SŌKSŌT 32:32 - LEKHARABU INTHENG (BSI)

³² Lungset hei ina ansetna rangei mandam hei roh, tâk narangei mandam mak sik he’nchu namipuihei rahming namazet manhlutna lekharabua inphut kei rahming kha losōt jo roh.”

SŌKSŌT 32:32 ပူးပေါင်းရင်းမြစ်များ

SAMUEL INHNINA 18:33

Rengpa kha inrimna’n amakhusi jo. Kekot chunga innden a khan kaketoua kaṭap jo. Akepum a kaṭap a, “O kasapa! Kasapa Absolom! Absolom, kasapa! Nang kathlenga kei macheng kalei thi’nchu tâk-e, kasapa! Absolom, kasapa!” ati jo.

HLAHEI 139:16

kalei intetmak lai nang in naleihmu jo eng. Heite inkhat a’nphut mak hma kei sik ale’ntep kanihei kha natintana lekharabua naleikhumsa jo hei kae.

HLAHEI 56:8

Hinghrep ka’nrengna hi namanhret; kahmit rathli sōkna hei kha namazet pek eng. Khahei kha nalekha rabu shunga in-gôra damak hei che mo?

HLAHEI 69:28

Hringna lekharabu shunga inphut anrahming losōt a om rasoh; namihei rahming mazetna shunga khan inveisa mak hei rasoh.

SŌKSŌT 32:10

Tûnchu, akhâm mak jo roh. Anchunga kahnuk kana jo, kasuk manhmang sik jo hei kae. Khava sōa nang leh nasōnhei kha jât kalena kasyem sik jo chei.”

ISAIAH 4:3

Jerusalema dahlona laka-om seng, Pathen in akahring sik a akadeisōt senghei kha a’ntheng a’nti sik hei kae.

EZEKIEL 13:9

Hmangtalâr kadikmak leh hlamlea ṭhōi theina hnungṭong kahri sânkathem nangni ke’n karâkna kapek sik chei. Kami he’n inbektōna annei pha nangni chu khan leiom mak tin; Israelhei ram mi changna lekharabu shunga nanrahming inveisa mak ning; nangni nanrama inle hêrmak tin. Khan chu nangni’n kei hi Chunghnung Rōngpu eng kae tia nanhong manhret sik eng.

DANIEL 12:1

Pōn innem kasi ngeva khan ahri, “Khava pha nami kahngâk ngeva kalen Michael, he’nlâr sik. Khava sōa jât he’n anhei ombia inphut akaṭhamak tak omchen, inrengna pha kha kahong sik. Khavakha ahong pha, Pathen lekha shunga a’nzet najât mi rakip huk sik hei kae.

AMOS 7:2

Kahmangtalâr a khan ram shunga phidông rakip khâikhu he’n antasâkpet kha kaleihmu, khan ke’n kati, “Chunghnung Rōngpu, namihei rangei mandam hei roh! Anmani heikhong inmo akahringtor sik hei? Anmani katlôm hei khana katlasam hêr hei!”

MALACHI 3:16

Khan chu Rōngpu kaṭit seng khat leh khat inbek hei, khana Rōngpu’n an-inbekna kha arangei heia athei pek hei. Ama hmaikunga, lekha inkhat shunga Rōngpu kaṭit leh kajana kaneihei rahming kha anmazet manhlut jo.

MALACHI 3:17

Akahratpen Rōngpu’n ati, “Anmani kami kachang sik hei. Ke’n ṭōn kha katlosōt ning khan anmani katak khet kachang sik jo hei. Apa khan ama inzen asapa alungset kapōa ke’n anmani kalungset sik hei.

MIJAHEI 11:15

Hinga natlo sik eng achang inchu, nang hnuk kase kha kathok nôk makna sik a alungset ina athat jo roh.”

MIJAHEI 11:25

Khava sōa Rōngpu kha sumtuk hlom kâra jōng kaṭuma ahnenga ahri jo. Ama’n Moses chunga ratha aleipek kha ṭhahrep alosōt a upa hlamkakei 70 kha apek jo hei. Rathla kha anchunga ajōng chu pha sânkathemhei kapōa ông leh peng anphut jo, tâk sôtmak a kae.

