SŌKSŌT 32:12 - LEKHARABU INTHENG (BSI)

¹² Egypt mihe’n hing’hin nang in namihei Egypt a inphut naṭhōisōt hei leh tlâng chunga that manramna sik namantluk kae tia heisa mo antati sik che? Nahnuknat kha hai roh; namandonna kha thleng roh, namihei chunga hiva thi leh nat hi heichoi mak roh.

SŌKSŌT 32:12 ပူးပေါင်းရင်းမြစ်များ

A’NPHUTNA 6:6

mihringhei hi heijâra mo kaleisyem hei khana raleichunga kaleida hei tia amandona amalung leihōi mak jo. Amalung kha insîr na’n kasip jo

RENGHEI INKHATNA 8:51

Khava hmei kasuk ratap, Egypt a inphut naheiṭhōisōt anmani kha nami khet hei kae.

EZRA 10:14

Nihlam kakei he’n Jerusalema om hei sona hiva ṭong hi ensui hei rasoh. Khana jât-hlop jōr kalo hei seng kha pha intepna shunga ama ama khōpuia hlamkakei leh ṭongkatanhei leh hongsap hei rasoh. Hing’hin Pathen hnuk natna kha niman bâng sik kae.”

HLAHEI 106:45

Anmani jâra khan aṭongtep kha ahong mandonsōt, khana alungset len jâra anchunga amalung athleng nôk.

HLAHEI 74:18

Tâk-kha na’nrepui he’n anmanuisōna che kha mandon roh, O Rōngpu, anmani chu Pathen neimak hei, khana nang anhnōise chea kae.

HLAHEI 78:38

Achang ravâng Pathen inchu amihei alungset hêr hei. Ansetna arangei mandam hei, suk manhmang mak hei. Pha katamtak ahnuknat kha akei male, ahnuk inthak kha aleikhâm.

HLAHEI 85:3

Anchunga nahnuknat nabâng jo, khana nahnuknat ṭit ka-om tak kha nasur male jo.

HLAHEI 90:13

Nahnuknat kha heituk mo alakasôt sik? O Rōngpu, nasōk-hei chunga lungset hei roh!

SŌKSŌT 32:14

Khava jâra Rōngpu’n amalung athlenga amihei chunga ṭōnse tlo sik a maṭhitna aleinei kha tlomak jo.

SŌKSŌT 33:13

Tûn khanga achang inchu, nasepa katloa namalung tlaina manjôn theina sik, naṭōn mantluk hei kha amanthei roh. Hiva jât-hei hi nami sik a nakadeina hei kha’m mandonsōt roh.”

ISAIAH 64:7

Tûte nahnenga derna ahong kanei om mak; tûte inkhatbek inṭangpui sik a nahnenga akahong om mak. Keini kansetna jâra nadahlon jo unga keinia inphut nabinga inthup jo che.

ISAIAH 64:8

Tâk-kha nang kanpa, kan-Rōngpu che kae. Keini ralei matlak kapō ung kae, khana nang be kakheng kapō che kae. Nang in keini nasyemsōt ung,

JEREMIAH 28:16

Khava jâra Rōngpu atak-khet in nang hi alosōt sik che kae ati. Hiva kum hi athleng mak hma nang kathi sik jo che, ajârchu nang in mipuihei kha Rōngpu dōina sik namathok heia kae.”

EZEKIEL 20:14

Tâk-kha ke’n leitlo mak eng, ajârchu Egypt a inphut Israel kaheiṭhōisōt hei pha ankahmu jât-hlop hei kâra karahming setna kachang sik a kae.

EZEKIEL 20:22

Tâk-kha kei leitlo mak eng, ajârchu Egypt a inphut ke’n Israel kaheiṭhōisōt laia ani kahmu jât-hlop hei kâra karahming setna kachang sik.

EZEKIEL 20:9

Tâk-kha ke’n tlomak jo eng, khavakha achang inchu karahming setna kachang sik jo, ajârchu anmani ta-ompui jât mihei hmaikunga Israelhei hi Egypt a inphut kaṭhōisōt sik hei kae tia kalei phôngsōt dek a kae.

JOEL 2:17

Bek-inn kot hlutna leh maichâm kâra Rōngpu inzen thempuhei kha akaṭap heia antader sik kae: “Rōngpu, namihei lungset hei roh, jât-hlop he’n ‘Nan-Pathen kha khon mo ka-om?’ antia keini chunga hmumasina leh hnōisena mantlomak hei roh.”

AMOS 7:3

Rōngpu’n amalung athlenga ahri, “Natahmu kapōa sōk mak jo ning.”

AMOS 7:6

Rōngpu’n amalung athleng nôk a ati, “Hivahi’m sōk mak jo ning.”

JONAH 3:9

Pathen in amalung heithleng um aya, ahnuknat kha’m kahai thei, khan chu eini thimak min!”

ZECHARIAH 8:14

Chunghnung Rōngpu’n ati, “Nanpusōn he’n kahnuk anmannat eng pha, anmani chunga inhmangna kamantluk, kamalung thlengmak eng, tâk kamantlukna kha katlosōt a kae.

MIJAHEI 14:19

Tûnchu Rōngpu inthlengtik kaneimak nalungset kalen vâng khan, Egypt ram anhei dahlon ninga inphut nahei rangei mandam hei kapōa, hiva mihei hi rangei mandam hei roh tia kangek che.”

MIJAHEI 16:21

“Hiva miheia inphut kahnungting intet ruh, inrangtak a kasuk manhmang sik jo hei kae.”

DÂNRABU INHNINA 13:17

Manhmang sik a maset jo neinâk inkhatbek nangni sik a inda mak ruh, khan chu Rōngpu’n ahnuknat a inphut hong inhe sik a kha alungsetna kha amanhmu sik chei. Nanpu-nanpahei hneng ale’ntepna kapōa,

DÂNRABU INHNINA 32:36

Rōngpu’n anmani ratha katlangsō jo ti kha amanhret a, amihei ahuk sik jo hei. Atlona sik heite neimak jo hei ti ahmu pha, ama inzenhei chunga lungsetna anei sik jo hei.

DÂNRABU INHNINA 9:28

Achangmak inchu, Egypt mihe’n nale’ntepna ram a khan namihei ṭhōitor mak jo hei che anti sik. Anmani’n anti sik, nang in anmani namater hei jâra nêrdiram a that sik a naṭhōisōt hei kae.

JOSHUA 7:26

Achunga hlung katamtak anbuk a tuning katlung khanga laka-om. Khava jâra khava hmun kha Inrengna Phaicham antia kae. Khava sōa chu Rōngpu kha ahnuk namak jo.

JOSHUA 7:9

Canaanhei leh ram shunga aka-om rakip in hiva chungchânga anthei sik jo. Anmani’n ankekhum sik jo ung khana anthatsō sik jo ung! Khan chu nang kajana heikhong inmo aka-om sik jo?”

SAMUEL INKHATNA 12:22

Rōngpu’n inthenga intepna anei, nangni dahlon mak chei ning, ajârchu nangni hi ama mi manchang sik cheia intluk a kae.