SŌKSŌT 22:31 - LEKHARABU INTHENG (BSI)

³¹ “Nangni kami chei kae, khava jâra nangni’n ramsha tathat shahme inti pou-pou nantasâk mak sik kae. Khava kanek a uihei pek hei ruh.

SŌKSŌT 22:31 ပူးပေါင်းရင်းမြစ်များ

EZRA 9:2

Jehudi he’n jât-hlop mihei nuhmei an-ompui hei, khava jâra Pathen mi intheng hei kha kachok jo hei. Hlamkakei leh vaikarônhei kha apuipena akasukṭhe hei kha kae.

EZEKIEL 4:14

Tâk-kha ke’n kamasôn, “Changmak, Chunghnung Rōngpu! Ke’n kabinga insuk innimphung mak eng. Kanaipang chang laia inphut binga kathi ran hme khana ramshahei tathat hme heisâkphung hêrmak eng. Akabōk thlai heisâkphung hêrmak eng.”

EZEKIEL 44:31

Thempu he’n va leh sha akathisa a-emak leh sha ahlop inkhat tathat heikhat sâk mak hei ning.”

LEVI-DÂN 19:2

Israel mihei hneng hri sik kha amanthei, “Intheng ruh, ajârchu nan-Pathen Rōngpu kei intheng eng.

LEVI-DÂN 20:25

Khava jâra beklanga a’ntheng leh a’nthengmak ranhring leh vahei nantaṭhen kaṭha sik hei kae. A’nthengmak ranhring leh vahei sâk mak ruh. Intheng mak tia kahri kha nansâk inchu amantheng mak chei ning.

LEVI-DÂN 22:8

Binga kathi leh ramsha tathat ran hme sâk mak ning, ama mantheng mak ning. Kei Rōngpu eng kae.

LEVI-DÂN 7:24

Ran angaia akathi, a-emak leh ramsha tathat hme kha sâk mak sik kae, tâk-kha ahlop-heikhat sik a hmangthei kae.

ṬŌNTLOHEI 10:14

Tâk-kha Peter in, “Changmak, Rōngpu! Bek ngaia a’nthengmak a-emak leh akabōk hei sâkphung mak eng,” ati.

ṬŌNTLOHEI 15:20

Khava kanek a, anhnenga chithi mazet jôk me sona bek chônngaia akabōk bu leh thlai ansâk makna sik, ajârchu khahei kha limsyem hnenga tōknahei kae; jông leh kîk a inphut anbinga an-inkhâmna sik; khana karâk-hlon ranhring leh thisen ansâk makna sik a manthei hei rih.

DÂNRABU INHNINA 14:21

“Binga akathi ranhring inkhatbek sâk mak ruh. Nankâra ka-om ram hlop mihei nanmansâk thei hei, a-emak leh ram hlop hei hneng nanjōr thei sik. Tâk nangni chu Rōngpu nan-Pathen ta chei kae; nangni ama mi chei kae. “Kemōngte a-emak leh kete apui netuia sōng mak ruh.