SŌKSŌT 3:18 - LEKHARABU INTHENG (BSI)

¹⁸ “Kami he’n anhnenga nahri pek hei ṭong kha anrangei sik. Khava sō leh nang Israel hlamkakeihei leh Egypt rengpa hneng se una hing’hin vahri ruh, ‘Rōngpu Hebrewhei Pathen kha kanhnenga hong inlâr jo. Tûn ni 3 hlam a nêrdi ramhânga Rōngpu kan-Pathen hneng inthoina katlo sik a ahnōm pek roh,’ vati ruh.

SŌKSŌT 3:18 ပူးပေါင်းရင်းမြစ်များ

A’NPHUTNA 12:1

Abram hneng ati, “Naram, na-innkōhei napa innshung dahlon roh, khana ke’n kaman hmuna sik che ram a khan se roh.

A’NPHUTNA 14:13

Rehmun a ahei katlânsōt mi inkhat in Amor mi Mamre intipa thingkung intheng hnenga aleika-om Hebrew mi Abram hnenga ṭong rakip kha avahri pek jo. Khava lai khan Mamre leh asōpuipa Eshkol leh Aner hei kha Abram leh alei inthōsap hei kae.

A’NPHUTNA 15:1

Khava sōa Abram in hmangtalâr inkhat aneia Rōngpu’n hinga ahri kha athei, “Ṭitmak roh, Abram, ke’n nang thina sik a inphut napho kachang sik eng, khana inpâkman kalentak kapek sik che.”

A’NPHUTNA 17:1

Abram kum 99 atluk pha Rōngpu ahnenga inlâra, “Kei Akahratpen Pathen eng kae. Kaṭong jui roh khana akadik tlo ṭhak roh.

A’NPHUTNA 48:3

Jacob in Joseph hneng, “Canaan ram Luz inti hmun a khan Akahratpen Pathen khan kahnenga inlâra vâng apek eng.

THUHMINGHEI INHNINA 30:12

Pathen inum Judah shunga ṭōn aheitloa khana mipuihei kha rengpa leh aṭōn karônhei ṭongpek anjuia Pathen lungdo tlona sik an-intlukna chunga khan inchuntheina amannei heia kae.

HLAHEI 110:3

Na’nrepuihei leh nan-intuk ning khan, namihei ratha kahroktak a inṭang sik hei. Jîngkâr hmatak a radaitui kapōa naretherhei kha nahnenga, natlâng inthenga khan kahong sik hei.

SŌKSŌT 10:3

Khava jâra Moses leh Aaron kase heia reng hneng, “Rōngpu, Hebrewhei Pathen in hing’hin ahri, ‘Heichen katlung mo kahnenga ahong inkun mak sik che? Kamipui he’n kei ankamuk theina sik eng masōsōt jo heiroh.

SŌKSŌT 17:5

Rōngpu’n Moses hneng, “Israelhei kâra hlamkakei ṭhahrep kadei heiroh, khana mipui hmating se ruh. Nang in Nile tuidung nalei vōkna khōnghre kha choi roh.

SŌKSŌT 19:1

Israel mipui he’n Rephidim kha andahlon jo, Egypt anlei dahlonna thla 3 tlukna kani hma-inkei ning Sinai nêrdiram hong katlung jo hei. Sinai Tlâng panga khan anmani’n ṭhumhmun anleisyem,

SŌKSŌT 25:22

Khava hmun a khan Ke’n ka’nhmupui sik che, ranhring 2 hei kâra thingbôm sing chunga Israel mipuihei sik a kadân rakip kha kapek sik che kae.

SŌKSŌT 3:12

Pathen in, “Ke’n nang ka’nṭhōipui sik che, nang in mihei kha Egypt a inphut naheiṭhōisōt hei pha hiva tlâng chunga hin nakamuk sik eng kae. Khavakha ke’n nang katirna che manchênna kae,” ati.

SŌKSŌT 3:16

Se roh khana Israel hlamkakeihei kha mantûp heiroh khana anpu sōnhei Pathen, Abraham, Isaac leh Jacob hei Pathen Rōngpu Ke’n, nahnenga kajōng inlârna hi hripek heiroh. Ke’n anhnenga kahong jo eng khana Egypt he’n anchunga heimo antatlo pek hei kha kahmu jo, tia hripek heiroh.

SŌKSŌT 30:36

Ṭhahrep lo ina suk mandi neng roh, ka-omna Pōn-inna choi roh, Intepna Bôm hma a kathek roh. Hiva ro-inthoina hi pui katluk a inthenga hmang roh.

SŌKSŌT 30:6

Hiva maichâm hi pinden inkheina vângting, Intepna Bôm hma khan da roh. Ke’n nang ka’nhmupui sik che kha khava hmun a kae.

SŌKSŌT 4:1

Khava sōa Moses’n Rōngpu kha amasôna, “Tâk-kha ahlam inkhat a Israel he’n kaṭong hri kha taksen mak jo hei, khana rangei mak jo hei. Nang kha kahnenga inlârmak che anti’nchu heimo katlo sik?” ati.

