SŌKSŌT 23:2 - LEKHARABU INTHENG (BSI)

² Mi katam lang in dikmak antlo pha, a-emak leh ṭongtan kadik kha akadik mak a anmahe pha juimak hei ruh.

SŌKSŌT 23:2 ပူးပေါင်းရင်းမြစ်များ

A’NPHUTNA 19:4

Khōhmehei khan anje mak hma Sodom mihe’n inn kha anlei kakesi jo. Khava khōpuia pase upa leh rether ankhenga le’nvei hei.

A’NPHUTNA 6:12

Pathen in vânhnōi raleichung hi a-ena ṭhatmak kasip kha ahmu jo, ajârchu mihring he’n akaṭhamak hringkhōa leika-om hei.

A’NPHUTNA 7:1

Rōngpu’n Noah hneng, “Rakōng shunga na-innkō akhenga hlut jo ruh; raleichung pumpuia nang rōk hi akadik katlo che kae ti hi ke’n kahmu sōt jo.

RENGHEI INKHATNA 19:10

Ama’n amasôn, “Rōngpu Chunghnung Pathen, ke’n ahei tik a karazen che, nang rōk. Tâk-kha Israel mipui he’n nang leh nanle’ntepna kha ansukkhōi jo, namaichâm anṭhet maphûr jo, khana nasânkathemhei anthatsō jo hei. Kei rōk kahring jo eng, ke’m that sik a anrei eng!”

JOB LEKHARABU 31:34

Mihe’n heimo antati sik ṭit hêrmak eng; anmani raseina ṭit jâra vâng sōkloa innshunga om mak eng.

HLAHEI 72:2

kha achang inchu namihei chunga kadiktak a vai arôn sik, khana mi inrenghei kha’m kadiktak a a-en manhōi tor sik hei.

ṬONGCHÎK-HEI 1:15

Kasapa, khava kapō mihei leh inṭhōimak ruh. Anmania inphut kahlatak a om roh.

ṬONGCHÎK-HEI 18:5

Ṭhena kanei mi kha pom a, ṭhenakase mi kha mandikmak sik hi dikmak.

ṬONGCHÎK-HEI 4:14

Mikaṭhamak-hei sena hmun a semak roh. Mikaṭhamak-hei omchen kha juimak roh.

JEREMIAH 37:15

Anmani kachunga anhnuk kana hêr, anvōk enga karôt a ṭong inzet Jonathan inn, mi khumna antahmang den a khan ankhum eng.

JEREMIAH 37:21

Khava jâra reng Zedekiah’n kei kha reng-innpuia sumpuk a khum sik a ṭong apek jo eng. Khana khan ka-om enga ani tina buhlom syemna inphut buhlom inkhat sâm, khōpui shunga buhlom atlang mak kârseng anpek enga kae.

JEREMIAH 38:9

“Reng Kalûr, hiva mihei tatlo hi dikmak. Khōpui shunga sâk sik a-om mak jo pha, Jeremiah hi vonṭâma akathi nger sik jo pha hin, anmani’n Jeremiah hi tuikhur kōk shunga ankhuma kae.”

EZEKIEL 9:9

Pathen in amasôn eng, “Israel leh Judah mihei ṭit ka-om tak setna ṭhena kha antlo jo. Ram pumpui shunga mi anthat jo khana Jerusalem hi tloṭhena vâng rōk a anmansip jo. Rōngpu ke’n anram kadahlon pek heia, anmani hmumak jo hei eng tia anmani’n anti.

LEVI-DÂN 19:15

“Ṭong tlâng kasōk mandaina nannei pha malung inthenga ṭong tan ruh; sara ôpna khana heisa ṭitna malârmak ruh.

HAGGAI 1:4

“Kamihei, kabek-inn chu katlek a a-omlai hin heisik a mo nangni’n inn kahōi tatak a aka-om sik chei?

MARK 15:15

Pilate in mipui malung mantlai sik amadu jâra Barabbas amasō pek jo heia Jesu kha amanjem heia thingrakea makhei hlon sik a apek jo hei.

ṬŌNTLOHEI 24:27

Kum 2 athlengsō pha Felix kha Porcius Festus in ram vaikarôn inkhat a ajōng thleng jo. Felix khan Jehudihei malung tlaina ajong jâra Paul kha kurkhum shunga akhuma aleidahlon joa kae.

ṬŌNTLOHEI 25:9

Tâk-kha Festus khan Jehudihei malung tlaina sik ajong jâra Paul hneng ader, “Jerusalema sea sova hmun a kei ângkunga hiva maherna hei che hi ṭong tan sik akahnōm che mo?”

ROMANHEI 1:32

Hinghiva omchen katlo mihei khachu anthi sik rahōi kasōk tia Pathen Dân tahri kha anmani’n amanhret. Achang ravâng anmani’n khava omchen kha antatlo manjōm rōk changloa khava omchen katlo milak-hei kha’m an-inteipui heia kae.

DÂNRABU INHNINA 1:17

Nanṭong mathlakna khan ôtum neimak ruh; tu-anchang inum in-anghrep a mi rakip kha ṭong tanruh. Tu inkhat ṭitna neimak ruh, ajârchu nangni ṭong mathlak kha Pathena inphut akajōng kae. Ṭong kasōk inkhat kha nangni sik a a’ntakrei inchu, kei hneng heimathlung ruh, ke’n ṭong kamathlak sik.’

DÂNRABU INHNINA 16:19

Anmani’n ṭong antan pha, dikmak antatlo mak sik khana ôtum antanei mak sik kae; marûk sêr antarahlâng mak sik kae; ajârchu kutchoi hin mikasing leh malung intheng hei hmit amanchoa dik loa ṭong mathlakna amannei heia kae.

DÂNRABU INHNINA 24:17

“Khōhme leh nu leh pa kasehei dikna ratha neina kha manhmang pek mak hei ruh; hmeithainu inkhat pōnsi kha sêrpûk jâra bandhop a lopek mak ruh.

JOSHUA 24:15

Ama nanrazen hnōm mak inchu, tu mo nanta razen sik kadei ruh, Tuning hin Mesopotamia nanpu sōnhei taleikamuk pathen mo a-emak leh tuna nan-omna Amorhei pathen mo? Kei innshung leh kei sik a chu, Rōngpu kha kanrazen sik.”

SAMUEL INKHATNA 15:24

Saul in amasôn, “Ôk, kaset jo eng. Ke’n Rōngpu ṭongpek leh nang mansena juimak jo eng. Ke’n kamihei kaṭit heia anmani tamadu kaleitlo jo.

SAMUEL INKHATNA 15:9

Tâk Saul leh ami he’n Agag hringkhō chu anṭhensōt jo khana kemōng, ran, sete leh kemōngte akaṭhapen khana ran akaṭha rakip hei chu leithat mak hei; hmangna kase leh hnemna kasehei rōk kha ansuk manhmang hei.