SŌKSŌT 3:12 - LEKHARABU INTHENG (BSI)

¹² Pathen in, “Ke’n nang ka’nṭhōipui sik che, nang in mihei kha Egypt a inphut naheiṭhōisōt hei pha hiva tlâng chunga hin nakamuk sik eng kae. Khavakha ke’n nang katirna che manchênna kae,” ati.

SŌKSŌT 3:12 ပူးပေါင်းရင်းမြစ်များ

A’NPHUTNA 15:1

Khava sōa Abram in hmangtalâr inkhat aneia Rōngpu’n hinga ahri kha athei, “Ṭitmak roh, Abram, ke’n nang thina sik a inphut napho kachang sik eng, khana inpâkman kalentak kapek sik che.”

A’NPHUTNA 15:8

Tâk-kha Abram in ader, “Rōngpu Chunghnung, hiva ram hi keita achang sik kha heikhong mo kamanhret sik?”

A’NPHUTNA 26:3

Nang hinahin om roh, ke’n ka’nṭhōipui sik che, mahâmṭhat kapek sik che. Ke’n hiva ramkei seng hi nang leh natu-nasahei kapek sik chei. Ke’n napa Abraham hnenga kaṭong leitep kha kamathlung sik kae.

A’NPHUTNA 31:3

Khava pha Rōngpu’n ahnenga, “Naram na-innkōhei omna inle jo roh. Ke’n ka’nṭhōipui sik che,” ati.

RENGHEI INHNINA 19:29

Khava sōa Isaiah in Reng Hezekiah hneng ahri, “Hivahi ahong kasōk sik omchen chîkna inkhat kae. Tûnkum leh abân kum a, ramhânga kakek hmuchi rōk nansâk sik, tâk-kha khava bânna kum a chu nanhmuchi nanvor thei sik, khana kara nankhôm thei sik, vomhrui nanling leh kara nansâk sik.

THUHMINGHEI INKHATNA 9:20

Eleazar sapa Phinehas kha Pathen in ompui rasoh! pha khat a ama’n alei ensui heia kae.

HLAHEI 86:17

Rōngpu, naṭhat manchênna kha amanhmu roh, inngamna leh inthōpuina napek eng kha anhmu pha, ani kahōt hei kha inzak sik jo hei.

SŌKSŌT 18:5

Jethro khan Moses nuhmei khana asa pase 2 leh inṭhōia nêrdiram a Moses ṭhumhmun tlâng inthenga kahong jo,

SŌKSŌT 3:1

Ni khat Moses’n aterpu Jethro, Midianhei thempupa, kemōng leh ke rup a-ensui pek lai hei, ran rup-hei kha nêrdiram arakanpui heia, Sinai Tlâng intheng katlung jo.

SŌKSŌT 3:13

Tâk-kha Moses’n amasôn, “Ke’n Israelhei hneng kase pha anhnenga, ‘Nanpu sōnhei Pathen khan kei nanhnenga ajōngtir eng kae,’ kati pha, anmani’n kei anider sik eng, ‘Ama rahming kha heimo?’ tia. Khan chu ke’n heimo kahri pek sik hei.”

SŌKSŌT 33:14

Rōngpu’n amasôn, “Ka’nṭhōipui sik che, khana re kamantor sik che.”

SŌKSŌT 4:12

Tûn, se roh! Ṭong hritheina sik ka’nṭangpui sik che, heimo nahri sik kamanthei sik che,” ati.

SŌKSŌT 4:15

Ahnenga ṭong nahri thei khana heimo hri sik kha namanthei theia kae. Ke’n nangni 2 ṭonghri theina sik a kabôm sik chei, khana heimo tlo sik kha nan-inhnia kahri pek sik chei.

SŌKSŌT 8:27

Ama ṭongpek ung kapōtak a, keini Rōngpu kan-Pathen hneng inthoi tōkna sik a ni 3 hlam a nêrdiram thōia akase sik ung kae.”

ISAIAH 37:30

Khava sōa Isaiah’n reng Hezekiah hneng ahri, “Hivahi nang sik a heimo ahong kasōk sik ti mêrchîkna akachang sik kae. Tûnkum leh abâna kum a ram thōia ahong inra kara kha nansâk sik, tâk abâna kum nôk joa khan chu nang in naram shunga hmuchi thlaichi nanvora nankhôma nantasâk sik kae. Khan chu vomhrui rahōn nanthlōa akara nasâk sik.

ISAIAH 41:10

Nangni ṭimak ruh – ke’n ka-ompui chei! Kei nan-Pathen eng kae — heite inkhatbek in maṭhitmak chei rasoh! Ke’n ka’nṭangpui sik chei khana kamanhrat sik chei; Ke’n kahrung sik chei khana kahuk sik chei.

