SŌKSŌT 24:6 - LEKHARABU INTHENG (BSI)

⁶ Moses’n ran thisen kha a’nloa aṭimkhat thlengkam inkhat a ada jo; aṭimkhat chu maichâm hmating akathek a kae.

SŌKSŌT 24:6 ပူးပေါင်းရင်းမြစ်များ

RENGHEI INHNINA 17:15

Ama mansena ṭong juihnōm mak hei, anpu anpahei leh ama ṭong intepna kha juimak hei, khana ama gîkna hei kha anmani’n heitea teimak hei. Akahnem mak limsyem ankamuk, anbibinga hnemna kase kachang hei, khana Rōngpu’n ankimvea jât-hlop hei omchen anmanchu makna sik a ṭong apek hei kha juimak heia, anmani’n jât-hlop hei omchen jôk anjuia kae.

HLAHEI 99:6

Moses leh Aaron hei kha athempuhei kae, khana Samuel kha ahnenga aleikader inkhat kae; anmani’n Rōngpu kha anbek, ama’n amasôn hei.

SŌKSŌT 12:22

Ran thisen dana kōklei shunga khan Phibur Hyssop kha phûm una nan-inn kot vei leh changa thing kha leh kot chunga thing kha kano ruh. Mi inkhatbek in jîng khōvâr mak hma seng inn nantadahlon mak sik kae.

SŌKSŌT 12:7

Mipuihei khan khava ran thisen ṭhahrep antaloa anhme sâkna sik innkot kachohei leh kot chunga a’nkhang thing hei antakano sik kae.

SŌKSŌT 24:8

Khava sōa Moses khan thlengkam shunga thisen kha aloa mipuihei chunga aleikathek thlōn jo hei. Ama’n aleiti, “Rōngpu’n hiva ṭongpek rakip hei hi aleipek chei pha ama leh nangni intepna chunga akirkhumna thisen kha hi kae.”

SŌKSŌT 29:16

That roh, athisen kha maichâm rakir manlia kathek roh.

SŌKSŌT 29:20

That roh, athisen ṭhahrep lo ina Aaron leh asahei changtinga ankōryâma, anchang tinga ankutpuia, anchang tinga anke puia thisen kha kano pek heiroh. Thisen a’nhleiseng kha maichâm rakir manlia kathek roh.

JEREMIAH 31:32

Hivahi ke’n anpu anpahei Egypt a inphut ankut kamatua kaheiṭhōisōt hei pha intepna marō kha leh in-ang mak ning. Kei hi anpuise kapō kha kachang inum khava intepna kha nitmak hei.

LEVI-DÂN 1:11

Maichâm sak intongting ran kha athat sik khana thempu he’n thisen kha maichâm rakir manlia ankathek sik.

LEVI-DÂN 1:5

Khana khan sehratche kha athat sik, Aaron innshunga thempu he’n thisen kha Rōngpu hneng antōk sik khava sōa Pōn-inn hlutna hnenga aka-om maichâm asir manlia ankathek sik.

LEVI-DÂN 3:2

Ranhei chunga akut ada sik khana Rōngpu omna Pōn-inn hlutna hnenga athat sik. Aaron innshunga thempu he’n thisen kha maichâm asir manlia ankathek sik

LEVI-DÂN 3:8

alu chunga akut ada sik Pōn-inn hmaikunga athat sik. Thempu he’n thisen kha maichâm asir manlia ankathek sik

LEVI-DÂN 4:6

Akutpâr hmor kha thisena khan aphuma, a’ntheng pinden kha vōisari akathing thlōn sik kae.

CORINTHIANHEI INKHATNA 11:25

Kha leh in-anghrep a, anmani’n ansâksō pha, ama’n kōklei kha aloa khana ahri, “Hiva kōklei hi kathisenna mêrchîkna kataetkhum jo Pathen ṭongtep ther kha kae, nangni’n nan-in akaia kei mandonsōtna nei ruh.”

COLOSSIANHEI 1:20

Khana Sapa jâra vânhnōi ralei pumpui ahnenga aṭhōi male nôk sik hi Pathen manṭhatna kae. Thingrake chunga Asapa thisen vâng khan Pathen in malung daina asyema khana marvân chunga leh raleichunga heirakip ahnenga aṭhōi male nôk heia kae.

HEBREWHEI 12:24

Intepna ther kasyem Jesu hneng leh Abel thisen kanek a akaṭhachet intepna athisen inthek khumna khan kahong jo chei.

HEBREWHEI 8:9

Anpu sōnhei leh intepna kaleisyem kapō kha changmak jo ning, ankut kaleimatua Egypt ram a inphut kaleiṭhōi sōt lai hei kha changmak jo ning. Anmani kanṭong intepna chunga taksenthei leichang mak hei khava jâra ke’n leidon mak hei eng.

HEBREWHEI 9:18

Khava jâra intepna hma-inkei kapha kha’m thisen anhmang rōk leh ṭōntlo theina kha hong kae.

HEBREWHEI 9:19

Hmapena, Dân shunga ṭongpek ka-om rakip kha Moses’n mihei amanthei heia kae. Khava sōa sehratche leh ke thisen kha aloa tui leh amanheia sahme kasen leh hyssop phibur vâng Dânrabu kha leh mi rakip akathing thlōn heia kae.

HEBREWHEI 9:21

Khang tlit a khan A’ntheng Rabuk leh kamukna a’nhmang neinâk rakip hei chunga thisen kha Moses’n aleikathing thlōna kae.

PETER INKHATNA 1:19

khavakha masetna kase leh nōrna kase kemōngte inkhat kapō, mankatamtak Christa inpek sōtna kha kae.

PETER INKHATNA 1:2

Ṭong kajui sik leh athisen vâng sukmantheng sik cheia alungdotak a nangni akadei jo chei kae khana arathla vâng mi intheng amanchang jo chei kae. Maritna leh lung mōngna kha pui katluk a nanta chang rasoh.