’n nanhnenga ṭong inkhat der chei rong. Nangni inkhat et in nantachomsōt sana kōrton seng kha ahei pek ruh.” (Midihei kha, alak nêrdiram mihei kapōa sana kōrton antona kae.)