MIJAHEI 14:19

Tûnchu Rōngpu inthlengtik kaneimak nalungset kalen vâng khan, Egypt ram anhei dahlon ninga inphut nahei rangei mandam hei kapōa, hiva mihei hi rangei mandam hei roh tia kangek che.”

LUKE 10:20

Tâk-kha rathla kaṭhamak he’n nanṭong anjui jâra inpâk mak ruh, khava kanek a marvân chunga nanrahming a’nzet inhlut jâra inpâk jôk ruh.”

LUKE 23:34

Jesu’n ati, “Apa, rangei mandam hei roh! Ajârchu anmani’n heimo antatlo manhret mak hei.” Khana anmani’n ankâra vâng-enna anneia azakkō kha insem jo hei.

ROMANHEI 9:3

kataksa leh kathisenkhet kamihei sik a tia kahri pha, kamalei seimak ti hi amanchên pek eng. Ajârchu, anmani sik jâra kei Pathen hâksêr akachen leh Christa a inphut ṭhensōt inkhat a indon eng.

DÂNRABU INHNINA 25:19

Khan chu, Rōngpu nan-Pathen in ram kha apek chei pha, nankimvea ka-om nankadōi heia inphut inhukna apek chei pha, tu inkhat in anmani amandonsōt makna sik heia, Amalek rakip thatpetna sik intluk ruh. Mahngi mak ruh!

DÂNRABU INHNINA 29:20

Rōngpu’n khava kapō mi kha rangei mandam mak ning. Khava kanek a, Rōngpu hnuknat kakhôk khan khava mipa chunga kakâng sik, Rōngpu’n mipa kha amanhmang cher hma seng hiva lekha a a’nzet inrimna rakip achunga katlung sik.

DÂNRABU INHNINA 9:14

Kei khâmna sik a eitlo mak jo roh. Tûte’n anmani anmandonsōt makna sik hei manhmang pet sik heia kamandon jo. Khava sōa ke’n nang chu anmani kanek a akatam leh ratha kanei jât inkhat hei pa kamanchang sik che.’

PHILIPPIANHEI 4:3

Khana taksenthei kaṭōn tlopui hei, nangni um hiva nuhmeihei hi nanta’nthōpui sik heia kamadu chei; ajârchu anmani hin, akahring Pathen lekharabu a’nzet jo Clement leh kaṭōn tlopui heirakip leh, Pathen ṭong intheng semsōtna khan kei leh kahrat a ṭōn kanta leitlosap kae.

ṬONGPHÔNG 17:8

Ranhring nahmu kha vōi khat leikahring, tâk tûnchu hringmak jo, ama kha suk manhmang theina sik adongna kase dôpkhura inphut ahei kasōkvet jo kae. Ralei ale’nphut mak hma hringna lekharabu shunga rahming ale’nzet inhlutmak raleichunga akahring he’n, ranhring kha anhmu pha inlak hêra anmandon et sik. Khavakha pha khat a leikahring; tûnchu hringmak jo, tâk avea laho’nlâr nôk sik.

ṬONGPHÔNG 21:27

Tâk-kha khōpui shunga khan a’nnim heite hlutthei mak ning, khan chu malei kasei leh inzakna ṭōnkatlo hlutthei mak ning. Kemōngte hringna lekharabu shunga arahming a’nzet hei rōk kha khōpui shunga akahlut sik hei kae.

ṬONGPHÔNG 22:19

Khana hiva sânkathem lekharabu ṭong heia inphut mi inkhat in heikhat alosōt inchu, hiva lekha shunga a’nhri khōpui intheng leh hringna thing kara chen sik a inphut Pathen in ama chen alosōt pek sik kae.

ṬONGPHÔNG 3:5

Torna kaneihei kha hiva kapōa pōn kachek an-invon sik, khana hringna lekharabu shunga inphut anrahming losōtpek mak hei ning. Khana kapa hmaikunga leh angevahei hmaikunga anmani keita hei kae tia inlârtak a kaphông sik.