SŌKSŌT 23:8 - LEKHARABU INTHENG (BSI)

⁸ Rirûk a sêr pekna lo hêrmak ruh, ajârchu rirûk pek hin akadik a inphut mi hmit amancho khana ṭhenakase hei asuk manset heia kae.

SŌKSŌT 23:8 ပူးပေါင်းရင်းမြစ်များ

HLAHEI 15:5

Anmani’n ansêr athōi kasea mi anmanpûk hei, khana ṭhenakase hei dōina sâkhi changna sik a mi sêrpek lomak hei. Tu enum hiseng katlo mi kha ahei tik a inhukna aneiṭhak sik.

HLAHEI 26:10

Khahei khachu pha rakip a ṭhatmak ṭōn katlohei leh sêrmarûk sâk sik a a’ntluk ṭhak hei kha kae.

ṬONGCHÎK-HEI 15:27

Malung intheng loa sêr inhlei namadu’n chu, na-innshung khōdeng theina sik hrep kae. Marûk sêrpek sâk mak roh kahringsôt sik che.

ṬONGCHÎK-HEI 17:23

Akadik mak ṭongtanpu hei khan marûk sêr ansâk, khana ṭong kha kadik a tanmak hei.

ṬONGCHÎK-HEI 17:8

Mi loikhat in marûk a sêr inpek hi hmitphedôi kapōa ṭōn atlo tia anmandon; hivahin heirakip atlo tor tia antaksen.

ṬONGCHÎK-HEI 19:4

Mikahao he’n ahei tik a ṭhōn ather anhmu hei, tâk sara he’n ṭhōn ahlekte he’m inthloppui tor mak hei.

MI INTHEIPA 7:7

Nang kasingthei che, tâk-kha mi inkhat nahōn mathlâk inchu, mikamo kapōa kachôn jo che. Nang in marûk sêr nalo’nchu na-omchen kha nasukset jo.

ISAIAH 1:13

Tōk sik nantaheichoi hei hi hnemna kase kae. Marim katui nanta romanhnam hei hi kahōt hei. Nanthlather Revei, serning nitna, khana beklanga nan-intûpna hei hma khan ngir tor mak eng; khahei seng kha nansetna khan amanchoksō heia kae.

ISAIAH 1:23

Nahlam kakeihei kha indōipui leh mi’nru hei ṭhōnhei kae; anmani’n kutchoi pek leh sêrmarûk sâk rōk antloṭhak a kae. Anmani’n nu leh pa kasehei kha ṭong tanna inna hukphung mak hei, khana renghmei he’n anṭong anmalâr pha rangei pek mak hei.

ISAIAH 33:15

Nangni’n ṭongdik nanhria akaṭha nantlo’nchu kahringtor sik chei. Sarahei hōnna sik a nanratha hmangmak ruh, khana sêrmarûk sâk mak ruh. Mi thatna sik leh ṭōnse tlona sik a mantlukna kaneihei kâra invei mak ruh.

ISAIAH 5:22

Nangni inhmang jo chei! Ju likli hnenga mi kahrânghei! Ju manhei nanhong in pha, akangarsō leh ṭitna kase hei!

ISAIAH 5:23

Tâk-kha sêrmarûk heikhat jâra ṭhena kanei kha nanmasō, ṭongdik kachen sik ṭhenakase mi kha, nantinga kae.

EZEKIEL 22:12

Nanmi ṭhahrep in sêr pek a mikathat ka-om chei. Ṭhahrep in ansōpui Israelhei hnenga sêrpûk masōa sêrthōi kalo khana anmani heia inphut hnemna jonga mikahao ka-om jo chei. Anmani’n kei anmahngi jo eng.” Chunghnung Rōngpu’n ati jo.

HOSEA 4:18

Ju katamtak an-insō leh, noti omchen kha anmadua kae, kajana kanek a inzakna chen sik anmadu jôk a kae.

AMOS 5:12

Heituk a ṭit ka-om setnahei nantanei mo khana heituk a dân sukṭhena nantatlo mo ti kamanhret. Mikathahei nansuk manrim hei, sêrmarûk nanlo, khana ṭongtan hmun a sarahei dikna chen sik kha nankhar hei.

MICAH 7:3

Anmani ankhenga ṭhatmak tlona kathemhei. Vaikarôn leh ṭongkatan he’n sêrmarûk sâk sik ander. Aṭong kase, ratha kanei mi khan amanthei heia, anmani inchun heia ṭōn anmantluk a kae.

DÂNRABU INHNINA 10:17

Rōngpu nan-Pathen hi ratha neina rakip leh pathen rakip chunga akahratpen kae. Ama akalen leh ratha kanei kae, ama chu ṭit sik kha kae. Ama’n ôtum neimak khana ama’n sêrmarûk sâk mak.

DÂNRABU INHNINA 16:19

Anmani’n ṭong antan pha, dikmak antatlo mak sik khana ôtum antanei mak sik kae; marûk sêr antarahlâng mak sik kae; ajârchu kutchoi hin mikasing leh malung intheng hei hmit amanchoa dik loa ṭong mathlakna amannei heia kae.

SAMUEL INKHATNA 12:3

Kei hin ka-om jo eng. Heikhat kaṭhena a-om inchu, tûn Rōngpu leh akadeisōt rengpa hmaikunga amaher ruh. Ke’n tu inkhat sehrat pui leh shakōrtung kalo jo mo? Ke’n tu inkhat kahōn achangmak leh kasuk manrim aka-om mo? Ke’n tu inkhat a marûk a sêr kalo aka-om mo? Ke’n heikhat kalôna a-om inchu, kaleilo kha ke’n kapek male sik.”

SAMUEL INKHATNA 8:3

Tâk anmani kha anpa chônhlam juimak hei; sêr hmun a rōk a anratha kahrok, khava jâra marûk sêr anrahlâng khana malung inthenga ṭong tanmak hei.