ISAIAH 43:2

Nang in tui inthûk napetan pha, ke’n ka-ompui sik che; nang inrimna khan tor mak tin. Nang in hmeishunga narakan pha, akâng mak tin; akahong sik enmansinna inhnak-hei khan manset tor mak tin.

ISAIAH 7:14

Kha achang inchu kaṭha jo, Rōngpu ama khet in mêrchîkna inkhat apek sik jo che: achung kahrik nuhngâk inkhat in sapa inkhat anei sik arahming, ‘Immanuel’ tia anphō sik.

JEREMIAH 1:8

Anmani kha ṭitmak hei roh, ajârchu nakahrung sik a ke’n ka-ompui che. Rōngpu ke’n kahri jo hi kae!”

MIJAHEI 16:28

Moses’n mipuihei hneng ati, “Hiva ṭōn rakip akatlo sik a Rōngpu’n kei ahei tirna eng leh kalei tlosōt rakip hei kha kei bing maduna katlohei changmak ti hi hing’hin nanmanhret sik jo.

MIJAHEI 23:21

Ke’n kaleihmu khachu hnunga Israel chunga Vângsetna leh khōdengthei heisōk mak ning. Rōngpu an-Pathen khan a-ompui ṭhak hei; Anmani’n ama hi anreng kae tia anphông.

MATTHEW 28:20

khana kaṭong pek chei rakip hi anjuina sik manthei hei ruh. Khana pha a’nchaina katlunga ahei tik a ke’n ka’nṭhōipui ṭhak sik chei.”

MARK 16:20

Sonlehei kha kase heia hmun rakip a ṭong kaṭha anhrile jo, khana Rōngpu’n ṭōn atlopui heia ṭōn-inlak antlosōtna vâng khan anṭong hri kha kadik tia amalârpek hei.

ṬŌNTLOHEI 11:21

Rōngpu ratha hratna’n a’nthloppui heia, mi katamtak in taksenna anleinei khana Rōngpu langting he’nhe jo hei.

ṬŌNTLOHEI 7:7

Tâk-kha khava antarazen mihei chunga ṭong tanna ke’n kanei sik, khana khava ram a inphut heikasōk sik heia kha hiva hmun a hin antakamuk sik eng kae.’

ROMANHEI 8:31

Hivaseng chunga hin eini’n heimo nihri ngam sik? Pathen kha nilanga a’nṭang inchu, tu mo anikadōi tor sik?

DÂNRABU INHNINA 31:23

Khava sōa Rōngpu’n Nun sapa Joshua hnenga ṭong ahri, “Inngamna nei roh khana intluk roh. Anhnenga kale’ntepna ram shunga Israel mipuihei kha hlam nakei sik hei kae.”

HEBREWHEI 13:5

Sêr madu hringkhō kha masō ruh, nannei khakham kha tlaipui ruh. Ajârchu Pathen in ati jo, “Ke’n nangni dahlon mak chei ning, masō’m masō mak chei ning.”

JOSHUA 1:5

Joshua, nang nahring lai seng tûte inkhat in re tor mak hei tin. Moses ka-ompui kapōa nang ka-ompui sik che; nang ahei tik a dahlon hêrmak che ning.

ṬONGKATANHEI 6:12

Rōngpu ngeva kha ama hneng inlâra ahri, “Inngamna kanei leh Ratha kahrat pase, Rōngpu’n nang a’nṭhōipui che.”

ṬONGKATANHEI 6:16

Rōngpu’n amasôn, “Natlo tor sik ajârchu ke’n ka’nthōpui sik che. Midianhei kha mi inkhat rōk inrepui kapōa nasuk rabun sik kae.”

ṬONGKATANHEI 6:17

Gideon in amasôn, “Nang in kachunga natlâi inchu, nang Rōngpu nachangna manchênna ṭhahrep amanhmu roh.

ṬONGKATANHEI 6:21

Khava sōa Rōngpu ngeva khan akut a achoi khōnghre hmora khan hme leh buhlom kha atôn jo. Hlunga inphut hmei hong kasuk a hme leh buhlom kha kakâng invâm jo. Khava sōa ngeva kha inhmu mak jo.

ṬONGKATANHEI 7:11

Anmani’n heimo antahri nanthei sik, khava sō leh buhluna sik a inngamna nanei sik.” Khava jâra Gideon leh Pura ankadōihei rephōr ahmora vakase jo hei.

SAMUEL INKHATNA 14:10

Khana anhnenga hong ruh anti’nchu, kase sik me; ajârchu khavakha eini’n re nitorna sik a Rōngpu’n mêrchîkna apek me kachang sik.”