SŌKSŌT 4:23

Kei anikamuk theina sik a kasapa kha masō roh tia nahnenga kaleihri, tâk nang hnōm mak che. Tûnchu ke’n nasapa a’nte hma-inkei kha kathat sik kae.”

SŌKSŌT 4:24

Egypt jōnna hlam a anrephōr hmun a khan Rōngpu’n Moses kha ale’ntōpuia that sik a aleitlo joa kae.

SŌKSŌT 4:31

Rōngpu’n anhnenga ajōng phâk heia anmani mihe’n heituk êng kasetak a antatlo manrim hei mo ti kha avahmu jo ti ṭong kha anthei pha anmani’n anleitaksen jo, anmani inkun heia ankamuk jo.

SŌKSŌT 5:1

Khava sōa Moses leh Aaron Egypt rengpa hneng kase heia, “Rōngpu, Israelhei Pathen in, ‘Nêrdiram thōia kei kajana revei inkhat antlo theina sik kamihei mansesōt heiroh,’ ati,” anvati.

SŌKSŌT 5:3

Moses leh Aaron khan anma-sôna, “Hebrewhei Pathen khet kha kanhnenga inlâra kae. Rōngpu kan-Pathen hnenga inthoina katōk sik a nêrdi ramhânga ni 3 hlam a keini sena sik ahnōm pek roh. Keini’n kha kantlomak inchu keini hi nat a a-emak leh rea athat manram sik ung kae,” anti.

SŌKSŌT 7:16

Khana rengpa hneng hinga, ‘Rōngpu, Hebrewhei Pathen khan, nêrdi ramhânga ami he’n ama ankamuk theina sik naman sesōtna sik hei nahnenga akahri sik a kei hi ahei tir eng kae. Tâk-kha tûn kapha nang in rangei mak che.

SŌKSŌT 8:1

Khava sōa Rōngpu’n Moses hneng, “Reng hneng se roh khana manthei roh, Rōngpu’n hinga ati, ‘Kami he’n ankamuk theina sik eng, anmani mansesōt heiroh.

SŌKSŌT 8:20

Rōngpu’n Moses hneng ahri, “Jîngkâr hmatak se ina rengpa kha tuidunga asena hong inhmupui roh, khana Rōngpu’n hinga ati, ‘Kami he’n ankamuk theina sik eng, anmani mansesōt heiroh.

SŌKSŌT 8:23

Ke’n kamihei leh namihei kâra kakhōiṭhen sik hei kae. Hiva ṭōn-inlak hi jînga kasōk sik jo,’ vati roh,” ati.

SŌKSŌT 9:1

Rōngpu’n Moses hneng ahria, “Se ina reng hneng hinga vahri roh, Rōngpu, Hebrewhei Pathen in ahri, ‘Kamipui he’n kei ankamuk theina sik eng mansesōt heiroh.

SŌKSŌT 9:13

Khava sōa Rōngpu’n Moses hneng, “Jînga jîngkâr hmatak se una rengpa kha hong inhmupui inna, Rōngpu Hebrewhei Pathen khan hing’hin ahri ti ruh, ‘Kamipuihei khan kei ankamuk theina sik eng mansesōt heiroh,’ ati.”

ISAIAH 64:5

Ṭōn kadik katloa inpâkna kahmuhei leh nang tamadu dungjuia hringna sik a’ndon hei kha nang in naralam hei. Kanchunga nahnuk kana, kha’num kasetsa chet-chet ung; inhnaktak a nahnuk anat inum tenlaia inphut akadik mak kantlo manjōm a kae.

JEREMIAH 2:2

Jerusalema ka-om mi rakip hnenga hiva ṭong hi vaphôngsōtna sik a amanthei eng. “Ke’n kamandonsōt, nakhangdông changlai heituk-hrep a taksenthei aleikachang che mo, niluhông bilai khan chu heituk-hrep a nalungset eng mo; Nêrdiram a, heite kekmakna ram a khan naleijui eng.

JEREMIAH 2:6

Ke’n anmani Egypt a inphut kahuksōt heia, nêrdiram thōia: nêrdi leh khur kōk omna ram, ram chârna leh thitheina ram, khana mihring tûte omakna hmun, khana tûte lônlele makna sik ram a khan kaṭhōisōt he’num anmani’n heitea asakmak hei.

JEREMIAH 26:5

kasōk sânkathem kahei tir ṭhak hei ṭonghri chunga nanmalung nantamanhlut a kei hi nantajui nger sik eng kae. Anmani ṭonghri kha juihêr mak hei cheia kae.

MIJAHEI 17:4

Khahei kha ka-omna pōn-Inna choi hei roh, ṭongtep Bôm hma ka’nhmupuina che hmun a khan vada hei roh.

JOSHUA 1:17

Moses ṭong ahei tik a kantajui kapōa, nang kanjui sik che, khana Rōngpu na-Pathen in Moses a-ompui kapōa nang ompui che rasoh!